სოციალური მედია და ციფრული მარკეტინგი იმ სამუშაოების რიგებშია, რომლებიც სულ რაღაც 10 წლის წინ არც კი არსებობდა. დღეს კი რეალობა რადიკალურად შეიცვალა და მსოფლიოში ყოველდღიურად სულ უფრო მეტი ადამიანი ინტერესდება სოციალური მედია მარკეტინგის მიმართულებით. თუ შენი მიზანი სოციალური მედია მარკეტინგის სწავლაა და გინდა, რომ ამ დარგში რაც შეიძლება სწრაფად განვითარდე, სავარაუდოდ სოციალური მედია მარკეტინგის კურსები და მათ შესარჩევად რამდენიმე რჩევაც დაგაინტერესებს.
1) როგორია სწავლის მეთოდი?
მნიშვნელოვანია, ზუსტად გადაწყვიტო, სწავლის რომელი მეთოდოლოგიაა შენთვის უფრო კომფორტული და მოსახერხებელი. გირჩევნია ონლაინ/დისტანციური კურსები თუ პირისპირ ტრენინგი. ონლაინ კურსების მთავარი უპირატესობა თავისუფლებაა. თუ შენთვის უფრო მოსახერხებელია, რომ ისწავლო ნებისმიერ საათზე, როდესაც თავისუფალი დრო გამოგიჩნდება, მაშინ არჩევანი ონლაინ კურსებზე შეაჩერე.
ონლაინ კურსები როგორც წესი, საშუალებას გაძლევს ხელახლა გადახედო კურსის მასალას იმდენჯერ, რამდენჯერაც გჭირდება, რა თქმა უნდა, ნებისმიერ დროს და ნებისმიერ ადგილას.
2) რას მოიცავს სოციალური მედია მარკეტინგის კურსის მასალა?
სოციალური მედია საკმაოდ ფართო თემატიკაა, ამიტომ კურის შერჩევამდე, გირჩევთ, დეტალურად გადახედო კურიკულუმს და დეტალური წარმოდგენა შეიქმნა იმ მასალაზე, რასაც კურსის საშუალებით გაივლი.
ასევე, მნიშვნელოვანია იმის გაგება, თუ რამდენად პრაქტიკულია კურსი და რამდენად გამოიყენებ მიღებულ ცოდნას შენს ყოველდღიურ საქმიანობაში.
3) რა ღირს კურსი და რა შედის მის საფასურში?
ბუნებრივია, კურსის ღირებულება ნებისმიერი სტუდენტის გადაწყვეტილებაზე მნიშვნელოვნად მოქმედებს და ხშირად, გადაწყვეტილების მიღების უმთავრესი ფაქტორიც კი ხდება. გირჩევთ, კარგად მოიძიო და დეტალურად გაერკვე, რა შედის კურსის საფასურში და ხომ არ ღებულობ რაიმე დამატებით სარგებელს მისი შეძენისას. მაგალითად, უფასო კონსულტაციას კურსის ხელმძღვანელთან, ჯგუფში გაწევრიანებას ან რაიმე სხვას.
4) რა დრო დაგჭირდება კურსის გასავლელად?
საშენო კურსის სწორად შესარჩევად, მნიშვნელოვანია, ზუსტად განსაზღვრო, რა დროის დათმობა გსურს სწავლისთვის და რამდენად გაქვს შესაბამისი დროის რესურსი საამისოდ. ამ კუთხით სოციალური მედია მარკეტინგის კურსებში ძალიან დიდი არჩევანია. სურვილის შემთხვევაში, მარტივად იპოვი გრძელვადიან კურსს, ისევე როგორც ისეთ კურსებს, რომელთა ხანგრძლივობა მთლიანად შენზე იქნება დამოკიდებული. მაგალითად, თუ სფეისის ციფრული მარკეტინგის მენეჯერის, ირაკლი ჩხეიძის კურსზე, “რეკლამა სოციალურ მედიაში”, შეაჩერებ არჩევანს, თავად შეძლებ განსაზღვრო, როდის და რამდენი ვიდეო გაკვეთილი გაიარო.
5) ვისთვის არის კონკრეტული სოციალური მედია მარკეტინგის კურსი?
საშენო კურსის შერჩევის პროცესში გასათვალისწინებელია ისიც, თუ რამდენად გჭირდება საბაზისო ცოდნა მის გასავლელად და რა საერთოდ, აუცილებელია თუ არა რაიმე ცოდნა გქონდეს ამ მიმართულებით, როდესაც სოციალური მედია მარკეტინგის კურსზე რეგისტრირდები. იმ შემთხვევში, თუ Digitalhub.edu.ge-ს ონლაინ კურსით დაინტერესდები, შეგიძლია ამ საკითხზე აღარ იღელვო, რადგან ის განკუთვნილია როგორც დამწყები ციფრული მარკეტერისთვის, ისე მცირე და საშუალო ბიზნესის მფლობელისთვის და რა თქმა უნდა, გამოცდილი ციფრული მარკეტერისთვისაც, რომელიც დაინტერესებულია რეკლამის გაშვების მოწინავე სტრატეგიებით, და კამპანიის ბიუჯეტისა და შედეგების მასშტაბირების (Scaling) სწორი მეთოდოლოგიებით.
თუ გინდა სიღრმისეულად შეისწავლო, როგორ გაუშვა რეკლამა სოციალურ მედიაში, უბრალოდ ეწვიე Digitalhub.edu.ge-ს ვებგვერდს და გაეცანი ირაკლი ჩხეიძის ონლაინ კურსის კურიკულუმს.
