მაისის პირველი ორშაბათი მსოფლიო მოდის დაბადების დღეა, რადგანაც ამ დღეს Metropolitan Museum of Arts-ში ყოველწლიური კოსტმირებული წვეულება – Met Gala ტარდება. გასულ წელს, შექმნილი მდგომარეობიდან გამომდინარე, ორგანიზატორებმა უარი თქვეს ხალხმრავლობაზე, თუმცა 2021 წელს ცნობილ ვარსკვლავებს უკვე წითელ ხალიჩაზე ვიხილავთ.
თუმცაღა წელს ანა ვინტურისა და Vogue-ის გადაწყვეტილებით Met Gala მაისის თვის ნაცვლად 13 სექტემბერს გადაინაცვლებს, როცა კოვიდთან დაკავშირებული სტატისტიკა ორგანიზატორების იმედით უფრო და უფრო არასაყურადღებო გახდება.
ოფიციალურად ჯერ არ გამოცხადებულა, თუმცა Page Six-ის ცნობით, წლევანდელი თემა ამერიკა და ამერიკელი დიზაინერები იქნებიან, რომჯლებმაც Covid 19-ის ფონზე 18-თვიან კრიზის გაუძლეს.
რაც შეეხება საღამოს წამყვანს, სარწმუნო ცნობებით, ის პოეტი -ამანდა გორმანი გახდება, რომელმაც მსოფლიოს თავი ჯო ბაიდენის ინაუგურაციის დღეს გააცნო.
