დღევანდელ ჩვენს რესპონდენტს OK!-ის მკითხველი კარგად იცნობს, თუმცა მინდა კიდევ ერთხელ ვახსენოთ მისი პროფესიონალიზმი, საქმისადმი დამოკიდებულება და პაციენტებთან მიდგომა, რომელიც მისთვისაა დამახასიათებელი. სილამაზის სფეროში დიდი კონკურენციის მიუხედავად, მან შეძლო ადგილის დამკვიდრება და ერთგული მომხმარებლის შემოკრება. როგორც თავად აღნიშნავს, პაციენტის ნდობის მოპოვება რთულია, თუმცა უფრო რთული მისი შენარჩუნებაა, სწორედ ამიტომ არასოდეს სჯერდება მიღწეულს და განაგრძობს განვითარებას, რაც სილამაზის ინდუსტრიაში ძალიან მნიშვნელოვანია. გთავაზობთ ინტერვიუს ერთ-ერთ ყველაზე მოთხოვნად პერმანენტული მაკიაჟის სპეციალისტთან, პროფესიით ექიმ-ანესთეზიოლოგთან, რეანიმატოლოგსა და PRESTIG LUXE-ის დამფუძნებელთან, ირინა სააკაშვილთან.
კიდევ ერთხელ „პრესტიჟ ლუქსის“ შესახებ…
„პრესტიჟ ლუქსმა“ მოახერხა საკუთარი ადგილის დამკვიდრება საკმაოდ კონკურენტიან ბაზარზე. თამამად შემიძლია ვთქვა, რომ ვასოცირდებით ხარისხთან და ეს იმ დიდი გუნდის დამსახურებაა, რომელსაც უყვარს საკუთარი საქმე და ეს მომსახურებაშიც აისახება. აქ მომუშავე ადამიანები თავიანთი საქმის პროფესიონალები არიან. ჩვენი გუნდი ერთი ოჯახია. ამ ოჯახის წევრები არიან არა მხოლოდ სპეციალისტები, არამედ ადმინისტრაციაც.
საზოგადოებას ვთავაზობთ პერმანენტული მაკიაჟის მომსახურებას, კოსმეტოლოგიის სრულ პაკეტს (კლასიკური, ინიექციური და აპარატურული), წამწამების დაგრძელებას, თმის დაგრძელებას, სახის მასაჟს, მასაჟის ყველა მიმართულებას, პერმანენტის ლაზერით მოშორებას და ლაზერულ ეპილაციას.
რომელი პროცედურაა ყველაზე მოთხოვნადი?
აჯობებს ვთქვათ, რომელი პროცედურაა თანამედროვე და თანაც დიდი ისტორიით – ესაა თმის დაგრძელება. მას საკმაოდ საინტერესო ისტორია აქვს და დღეს სულ უფრო და უფრო პოპულარული ხდება. ჩვენს მომხმარებელს სხვადასხვა ტიპის თმის დაგრძელებას ვთავაზობთ, ასევე პარიკებს, შინიონებს, ბუნებრივ თმას კლიპსებზე, ლენტებზე და სხვ. არჩევანი საკმაოდ დიდია და პროცედურა – საკმაოდ ეფექტური.
თმა ყველა ქალის სავიზიტო ბარათია. ვარცხნილობის მიხედვით შესაძლოა განისაზღვროს ადამიანის სოციალური მდგომარეობა, განწყობა და გემოვნება. სწორედ ამიტომ ბევრი წლის წინ ქალები მიმართავდნენ სხვადასხვა ხრიკს გრძელი კულულებისა და საინტერესო ვარცხნილობების შესაქმნელად. ძველ ეგვიპტეში კი პარიკებს ატარებდნენ არამარტო ქალები, არამედ მამაკაცებიც. ამავდროულად, საკუთარ თმას ყველაზე ხშირად იპარსავდნენ. პარიკები გამოიყენებოდა არა მხოლოდ ვარცხნილობის შესაქმნელად, არამედ მზის ცხელი სხივებისგან თავის დასაცავად.
მე-20 საუკუნეში გამოჩნდა თმის პირველი დაგრძელება, რომელიც წარმოადგენდა ტრანსფორმაციის ჰუმანურ გზას. ამ მეთოდის გამოყენება აფრიკელმა ქალებმა დაიწყეს, მათ ხვეული თმის გასწორება სურდათ. ამის გაკეთება ადვილი არ იყო, რადგან თმის ეს სტრუქტურა გენეტიკურად წინასწარ არის განსაზღვრული. შემდგომ მოხდა ამ პროცედურის უფრო მეტად დახვეწა და ისეთი საშუალებების გამოყენება, როგორიც არის წებო და კერატინი.
90-იან წლებში თმის დაგრძელებამ დიდი პოპულარობა მოიპოვა და დღემდე დიდი მოთხოვნაა მასზე. ეს პროცედურა მუდმივად იხვეწება და ჩნდება დაგრძელების ახალი მეთოდები.
დღეს უკვე, თანამედროვე ტექნოლოგიების წყალობით, თმის დაგრძელება ბუნებრივად გამოიყურება და მოვლა განსაკუთრებით რთული არ არის.
ირინა, გარდა ამისა, თქვენ ერთ-ერთი ყველაზე მოთხოვნადი პერმანენტული მაკიაჟის სპეციალისტი ხართ. რას ურჩევდით იმ ქალბატონებს, ვისაც პერმანენტული მაკიაჟის გაკეთება უნდა?
მადლობა შეფასებისთვის. უპირველესად, მნიშვნელოვანია მყარი გადაწყვეტილება, რადგან ეს არის პერმანენტი და თუ შედეგით არ იქნები კმაყოფილი, მისი მოშორება კიდევ დამატებითი პროცედურებია და მას დრო ესაჭიროება. სიფრთხილით შეარჩიონ ის სპეციალისტი, ვისაც აქვს დიდი გამოცდილება და დარწმუნდნენ, რომ მისი ნამუშევრები მათთვის მისაღებია. ასევე, პერმანენტული მაკიაჟის პროცედურის დროს ძალიან მნიშვნელოვანია პიგმენტი, რომელსაც იყენებ და მისი ხარისხი. ამასთან ერთად, მნიშვნელოვანია პიგმენტის სწორად გამოყენება, რაც გამოცდილებასთან ერთად მოდის. მე, პირადად, არასოდეს ვიყენებ გაურკვეველი კომპანიების პიგმენტებს და დამხმარე მასალებს, ეს იქნება ანესთეზია თუ გამაგრილებელი გელი და კიდევ სხვა. მხოლოდ ხარისხიანი, დროში გამოცდილი ბრენდის პროდუქციით ვმუშაობ.
ირინა, შევაჯამოთ 2023 წელი…
როდესაც ჩემს ესთეტიკურ ცენტრს ვქმნიდი, ვიცოდი, რომ არ იქნებოდა ეს გზა მარტივი, რადგან ახალ ეტაპზე უნდა გადავსულიყავი – პერმანენტული მაკიაჟის სპეციალისტის გარდა უნდა გავმხდარიყავი ცენტრის ხელმძღვანელი, ეს კი უამრავ საორგანიზაციო, ადმინისტრაციულ, მარკეტინგულ თუ კიდევ სხვა საკითხებთან არის დაკავშირებული. პირველ რიგში, გუნდის ჩამოყალიბება, ადამიანებთან სწორი კომუნიკაცია და მომხმარებლებისთვის სერვისების სწორად შეთავაზება. ეს ყველაფერი კი ბიზნესხედვას ითხოვს. რა თქმა უნდა, ადვილი არ ყოფილა ეს წელიწად-ნახევარი, მაგრამ მთავარი ის არის, რომ ჩამოყალიბდა გუნდი, შევძელით ბაზარზე თავის სწორად წარმოჩენა და იმიჯის შექმნა. აღსანიშნავია, რომ საკუთარი თავის მიმართ ვართ საკმაოდ კრიტიკულები და არასოდეს ვჯერდებით მიღწეულს.
დაბოლოს, როგორი იქნება თქვენი საახალწლო სურვილი?
ძალიან რთული წელი მქონდა და ჩემთვის, როგორც უკრაინელისთვის და ქართველი შვილების დედისთვის, დიდი სურვილი მაქვს, რომ უკრაინაში ომი დასრულდეს და საქართველოში მშვიდობა იყოს.
ქალებს კი ვეტყოდი, – სილამაზე თქვენშია. დაუთმეთ საკუთარ თავს უფრო მეტი დრო და არ გაჩერდეთ მიზნისკენ მიმავალ გზაზე, გააკეთეთ ის, რაც გიყვართ, ხშირად გაიღიმეთ და გიყვარდეთ.
ტექსტი: სოფიო მალანია
ფოტო: ალექსეი სეროვი
