სატელევიზიო შოუ ,,გრეის ანატომიის’’ მსახიობმა – ერიკ დეინმა გარდაცვალებამდე რამდენიმე თვით ადრე, კერძოდ 2025 წლის ნოემბერში, Netflix-სთან ერთად სპეციალური, პირადი ინტერვიუ, ჩაწერა, რომელშიც ის პირდაპირ მიმართავს მის 15 და 14 წლის ქალიშვილებს, ბილის და ჯორჯიას. ინტერვიუ Netflix-ზე მსახიობის გარდაცვალების შემდეგ გამოქვეყნდა დოკუმენტურ მასალა ,,Famous Last Words”-ში. ეს არის პროექტი, სადაც ცნობილი ადამიანები მათ ბოლო ინტერვიუს წერენ, რომელიც მხოლოდ მათი გარდაცვალების შემდეგ ქვეყნდება.
დეინმა თითქმის ერთი წლის წინ გაავრცელა ინფორმაცია, რომ ის ამიოტროფიულ ლატერალურ სკლეროზს (ALS) ებრძოდა. ეს არის დაავადება, რომელიც ეტაპობრივად ზღუდავს კუნთების მუშაობას.
Netflix-თან ინტერვიუს ბოლოს მსახიობი კამერასთან მარტო დარჩა და საკუთარი ქალიშვილებისთვის ემოციური გზავნილი ჩაწერა. მიუხედავად ემოციური მდგომარეობისა, დეინმა შეძლო, რომ მისი შვილებისთვის 4 მთავარი რჩევა მიეცა:
- იცხოვრონ დღევანდელი დღით და დააფასონ ყოველი მომენტი;
- იპოვონ სიყვარული და ისეთი საქმე, რომელიც მათ გულს გაახარებს;
- გონივრულად აირჩიონ მეგობრები;
- არასოდეს დანებდნენ და ღირსეულად ებრძოლონ ცხოვრების გამოწვევებს.
,,ბილი და ჯორჯია, თქვენ ხართ ჩემი გული, თქვენ ხართ ჩემი ყველაფერი. ღამე მშვიდობისა. მიყვარხართ. ეს არის ჩემი ბოლო სიტყვები’’.
მსახიობმა სიცოცხლის ბოლო დღეები სწორედ ქალიშვილებთან – ბილისა და ჯორჯიასთან – ასევე ოჯახის სხვა წევრებსა და ახლობლებთან ერთად გაატარა.
