ღონისძიებების დაორგანიზება ხშირ შემთხვევაში დიდ დროს, ენერგიასა და რესურსს მოითხოვს. ქართული კომპანია Eventoryx კი გთავაზობთ მაღალ სტანდარტებსა და თითოეულ მომხმარებელზე მორგებულ მომსახურებას. აღნიშნული კომპანია დაგეხმარებათ დაგეგმოთ ღონისძიება ისე, რომ შედეგმა მოლოდინს გადააჭარბოს. დეტალური ინფორმაციისთვის OK! გაესაუბრა Eventoryx-ის თანადამფუძნებელს ანა კალანდაძეს.
გვიამბეთ Eventoryx-ის დაარსების შესახებ.
ჩვენი კომპანიის დაარსების იდეა ისეთ დროს გაჩნდა, როცა ქვეყანა, პანდემიის შიშით იყო გაყინული, შემოღებული აკრძალვები კი დღესასწაულების, სიურპრიზებისა და ზოგადად ბედნიერების ერთმანეთისთვის გამზიარებელ ადამიანებს ნაცრისფერ, უღიმღამო, შიშითა და სიფრთხილით გაჯერებულ, არც თუ ისე „დროებით“ მომავალს უმზადებდა. რადგან ჩვენი სამეგობრო, არაფრით განსხვავდება სილაღისა და სიხარულის გამზიარებელი საზოგადოებისგან და ჩვენც რთულად შესაგუებლად გვეჩვენებოდა ერთფეროვანი ყოველდღიურობა, რაც თავის თავში ყველა სირთულესთან ერთად ფინანსურსაც გულისხმობს, გადავწყვიტეთ ისეთი საქმიანობის წამოწყება, ადამიანებს განწყობას რომ აუმაღლებდა და ამ დამღლელ ერთფეროვნებაში იმედის მარცვალს ჩაგვაგდებინებდა, დროდადრო გაგვიფერადებდა სამყაროს ჩვენც და ჩვენთვის უცნობ ადამიანებს. მტკიცედ მიღებული გადაწყვეტილებით დავურეკე ჩემს ორ ბავშვობის მეგობარს თამარ ჭიღლაშვილსა და ნინო ხითარიშვილს, რომ წამოგვეწყო ისეთი საქმე, ადამიანებს განწყობას რომ აუმაღლებდა და ამ დამღლელ ერთფეროვნებაში სამყაროს გაგვიფერადებდა, ამიტომ დავაარსეთ ჩვენი ივენთ კომპანია. ზუსტად 2 დღეში სოციალური ქსელებით გავეცანით სახლში გამოკეტილ იუბილარებს, შეყვარებულებს, ახალშობილთა მშობლებს, საპატარძლოებს, სასიძოებს და ა.შ. პირველივე პოსტებს Facebook-სა და Instagram-ზე საკმაოდ დიდი გამოხმაურება მოჰყვა, რამაც კიდევ ერთხელ დაგვარწმუნა იმაში, რომ სიცოცხლე გრძელდება და მისი დაგეგმვა განსაკუთრებულად უნდა მოხდეს. ლამაზად ცხოვრებას ბედნიერი დღეების დაფასება და შესაბამისად აღნიშვნა უხდება. ჩვენს კომპანიას სული არა მხოლოდ ჩვენ, არამედ ჩვენი იდეების მომწონებელმა ადამიანებმაც შთაბერეს და ოდნავ დაბნეულებმა ასე შევძელით ჰაეროვანი დღესასწაულების მოწყობა სახელდახელოდ მოძიებული ნივთებით, საკუთარი ხელით შექმნილი დეკორაციებით, ძილის წინ ჭერზე ყურებისას წარმოსახვით შექმნილი ესკიზებით, დიდი სიყვარულითა და უკეთესი მომავლის იმედით.
რა სახის მომსახურებას სთავაზობთ მომხმარებელს?
კომპანია Eventoryx თავის მომხარებელს ყველანაირი სახის ღონისძიების დაგეგმვას და ორგანიზებას სთავაზობს, იქნება ეს დაბადების დღე, ქორწილი, კორპორატიული ღონისძიება თუ ნებისმიერი სხვა ივენთი. პირველ რიგში, ვისმენთ დამკვეთის სურვილებს და მოთხოვნებს, შემდეგ კი ვუთავსებთ ჩვენი კომპანიის დიზაინერების მიერ შექმნილ ნამუშევარს. მაქსიმალურად ვცდილობთ, რომ მომხმარებლის ინტერესები იყოს ხარისხიანად შესრულებული.
რა არის ის მთავარი ნიშა, რაც Eventoryx-ს გამოარჩევს?
არ ვიცი რამდენად გამოგვარჩევს, მაგრამ ჩვენი ნიშა არის ის, რომ ვცდილობთ 99%-ანი სიზუსტით მივიღოთ იგივე ფერები, რასაც ითხოვს დამკვეთი. ასევე ერთ-ერთი ყველაზე მთავარი კომუნიკაციის თემაა. თამამად შემიძლია ვთქვა, რომ ჩვენთან დაკავშირება მაქსიმალურად კომფორტულია მომხმარებლისთვის.
გვესაუბრეთ თქვენი აქციების შესახებ.
ჩვენი აქციები არის სეზონური. საშობაოდ უკვე გვქონდა და საკმაოდ წარმატებული აღმოჩნდა, რაც შეეხება მომავალ გეგმებს, ახლა გაზაფხულის დადგომასთან ერთად ვგეგმავთ სხვადასხვა აქციას.
სამომავლო გეგმები.
რაც შეეხება სამომავლო გეგმებს, პირველ რიგში, ვგეგმავთ გაფართოებას და ფართო მასშტაბებზე გასვლას, რაც მოიაზრებს საქართველოს სხვადასხვა რეგიონისთვის ჩვენი სერვისის შეთავაზებას. ასევე ვაპირებთ განსხვავებული სახის ღონისძიებები და სხვადასხვა სიურპრიზი შევთავაზოთ ჩვენს მომხმარებელს, რასაც ამ ეტაპისთვის საიდუმლოდ დავტოვებთ.
მთავარი კი ის არის, რომ ჩვენი პარტნიორები, ახლა უკვე ის ადამიანები არიან, რომელთა ბედნიერების გაზიარება მოგვიწია დღემდე და მზად ვართ მომავალშიც მათი დღესასწაულების მონაწილენი გავხდეთ! იმედია, ასეთი დღეები მრავლად ექნება ყველას ჩვენს ქვეყანაში! ჩვენ ყოველთვის მზად ვართ მის გასაფერადებლად და მათი სიხარულის გასაზიარებლად!
ტექსტი: მარიამ მთივლიშვილი
