#OK! კლაუდია შიფერიდან კაილი ჯენერამდე - Fantasy Bra: ძვირადღირებული ბიუსტჰალტერი და მისი გამორჩეული ისტორია

„Victoria’s Secret“-ის ყოველწლიური მოდის შოუ გამორჩეული ლუქებით, შთამბეჭდავი ფრთებითა და ვარსკვლავური სტუმრებით არის ცნობილი, თუმცა ბრენდის ისტორიაში განსაკუთრებული ადგილი „Fantasy Bra“-ს უკავია – ძვირფასი ქვებითა და ბრილიანტებით გაფორმებულ ბიუსტჰალტერს, რომლის ღირებულებაც მილიონობით დოლარს აღწევს.

2026 წლის 18 ოქტომბერს, რვაწლიანი პაუზის შემდეგ, „Fantasy Bra“ პოდიუმს დაუბრუნდა. ამჯერად მისი წარდგენის პატივი კაილი ჯენერს ერგო, რომელიც „Victoria’s Secret“-ის პოდიუმზე პირველად გამოჩნდა. ძვირფასი ქვებით გაფორმებული დიზაინის ღირებულება 50 მილიონ დოლარად შეფასდა, რაც ბრენდის ისტორიაში რეკორდული მაჩვენებელია. Vogue-ის ინფორმაციით, ბიუსტჰალტერი 4 410 ბუნებრივი ბრილიანტით არის გაფორმებული, მის ცენტრში კი 75,54-კარატიანი ყვითელი ბრილიანტია მოთავსებული, რომლის ღირებულებაც 22 მილიონ დოლარს აღწევს.

რა არის „Fantasy Bra“ და რატომ არის ის მნიშვნელოვანი?

„Fantasy Bra“ უბრალოდ ძვირადღირებული საცვალი არ არის – ეს „Victoria’s Secret“-ის საიმიჯო პროექტია, რომელიც მოდას, საიუველირო ხელოვნებასა და შოუბიზნესს აერთიანებს. მისი შექმნისას ბრენდი ცნობილ იუველირებთან თანამშრომლობს, დიზაინში კი ბრილიანტები, ლალი, ზურმუხტი, საფირონი და სხვა ძვირფასი ქვები გამოიყენება.

ტრადიციულად, ამ განსაკუთრებული დიზაინის წარდგენა ბრენდის ერთ-ერთ გამორჩეულ მოდელს ევალება.

პირველი მოდელები სარეკლამო კამპანიებსა და ბრენდის კატალოგებში წარადგინეს. მოგვიანებით კი ძვირფასი ქვებით გაფორმებული ბიუსტჰალტერი შოუს ერთ-ერთ მთავარ სანახაობად იქცა.