ოცდაათწლიანი უწყვეტი მოღვაწეობის შემდეგ საზოგადოების ნაწილი ვარაუდობდა, რომ ჯენიფერ ლოპესი კარიერული საქმიანობისგან პაუზას აიღებდა, თუმცა, როგორც თავად პოპვარსკვლავი აღნიშნავს, მიმდინარე პერიოდი მის ცხოვრებაში საუკეთესო ფაზაა.
InStyle Magazine-თან საუბრისას ჯენიფერის უახლოესმა მეგობრებმა და კოლეგებმა მასთან თანამშრომლობასა და ურთიერთობაზე ღიად ისაუბრეს.
მიშელ ობამა: “მთელმა მსოფლიომ იცის, რომ ჯენიფერი მრავალმხრივად ნიჭიერი ადამიანია, მას აქვს უნიკალური სილამაზე და შეუდარებელი სამუშაო ეთიკა, მაგრამ ყველაზე მეტად რაც მაოცებს, ეს არის მისი უდრეკი სურვილი გამოიყენოს საკუთარი პლატფორმა იმ ადამიანებზე სასაუბროდ, რომლებსაც თავად ამის საშუალება არ აქვთ, იქნება ეს ინაუგურაცუა, მშობლებისა და ბავშვების ჯანმრთელობის გაუმჯობესება, უმცირესობების დისკრიმინაცია თუ მრავალი სხვა. ჯენიფერმა ძალიან კარგად იცის, რომ ცხოვრება მაშინ არის საუკეთესო, როდესაც სიხარულს სხვებსაც უზიარებ.”
აბრაამ ქინტანია: “როდესაც პირველად შევხვდი ჯენიფერს, ის მოცეკვავე იყო, მაგრამ მსახიობობაზე იყო კონცენტრირებული. მახსოვს, ფილმ Selena-სთვის კონცერტის სცენის გადაღებისას მას 30,000-იანი აუდიტორიის წინაშე მოუწია სიმღერა, როდესაც გადაღებები დასრულდა და მასთან ერთად გამოსაცვლელი ოთახისკენ მივდიოდი, შემაჩერა და მითხრა: “შემომხედე, ჟრუანტელი დამდის.” ვკითხე რატომ-მეთქი და მიპასუხა: “მე ხომ არასდროს არ გამოვსულვარ 30,000 ადამიანის წინაშე.” მაშინ მივხვდი, რომ მასში არსებობდა რაღაც, ამ მღელვარების უკან იმალებოდა დაუოკებელი სურვილი სამუდამოდ ყოფილიყო ამ ზღაპრული სამყაროს ნაწილი.”
ჯენიფერი: “აბრაამი მართალია, კარიერის დასაწყისში დიდი აუდიტორიის წინაშე არასდროს გამოვსულვარ. უზარმაზარი პასუხისმგებლობა და ამავდროულად შიში ვიგრძენი, ყველაფერი სწორად უნდა გამეკეთებინა და სელენა ისე განმესახიერებინა, რომ ყველას განსაკუთრებულად დაემახსოვრებინა. საბოლოოდ, იმდენად კომფორტულად ვგრძნობდი სცენაზე თავს, რომ შედეგად პერფორმანსიც მაქსიმალურად ბუნებრივი გამომივიდა.”
მარკ ენტონი: ჯენიფერს შეუდარებელი სამუშაო ეთიკა აქვს, სანამ რაიმე იდეას განახორციელებს, მას მრავალჯერ განიხილავს. შეუძლია წინასწარ დაინახოს იქნება თუ არა კონკრეტული წარმოწყება წარმატების მომტანი. თუ ვინმეს მისი აზრი არ მოეწონება, ეტყვის: “ესე იგი ეს იდეა შენ საკმარისად კარგად ვერ აღიქვი.” 10-დან 9 შემთხვევაში ჯენიფერი იმარჯვებს, რადგან ყველგან პირველი მოდის და ყველაზე ბოლოს ტოვებს შეკრების ადგილს. მისგან ბევრი რამ ვისწავლე და თავისუფლად შემიძლია ვთქვა, რომ ის ყველაზე შრომისმოყვარე ადამიანია, ვისაც კი ოდესმე შევხვედრილვარ.“
ჯენიფერი: „დღეს თითქმის ყველა ჯეი ლოს მეძახის, თუმცა, ეს სახელი ადრეულ პერიოდში არ არსებობდა, ყველაფერი რეპერი Heavy D-ისგან წარმოიშვა, ჩემს პირველ სტუდიურ ალბომზე მუშაობისას (1999), ის გამუდმებით ჯენი ლოს, ჯენიფერ ლოს ან ჯეი ლოს მეძახდა. როდესაც მეორე ალბომზე (2001) დავიწყე მუშაობა ეს სახელი ძალიან მომეწონა და გადავწყვიტე მისთვის სწორედ J.Lo დამერქმია.“
ტაილერ პოუზი: “ჯენიფერთან ერთად 10 წლის ასაკში ვმუშაობდი, ის ძალიან პუნქტუალური იყო, გადასაღებ მოედანზე ყოველთვის თავის დროზე მოდიოდა და საქმეში საკუთარი შესაძლებლობების მაქსიმუმს დებდა. ყველას თანაბრად ექცეოდა, განურჩევლად საქმიანობის, წოდებისა და ანაზღაურებისა, მახსოვს გადაღებების ნეხავარიც არ იყო დასრულებული, როდესაც XBOX მიყიდა და მაჩუქა, იმ მომენტში დაჯერებაც კი მიჭირდა.”
ბენ აფლეკი: „ჯენიფერს შესანიშნავი სამუშაო ეთიკა აქვს, ის ძალიან შრომისმოყვარე ადამიანია, რომელიც ყოველთვის ცდილობს საკუთარი ძალები ბოლომდე დახარჯოს და მაქსიმუმი გააკეთოს. ბედნიერი ვარ, როდესაც მის წინსვლას ვხედავ, რადგან ის მართლაც იმსახურებდა იმ წარმატებას, რომელსაც მრავალწლიანი, თავდაუზოგავი შრომით მიაღწია.“
ჯენიფერი: “მე მიყვარს ის, რასაც ვაკეთებ, არცერთი დღე არ ჰგავს ჩემთვის სამსახურს, რადგან ჩემი საქმიანობა ყველაზე მეტად მიყვარს. ოცნებებით ვცხოვრობ და ყოველდღიურად მადლიერი ვარ, რომ ვიღვიძებ.”
“მას შემდეგ ბევრი დრო გავიდა, რაც მსახიობობით დავინტერესდი, თავდაპირველად არ ვიყავი საკუთარ თავში დარწმუნებული, თუმცა დროის გასვლასთან ერთად გამოციდილება მივიღე, დავიხვეწე და საკუთარი თავის რწმენა ვისწავლე. ყოველ ჯერზე, როდესაც ახალ საქმეს ვიწყებდი, მიჩნდებოდა გრძნობა, რომ არაფერი არ გამომივიდოდა და ვერ შევძლებდი მაყურებლამდე შესაფერისი ემოციის მიტანას, თუმცა დროდადრო ყველაფერი შეიცვალა და მივხვდი, რომ თუ საკუთარი თავის გჯერა და თავდაუზოგავად შრომობ, წარმატება გარანტირებულია.”
ოცდაათწლიანი კარიერული საქმიანობის, უამრავი ფილმის, სტუდიური ალბომისა და არაერთი წარმატებული სინგლის ფონზე, კითხვა, რომელსაც მრავალმხრივ ნიჭიერი ვარსკვლავი ყველაზე ხშირად იღებს, არა კარიერულ საქმიანობას, არამედ მის გარეგნობას ეხება. როგორც იცით, რამდენიმე თვის წინ 51 წლის პოპვარსკვლავმა საკუთარი სილამაზის ბრენდი შემქნა, რომლის განხორციელებასაც 20 წელიწადზე მეტი დასჭირდა. შემსრულებელი აღნიშნავს, რომ პლასტიკურ ქირურგიას არ მიმართავს და მისი სილამაზის ერთადერთი საიდუმლო ზეითუნის ზეთშია, რომელიც მისი თქმით ბრენდის პროფუქციის ყველაზე მნიშვნელოვანი ინგრედიენტია.
ბენ აფლეკი: „საინტერესოა სად ინახავს ჯენიფერი ახალგაზრდობის წყაროს, როგორ შეიძლება გამოიყურებოდეს 2021 წელს ზუსტად ისე, როგორიც 2003 წელს იყო?
ჯენიფერი: “არანაირი საიდუმლო არ მაქვს, JLO Beauty-ის გარდა. ჩემი ცხოვრების მანძილზე ისე კარგად არ მიგრძვნია თავი, როგორც ახლა. 20 და 30 წლის ასაკშიც ვვარჯიშობდი, თუმცა არა ისე ეფექტურად, როგორც ამჟამად. საქმე იმაშია, რომ მნიშნელოვანი არა ვარჯიშის ხანგრძლივობა, არამედ ენერგიულობა და ჭკვიანური ტაქტიკაა. შეიძლება წლების წინ ლამაზი სხეულის გამო ვვარჯიშობდი, თუმცა ამჯერად ჩემთვის პრიორიტეტული ჩემი ჯანმრთელობაა.”
ოლივიერ რუსტენი: 2018 წელს Met Gala-სთვის ჯენიფერთან ვითანამშრომლე, მასთან მუშაობის საუკეთესო პროცესი კი წითელი ხალიჩის შემდეგ იყო, ჩვენ ბევრი ვიცეკვეთ და ვიმხიარულეთ. წარმოიდგინეთ, როგორი გრძნობაა, როდესაც ვიღაც ძალიან გიყვარს, მისით შეპყრობილი ხარ და ამ დროს მასთან ერთად ცეკვავ.”
დონატელა ვერსაჩე: “ქალთა საერთაშორისო დღეს სოციალურ ქსელში პოსტებს ვათვალიერებდი, ამ დროს ჯენიფერის ფოტო შემხვდა, სადაც მას ბარათი ეჭირა, წარწერით “მე მარადიული ვარ.” რამდენიმე წუთით გავჩერდი, დავფიქრდი და გავიხსენე ჩვენი პირველი შეხვედრა პარიზში, მასთან მუშაობის პროცესი და არაერთი წარმატებული პროექტი, მისი დისციპლინა, სიმამაცე, გამბედაობა, შრომისმოყვარეობა და ინტელექტი. იშვიათად შემხვედრია ადამიანი, რომელსაც აქვს ოცნება და ამის მისაღწევად ისე თავდაუზოგავად შრომობს, როგორც ჯენიფერი. როდესაც ოთახში მასთან ერთად ხარ, გრძნობ, როგორ მოძრაობს ენერგია მის ძარღვებში, ჯენიფერს ძალიან დიდ პატივს ვცემ და მთელი გულით მიყვარს.”
ტომ ფორდი: “თავისთავად, ცხადია, რომ ჯენიფერი მსოფლიოში ერთ-ერთი ყველაზე ლამაზი და ჭკვიანი ქალია, მაგრამ მისი ერთ-ერთი ყველაზე დადებითი მხარე, რაც მას სხვა ადამიანებისგან გამოარჩევს ეს მისი კეთილშობილება და ემპათიურობაა.”
მიუხედავად იმისა, რომ მეგობრები, კოლეგები და ოჯახის წევრები 51 წლის ვარსკვლავს დადებითად ახასიათებენ, გულშემატკივრების უმეტესი ნაწილი კი მას საკულტო ქალ შემსრულებლად მიიჩნევენ, თავად ჯენიფერი საკუთარ თავს განსხვავებულად ახასიათებს:
“ბევრი ადამიანი მომიხსენიებს საკულტო ქალად, სიმართლე გითხრათ, არ მიყვარს მსგავსი სიტყვები, მირჩევნია თავი დავხარო, მუშაობა გავაგრძელო და ცხოვრებით ვისიამოვნო. თუ საკუთარ თავზე ფიქრს ჩაუღრმავდები, დიდი წარმოდგენა შეგექმნება და ეგოისტი გახდები. ყოველდღიურად ვიზრდები და ვვითარდები, მინდა უკეთესი ადამიანი, დედა და მეგობარი ვიყო, ყოველთვის, როდესაც სამსახურში წასვლა მიწევს, დანაშაულის გრძნობა მაწუხებს, რადგან შვილებთან ყოფნას ვერ ვახერხებ. საჭიროა იპოვნო ბალანსი და შემდეგ შეინარჩუნო ეს ყველაფერი, მაქსიმალურად ვცდილობ სამსახური და პირადი ცხოვრება შევუთავსო ერთმანეთს და როდესაც თავისუფალი დრო მაქვს, მთელი დღე შვილებთან ერთად გავატარო.”
