სასტუმრო „ანდამატი“ გრიგოლეთში მდებარეობს. ის 20 წლის წინ, ჯერ კიდევ მაშინ გაიხსნა, როდესაც ეს სფერო დასავლეთ საქართველოში ახალი, რთული და საინტერესო გამოწვევებით იყო სავსე. სასტუმროს გახსნის უპირველესი მიზანი რეგიონში ტურიზმის განვითარება და ადგილობრივი მოსახლეობის დასაქმება იყო. „ანდამატმა“ მოახერხა ბაზარზე თავის დამკვიდრება, მოსახლეობაზე მორგებული სერვისების შეთავაზება და ერთგული მომხმარებლის სიყვარული. თუ როგორია სასტუმრო „ანდამატის“ წარმატების ისტორია, მისი გენერალური მენეჯერი, გვანცა სამხარაძე გვიამბობს.
გვანცა სამხარაძე: 2004 წელს შეიქმნა რეზორტი, სადაც განთავსდა 33-ნომრიანი სასტუმრო, რესტორანი ქართული და ევროპული სამზარეულოთი, ბარი, ბუნგალო ზღვის სანაპიროზე, აუზი და აუზის ბარი, თანამედროვე სტანდარტების სპორტული მოედანი და საკონფერენციო დარბაზი. უპირველესად, ეს იყო საუკეთესო გზა რეგიონის განვითარებისთვის, ჩვენთვის კი სრულყოფილი რეზორტის შექმნის იდეის განხორციელება გონივრულ ვადებში. ამასთანავე, ჩვენი მიზანი დაარსების დღიდან ადგილობრივი მოსახლეობის დასაქმება, სტაბილურობა და ჯანსაღი კონკურენტუნარიანობა იყო.
მთავარი ორიენტირი კი ჩვენი ქვეყნის მოსახლეობაზე მორგებული სერვისების შეთავაზება და მისი მუდმივი განახლებაა. ასევე, კარგი სტუმარმასპინძლობის კულტურის ჩვენება უცხოელი ტურისტებისთვის.
რა გამოარჩევს „ანდამატს“ ბაზარზე?
ჩვენი რეზორტი სიმწვანეშია ჩაფლული. აქ ჩამოსული სტუმრები ტერიტორიიდან გაუსვლელად შეძლებენ ზღვის სანაპიროზე დროის გატარებას, დასვენებას ეზოში განთავსებულ ჰამაკებსა თუ ზღვის ბუნგალოში. ისარგებლებენ შიდა და გარე რესტორნით. ამასთანავე, სასტუმროს ყველა ნომერს აქვს ტერასა ტყისა და ზღვის ხედით.
ჩვენთვის მნიშვნელოვანია, რომ ჩვენთან ჩამოსულ ყველა სტუმარს დახვდეს მაქსიმალურად კომფორტული გარემო, სადაც შეძლებენ გაექცნენ ყოველდღიურ რუტინას, მოახერხებენ განიტვირთვას, დასვენებას და უნიკალური ხედებით ტკბობას. აღსანიშნავია, რომ ტერიტორიის უდიდესი ნაწილი დაფარულია მრავალწლიანი ფიჭვნარით, ეს კი იდეალურ მიკროკლიმატს ქმნის დასვენებისა და გართობისთვის.
გარდა ამისა, ჩვენთან წყვილები, რომლებსაც დაგეგმილი აქვთ ქორწილის განსაკუთრებული დღის აღნიშვნა, შეძლებენ ულამაზესი ხედების ფონზე დაგეგმონ ეს მნიშვნელოვანი თარიღი, როგორც შიდა, ასევე გარე ზღვისპირა რესტორანში.
როგორია სეზონისთვის სამზადისი?
ეს პერიოდი ძალიან მიყვარს, რადგან ახლა განსაკუთრებული სამზადისია სეზონის დაწყებამდე, ვემზადებით ჩვენს ერთგულ დამსვენებელთან შესახვედრად.
ვიზიტორებს დახვდებათ სუფთა, უსაფრთხო და კომფორტული გარემო და განახლებული მენიუ რესტორანში, რომელსაც გამოცდილი შეფი უხელმძღვანელებს.
სამომავლოდ დაგეგმილია ახალი სასტუმროს მშენებლობა კიდევ უფრო მეტი გასართობი სივრცით.
ტექსტი: სოფიო მალანია
ლოკაცია: ibis Tbilisi Stadium
FB: Andamati Beach Resort
Tel: 558 972 323
