უცხოელი, რომელიც ირლანდიის ერთ-ერთ კუნძულზე მიტოვებულ ქონებას შეიძენს, 84 000 ევრომდე კომპენსაციას მიიღებს. This is Money -ის ინფორმაციით, ეს თანხა 2023 წლის ივლისში დაწყებული „მიტოვებული ქონების აღდგენის გრანტის“ ფარგლებში გაიცემა.
სახლი ირლანდიაში
სამთავრობო პროგრამის მიზანია კუნძულების მოსახლეობის გაზრდა, მიტოვებული სახლების აღდგენა-განახლება, ინფრასტრუქტურის გაუმჯობესება და ჯანდაცვისა და განათლების სერვისებზე წვდომის გაფართოება.
დიდი გრანტები ხელმისაწვდომი იქნება მათთვის, ვისაც 2007 წლამდე აშენებული სახლების შეძენა სურს. გარდა ამისა, შეძენილ ქონებაში მფლობელები 2 წლის განმავლობაში უნდა შესახლდნენ.
გრანტის ფარგლებში შეიძლება სანაპიროსთან მდებარე 23 კუნძული განვიხილოთ. 2016 წლის აღწერით, ამ კუნძულებზე 2 734 ადამიანი ცხოვრობდა.
რემონტი
ახალI სახლის მფლობელებს შეუძლიათ რემონტისთვის 60,000 ევრომდე თანხა მიიღონ ან 84,000 ევრომდე თანხა, თუ ქონება მთლიანად სარემონტოა.
გრანტის მოცულობა ადგილობრივი ხელისუფლების მიერ დამტკიცებული სამუშაოს მოცულობაზეა დამოკიდებულია და ისეთი საბუთების საფუძველზე გაიცემა, როგორიცაა ინვოისები და ქვითრები. ამის შემდეგ, უცხო ქვეყნის მოქალაქეს სახლში ცხოვრება სულ მცირე, 10 წლის განმავლობაში შეუძლია.
84,000 ევროს მიღების მსურველებს შეუძლიათ შესაფერისი სახლები ირლანდიის ადგილობრივი ხელისუფლების მიერ შედგენილ, მიტოვებული ქონების სიაში იპოვონ.
თუ პროგრამის მონაწილე სახლის გაყიდვას ან მის მიტოვებას გადაწყვეტს, მას შეიძლება ადგილობრივმა ხელისუფლებამ გრანტის მთლიანად ან ნაწილობრივ დაბრუნება მოთხოვოს.
