ცნობილია, რომ დღეში საშუალოდ 50-100 ღერ თმას ვკარგავთ, თუმცა ჯანმრთელი ადამიანისთვის ამ რაოდენობის თმის ცვენა შეუმჩნეველია, ვინაიდან სკალპი, ცვენის პარალელურად, ახალ თმის ღერებს წარმოქმნის. სწორედ ამ სისტემატურად განახლებადი ციკლის დამსახურებით ვინარჩუნებთ თმის სიჯანსაღეს. რიგი გარემოფაქტორები და ორგანიზმის შიგნით მიმდინარე პროცესები, როგორც ქალებში, ისე მამაკაცებში თმის ცვენას − ალოპეციას იწვევს. დაბინძურებული ჰაერი, არაჯანსაღი ცხოვრება და ქრონიკული სტრესი, ასევე ამ პრობლემის გამომწვევი მიზეზებია. ანდროგენული ალოპეცია, რომელსაც სიმელოტის სახელით ვიცნობთ, ყველაზე გავრცელებული სახის თმის ცვენაა, უმეტესწილად მამაკაცებისთვისაა დამახასიათებელი და დიდწილად ჩვენი გენეტიკითაა განპირობებული.
ერთ-ერთი ფართოდ გავრცელებული თმის ცვენის მიზეზი ჰორმონული ცვლილებებია, რომლებიც ხშირად ორსულობასთან, მშობიარობასთან, მენოპაუზასა და ფარისებრი ჯირკვლის პრობლემებთანაა დაკავშირებული. აღსანიშნავია ისიც, რომ თანამედროვეობაში ალოპეცია, თმის მოვლის საშუალებებითა და პროცედურებითაც შეიძლება იყოს გამოწვეული. თმის გადაწეული ვარცხნილობის ხშირი და ხანგრძლივი ტარებაც ვნებს თმის ღეროებს, ასევე, სტილისტების მიერ სხვადასხვა ქიმიური ნივთიერების გადაჭარბებული გამოყენება თმის ფოლიკულებს საგრძნობლად აზიანებს.
თმის ცვენა ბევრი ჩვენგანისთვის ძალიან მტკივნეული პრობლემაა, ამიტომ მნიშვნელოვანია დროული და სწორი დიაგნოსტირება, შემდგომში კი შესაბამისი მკურნალობა. ამ პროცესების ორგანიზებაში „დროფსის“ კლინიკა გვეხმარება, რომელიც პაციენტებს ერთ-ერთ სასწაულმოქმედ კოქტეილს − თმის თერაპიას (HAIR MIRACLE-ს) სთავაზობს. HAIR MIRACLE-კოქტეილის შემადგენელი ვიტამინების კომპლექსი თმას ჯანსაღი რეგენერაციის უნარს უბრუნებს, სძენს ბზინვარებას და სიცოცხლით სავსეს ხდის. ერთი სრული კურსი რამდენიმე კვირის განმავლობაში გრძელდება. პროტოკოლით გადასხმა კვირაში 2-3-ჯერ არის სასურველი. ასევე, ოპტიმალური შედეგისთვის, პაციენტებს ვურჩევთ კურსის განმეორებას ორი ან სამი თვის შემდეგაც.
