მარიამ კუხალაშვილი პროფესიით საერთაშორისო ურთიერთობების სპეციალისტი და მოდის ბლოგერია. დახვეწილი გემოვნება და ხედვა მონოქრომულ ბინის მოწყობაში დაეხმარა. ამჯერად OK! სახლში მარიამ კუხალაშვილს ესტუმრა და უკეთ დაგათვალიერებინებთ მის მიერ ულამაზესი დატალებით გაფორმებულ სახლს.
რასთან ასოცირდება შენთვის სახლი?
სახლი ჩემთვის ასოცირდება სიმყუდროვესთან, სიმშვიდესთან, განტვირთვასთან და ოჯახურ გარემოსთან…
რას ნიშნავს შენთვის კომფორტი?
ძალიან მნიშვნელოვანია ადამიანმა სახლში თავი იგრძნოს კომფორტულად, ამიტომ მაქსიმალურად ვეცადე ეს შემექმნა. მე მგონი მოვახერხე რადგან ნებისმიერ კუთხეში ყოფნა მეკომფორტულება.
ვინ ან რა იყო ინსპირაციის წყარო სახლის მოწყობისას?
კონკრეტული სახლის ან დიზაინის ინსპირაცია არ მქონია, მთელი სახლის დიზაინი მეკუთვნის მე და შევეცადე მაქსიმალურად კომფორტული და მყუდრო გამოსულიყო.
როგორ ატარებ დროს სახლში?
სახლში ყველაფრის კეთება მიყვარს დაწყებული დალაგებიდან დასრულებული მუშობამდე, ასვე სამზარეულოში ფუსფუსით დიდად არ გამოვირჩევი, თუმცა ხანდახან არის შემთხვევები როცა საჭმლის კეთება და მზარეულობა მომწონს.
ყველაზე მეტ დროს მაინც გადაღებებს ვუთმობ სახლში, იმიტომ რომ მე ვარ მოდის ბლოგერი და ხშირად ვიღებ ვიდეოებს.
რა იყო მნიშვნელოვანი დეტალები რაზეც ყურადღება გაამახვილე სახლის მოწყობისას?
ვეცადე რომ მაქსიმალურად მომერგო ჩემს საყვარელ ფერებთან რომ ყოფილიყო სახლი მაქსიმალურად მყუდრო და თბილი.
ძირითადად სახლი არის თეთრ ფერებში, მაგრამ ასევე ჩემი საყვარელი ფერი – ნაცრისფერი გამოვიყენე კედელი დეკორად, ასევე ხისფერი შემოვიყვანე რომ უფრო მეტი სითბო შემოსულიყო. მუქი ნაცრისფერი მაგდა არის და რომ არ ყოფილიყო ჩემი სახლი მოსაწყენი მცირე დეტალებით მწვანე დივანი შემოვიყვანე ინტერიერში მგონია რომ უფრო გაანათა მისაღები ოთახი, ასევე ჭრელი სადგამი.
ზოგადად ძალიან მიყვარს ინტერიერში დეკორები და ვფიქრობ, რომ ძალიან დიდი მნიშვნელობა აქვს რამდენად გამოიყენებ სწორედ ამ დეკორებს.ეს ყველაფერი ერთ მთლიანობაში საინტერესო ინტერიერს ქმნის.
