ლინდსი ლოჰანი New York ჟურნალის გარეკანზე მოხვდა -39 წლის მსახიობი 2025 წელს კულტურისა და ხელოვნების სფეროში ყველაზე გავლენიანი ადამიანების სიაში – The Culturati 50-ში შეიყვანეს. ჟურნალის გარეკანზე ლოჰანი ასიმეტრიული Jason Wu-ს კაბასა და Bvlgari-ს ოქროს სამკაულებში პოზირებს.
ლოჰანის გარდა, სიაში სხვა ცნობილი სახეებიც შედიან, რომლებმაც წელს წარმატებას მიაღწიეს და ისინიც, ვინც შემოქმედებითი კრიზისის შემდეგ ინდუსტრიას დაუბრუნდნენ: სერიალი „Split“-ის მთავარი გმირი ადამ სკოტი, მომღერალი ლორდი, „Stranger Things“-ის ვარსკვლავი სეიდი სინკი, „Gossip Girl“-ისა და „You“-ს ვარსკვლავი პენ ბეჯლი და მრავალი სხვა.
ლინდსი ლოჰანის კინოდებიუტი 11 წლის ასაკში, ფილმში „ხაფანგი მშობლებისთვის“ შედგა. პოპულარობამ, რომელიც გოგონას ასეთ ახალგაზრდა ასაკში თავს დაატყდა, ტრაგიკული შედეგები გამოიწვია: ალკოჰოლი, ნარკოტიკები, გარყვნილება, პროფესიული დაცემა და გაკოტრება.
ოდესღაც იმედისმომცემი მსახიობი და მომღერალი ჰოლივუდის ერთ-ერთ ყველაზე სკანდალურ ფიგურად იქცა, ბრიტნი სპირსთან ერთად. ამასთან, მსახიობის პირადი ცხოვრება არანაკლებ ინტერესს იწვევდა, ვიდრე მისი მთვრალი თავგადასავლები ან ნარკოტიკებთან დაკავშირებული პრობლემები.
2014 წელს ინტერნეტში ლინდსი ლოჰანის ყოფილი თუ „მოქმედი“ მამაკაცების სია მოხვდა. მათ შორის, ისეთი ცნობილი ადამიანები არიან, როგორიცაა ხოაკინ ფენიქსი, ჯასტინ ტიმბერლეიკი, ორლანდო ბლუმი, ბენისიო დელ ტორო, კოლინ ფარელი, ზაკ ეფრონი, ჰით ლეჯერი, ლუკას ჰაასი და მრავალი სხვა (სულ 36 გვარი).
2016 წელს ლოჰანმა საჯარო ღონისძიებებზე ჰიჯაბით გამოჩენა დაიწყო. სანამ გულშემატკივრები ვარაუდობდნენ ისლამი მიიღო თუ არა, მსახიობმა თავად გამოაცხადა, რომ რელიგიის შეცვლა გადაწყვიტა და სოციალურ ქსელში პირადი ბლოგიც კი წაშალა. ლინდსის „ახალი ცხოვრების“ ამსახველი პირველი ფოტო თურქეთის პრეზიდენტის, რეჯეფ თაიფ ერდოღანის ოჯახთან ერთად გადაღებული ფოტო იყო. 2017 წლის მარტში ლოჰანმა გამოაცხადა, რომ მოდური მუსლიმური ტანსაცმლის ხაზის გამოშვებას აპირებდა.
შემოქმედებით კრიზისის შემდეგ ლინდსი ლოჰანმა ნელ-ნელა კინოში გადაღება განაახლა. 2019 წელს მან დაბალბიუჯეტიან თრილერში „ჩრდილებს შორის“ითამაშა, 2020 წელს კი გამოვიდა ფილმი სახელწოდებით „დაწყევლილი“, რომელშიც ლინდსი ლოჰანი მიკი რურკთან ერთად მონაწილეობს, მაგრამ მისი ბედი ჯერჯერობით, უცნობია.
ასევე დაგაინტერესებთ
#OK! ლინდსი ლოჰანი დედა პირველად გახდა: ბავშვის სქესი და სახელი ცნობილია
