#OK! მატილდა გვარლიანი მსოფლიოში ყველაზე მაღალანაზღაურებადი მოდელების სიაშია

მატილდა გვარლიანი მსოფლიოში ყველაზე მაღალანაზღაურებად მოდელებს შორისაა — ინფორმაციას მოდის ინდუსტრიის წამყვანი ონლაინ-პლატფორმა Models.com ავრცელებს. გვარლიანი წლის ყველაზე მდიდარი მოდელების განახლებული სიაში მოხვდა, თუმცა ონლაინ-პლატფორმა მოდელების ზუსტ შემოსავალს არ აკონკრეტებს.

„ეს მოდელები ერთ-ერთი ყველაზე მაღალანაზღაურებადები არიან და ისეთ ცნობილ ბრენდებთან თანამშრომლობენ, როგორებიცაა Victoria’s Secret, Zara, H&M და სხვები“ – ვკითხულობთ Models.com-ზე.

გვარლიანმა სამოდელო კარიერა 14 წლის ასაკში დაიწყო. 15 წლის ასაკში, ის ცნობილი ბრენდის PULL&BEAR-ის სარეკლამო კამპანიაში გადაიღეს. ქართველმა მოდელმა ნელ-ნელა კიდევ უფრო მეტი წარმატება მოიპოვა. 2019 წელს ის მონაწილეობდა Dolce & Gabbana-ს ჩვენებაში მილანის მოდის კვირეულის ფარგლებში. ის იყო პირველი ქართველი მოდელი, რომელმაც მონაწილეობა მიიღო Victoria’s Secret Fashion Show-ში, ასევე პირველი ქართველი მოდელი, რომელიც Vogue-ის ყდაზე გამოჩნდა.

ბევრს აინტერესებს რამდენს გამოიმუშავებენ მოდელები? ინტერნეტში Forbes-ის სიებიდან ინფორმაციის მოძებნა რთული არ არის, მაგრამ ამერიკის ბუღალტრული აღრიცხვის სპეციალისტთა ასოციაციის ექსპერტებმა გადაწყვიტეს გამოეთვალათ, რა ღირს ტოპ-მოდელის თითოეული ნაბიჯი პოდიუმზე და კვლევისთვის კარლი კლოსი აირჩიეს.

ექსპერტების მონაცემებით, კარლი კლოსი პოდიუმზე თითო გასვლაში ჰონორარად 9325 დოლარს იღებს. შესაბამისად, 30 მეტრის სიგრძის პოდიუმზე 26 წლის კლოსის თითოეული ნაბიჯი, რომელიც სხვადასხვა ბრენდის სახეა და მსოფლიოს წამყვანი დიზაინერების ჩვენებებში მონაწილეობს, საშუალოდ 301 დოლარად ფასდება.

გავრცელებული ინფორმაციით, Victoria’s Secret-ის ჩვენებაზე მოდელებს შეუძლიათ 500-დან 2500-დოლარამდე გამოიმუშაონ, თუმცა სუპერმოდელების შემთხვევაში, ანაზღაურება ბევრად მეტია და თითო ჩვენებისთვის 20 ათასი დოლარიდან იწყება.

2024 წელს Daily -მა Victoria’s Secret-ის ჩვენებაზე გამოსული მოდელების ქონების შესახებ ინფორმაციას გაავრცელა. ინფორმაციის თანახმად, მოდელების ათეული, რომელსაც ყველაზე მეტი ქონება აქვს ასე გამოყურება:

ადრიანა ლიმა – 95 მილიონი დოლარი;

ტაირა ბენქსი – 90 მილიონი დოლარი;

ჯიჯი ჰადიდი – 30 მილიონი დოლარი;

ბეჰატი პრინსლუ – 30 მილიონი დოლარი;

ქენდის სვეინპოლი – 25 მილიონი დოლარი;

ეშლი გრეჰემი – 10 მილიონი დოლარი;

ჟასმინ ტუკსი – 10 მილიონი დოლარი;