გიო ხუციშვილის მეუღლე, მაია ჯორჯაძე გადაცემა „შუადღე“- ში იმყოფებოდა, სადაც მომღერლის შესახებ ისტორიებს იხსენებდა. როგორც მაიამ აღნიშნა მათი ურთიერთობა სიმღერით დაიწყო და ბოლომდე ასე გაგრძელდა:
„მეგობართან გავიცანით ერთმანეთი. სიმღერ-სიმღერით დაიწყო და გაგრძელდა ჩვენი ურთიერთობა სიყვარულით.“
მან ასევე თქვა, რომ მეუღლე სიურპრიზებითა და საჩუქრებით მუდმივად ანებივრებდა ყველა დღესასწაულზე:
„სიურპრიზები მან რომ იცოდა, ასეთი არ ვიცი… უცებ შემოვიდოდა, როიალზე დადებდა ბილეთებს და იტყოდა, ამაღამ მივფრინავთო. არ არსებობდა დღესასწაული, როცა საჩუქარი არ მოჰქონდა. მთელი თვის განმავლობაში აგროვებდა საჩუქრებს ახალი წლისთვის და თორმეტ საათზე იყო ფეიერვერკი, როცა გამოჰქონდა ხოლმე“
ყველასთვის საყვარელი მამა-შვილის, გიოს და ზუკას ურთიერთობაზე მაიამ გადაცემაში ორიოდე სიტყვით ისაუბრა:
„მამა-შვილს შორის რაღაცნაირი რიდი იყო. გიო ყველაფერს იღებდა თავის თავზე. დღეში ოცჯერ რეკავდა, როცა გადიოდა. უმაგისოდ არაფერი უნდა მომხდარიყო ოჯახში.“
შეგახსენებთ, რომ გიო ხუციშვილი სიმსივნის მსხვერპლი გახდა, სამწუხაროდ დიაგნოზის გაგების პერიოდში მკურნალობა უკვე დაგვიანებული იყო:
„სამ თვეში ერთხელ იკეთებდა ანალიზებს. ორი კვირა ასტკივდა ფეხი. რომ წავიდა, უკვე ძალიან დაგვიანებული იყო. ექიმისგან რომ გამოვედით და გავიგეთ ეს ცუდი ამბავი, შენ არ ინერვიულო, ნახავ, როგორ დავამარცხებო. ერთი თვე უთხრეს და ცხრა თვე იცოცხლა…“
იხილეთ გადაცემა სრულად:
