მასტერშეფის მონაწილე და მზარეული, მარტა ბარამიძე ტელეკომპანია ფორმულას გადაცემაში „ია ფარულავას კონვერტის“ სტუმარი იყო, სადაც მისთვის ერთ-ერთ მტკივნეულ თემაზე, სექსუალურ ძალადობაზე ისაუბრა:
„დამიძახა და მითხრა, თუ არ გავაკეთებდი იმას, რაც მას უნდოდა, მომაჭრიდა თითს. მთხოვა თითის გაწვდენა. დღემდე მაქვს ნაიარევი. დანა დამადო. ჰქონდა სექსუალური ძალადობის მცდელობა. ჩემგან უარის მიღების შემდეგ, სრულიად შოკირებულ მდგომარეობაში ვიყავი, მითხრა, რომ ამეღო ნივთები და წავსულიყავი. სამზარეულოში ჩუმად ავიღე დანა და ჩავიდე შარვალში. თუ რამეს დააპირებდა, მზად ვიყავი, თავი დამეცვა. ჩამსვა მანქანაში, მიმიყვანა სასაფლაოზე და კიდევ გამიმეორა იგივე, თუ იმას არ გავაკეთებდი, რაც მე მსურდა, დამტოვებდა სასაფლაოზე. დამტოვა და წავიდა. რამდენიმე წუთში მობრუნდა რადიკალურად შეცვლილი სახით, რაღაცის ზემოქმედების ქვეშ იყო, შედარებით გადავლილი ჰქონდა. წამომიყვანა სახლში და ჩამკეტა გარედან.ვიპოვე ზეწრები, დავამაგრე მოაჯირს და ჩავძვერი ქვემოთა სართულზე. აივანზე იდგა კარადა, იმის თავზე შევხტი და გამოვიქეცი.“
მან ასევე იმ ადამიანის ვინაობაც დაასახელა ვისაც მასზე სექსუალურად ძალადობის მცდელობა ჰქონდა:
„არ მინდა, ამ ადამიანის მხრიდან რომელიმე გოგომ იწვნიოს. ეს ადამიანი არის ბიკო ბირბიჩაძე“
იხილეთ გადაცემა სრულად :
