55 წლის ესპანელი მსახიობი – ხავიერ ბარდემი Gentleman’s Journal-ის ახალი ნომრის მთავარი გმირია. მსახიობი მეუღლემ, ცნობილმა მსახიობმა პენელოპა კრუსმა გადაიღო. ბარდემი ინტერვიუში მის ბოლო როლზე „ნეტფლიქსი“-ს ცნობილ სერიალში, “‘Monsters: The Lyle and Erik Menendez Story’’, ცოლთან შეხვედრასა და მშობლობაზე საუბრობს.
,,მონსტრების” მეორე სეზონი დაფუძნებულია ძმების მენენდესების რეალურ ისტორიაზე, რომლებსაც სამუდამო პატიმრობა მიუსაჯეს მშობლების მკვლელობისთვის. ხავიერმა განასახიერა ერიკ და ჯოზეფ მენენდესის მამა. ეს მსახიობისთვის მისი პირველი ინგლისურენოვანი როლია კარიერაში.
„აღმოვაჩინე, რომ ინგლისურად მუშაობისას ნაკლებად მორცხვი ვარ, ვიდრე ესპანურად. იმიტომ, რომ შენს მშობლიურ ენაზე სიტყვებს უფრო დიდი წონა და მნიშვნელობა აქვთ“,
ინტერვიუში ბარდემმა მშობლის როლზეც ისაუბრა. ბარდემი და პენელოპა კრუზი 2010 წელს დაქორწინდნენ. წყვილს ორი შვილი ჰყავს: 13 წლის ვაჟი ლეონარდო და 11 წლის ქალიშვილი ლუნა. როგორც ბარდემი აღნიშნავს, ის ფსიქოლოგ შეფალი ცაბარის წიგნებს კითხულობს.
“ეს წიგნები მეხამრება ვიყო უკეთესი მშობელი. მართალია, ყველამ ვიცით, რომ მშობლებმა უნდა ვიზრუნოთ ჩვენს შვილებზე და ვიყოთ ძალიან ყურადღებიანი მათ მიმართ, რათა ისინი ჯანმრთელად გაიზარდონ.”
მსახიობმა გაიხსენა მისი პირველი შეხვედრა პენელოპასთან.
,,ჩვენ 1992წელს ფილმის „ჰამ, ლომის“ გადასაღებ მოედანზე შევხვდით ერთმანეთს. ის 17 წლის იყო, მე კი 22 წლის. რაღაც ვიგრძენი, რისი ახსნაც არ შემიძლია, მაგრამ მაშინ ჩვენ გვქონდა სხვა ცხოვრება და მიზნები. შემდეგ უკვე მრავალი წელი არ გვინახავს და არ ველაპარაკებოდით ერთმანეთს.’’
ხავიერ ბარდემი და პენელოპა კრუსი ერთმანეთს 2007 წელს კვლავ შეხვდნენ ვუდი ალენის ფილმის „ვიკი კრისტინა ბარსელონას“ გადასაღებ მოედანზე.
“მაშინ მივხვდი, რომ ის გრძნობა ჯერ კიდევ ცოცხალი იყო. იმ მომენტში ჩვენ ორივენი მარტონი ვიყავით. ჩვენ უკვე ვიცნობდით ერთმანეთს და ეს დაგვეხმარა იმაში, რომ ერთმანეთი კარგად დაგვენახა და ჩვენ ერთმანეთს დავეყრდენით. ‘’
