#OK! მადამ დე - სრულყოფილება ყოველდღიურობაში!

ალბათ ყველა ჩვენგანს არაერთხელ ჩაგვივლია მადისაღმძვრელი პურ-ფუნთუშეულის საცხობთან, ცხვირი თავისით რომ იწყებს ძებნას, საიდან გამოდის ეს უგემრიელესი არომატები. დიახ, ნამდვილად შეუძლებელია გულგრილად ჩაუაროთ „მადამ დეს“, რომელიც უკვე მრავალი წელია მის მომხმარებლებს საგულდაგულოდ შერჩეული რეცეპტების ჯერ არნახული გემოების სამყაროში გამოგზაურებთ.

საწარმო შეიქმნა და ფუნქციონირება დაიწყო 1999 წელს, ამერიკულ კორპორაცია EAST BALT Inc.-თან პარტნიორობითა და მჭიდრო თანამშრომლობით, რომელმაც უზრუნველყო არა მარტო მთლიანი საწარმოო ხაზის ჩამოტანა და დამონტაჟება, არამედ სრული ტექნოლოგიური ციკლის აწყობა და სხვადასხვა პროდუქტის გამოშვების დანერგვა. 23-წლიანმა გამოცდილებამ „მადამ დეს“ უნიკალური გემო და ტექსტურის საიდუმლო კომპანიის ნიშად აქცია და იმისათვის, რომ მნიშვნელოვან მომენტებში ჩვენ გვერდით იყოს, მრავალფეროვანი ასორტიმენტის პროდუქტი შექმნა. მიზნად დაისახა წარმატებული დღისთვის გემრიელი და ნოყიერი, ქართული პურ-ფუნთუშეულისა და ნამცხვრების საზოგადოებისთვის შეთავაზება.

კომპანიას თავიდანვე საკმაოდ ჯანსაღი ამბიცია ჰქონდა, რათა მეტი ადამიანი დაესაქმებინა და საუკეთესო პროფესიონალები შემოეკრიბა გუნდში. წარმატების ზრდასთან ერთად, ეს შეძლო და დღეს, „მადამ დეს“ პროდუქცია 500-მდე საცალო სავაჭრო ობიექტშია განთავსებული ქართული, ხარისხიანი პურ-ფუნთუშეულისა და ნამცხვრების მოყვარულთათვის. მათ შორისაა: „ნიკორა“, „კარფური“, „გუდვილი“, „ფუდმარტი“, „სმარტი“, „ფრესკო“, „ფურშეტი“, „ორი ნაბიჯი“ და სხვა ქსელური თუ არაქსელური მაღაზიები. ასორტიმენტი შედგება სხვადასხვა სახის პროდუქტებისგან, როგორიცაა ჰამბურგერი, ბიგ-მაკი, როიალ-ბანი, სენდვიჩი, ჰოთ-დოგი, ბიგ-თეისთი, ბლითი, მინი-ბაგეტი, ორცხობილა, ტკბილი და ფენოვანი ფუნთუშები.

მანქანა-დანადგარები შეძენილ იქნა ამ დარგში ცნობილი ისეთი ფირმებისგან, როგორიცაა Stewart Systems Inc. (აშშ), Sottoriva S.p.A., Brevetti Gasparin S.p.A., Zucceli S.p.A., Rollmatic (ყველა იტალია) და Konig Machinnen Gmbh (ავსტრია), Bakery Equipment PRI, Impac Engineering Ltd. (ისრაელი) და სხვ.

აღსანიშნავია, რომ პროდუქციის რეალიზაცია ხდება საკუთარი სადისტრიბუციო სამსახურის საშუალებით, რომელიც ახდენს პროდუქციის გადატვირთვას სხვადასხვა სავაჭრო ობიექტში ადგილზე მიტანით. კომპანიის ერთგული მომხმარებლები არიან სკოლამდელი და სკოლის ასაკის ბავშვები, სტუდენტები, ახალგაზრდები, მათი მშობლები, საქართველოში მყოფი უცხო ქვეყნების მოქალაქეები.

კომპანია ყოველწლიურად გადის ხარისხისა და პროდუქციის უსაფრთხოების აუდიტს, რომელსაც ატარებენ საერთაშორისო სერტიფიკაციის აუდიტორული კომპანიები: AIB International და Bureau Veritas. კომპანიაში დანერგილია და მოქმედებს პროდუქტების უსაფრთხოების „რისკის ანალიზისა და კრიტიკული საკონტროლო წერტილების მართვის“ სისტემა − HACCP. ამ სისტემის პრინციპიდან გამომდინარე, საწარმოში დაცულია სისუფთავისა და უსაფრთხოების უმაღლესი სტანდარტი, წელიწადში ორჯერ, საწარმოს მთელი პერსონალი გადის სამედიცინო შემოწმებას, ასევე, საქართველოში მოქმედ კანონმდებლობასთან სრული შესაბამისობით, დანერგილი შრომის უსაფრთხოების სრული სისტემა, რაც, სხვა საკითხებთან ერთად, თანამშრომლებისთვის ყოველთვიურად ამ მიმართულებით ტრენინგებსაც გულისხმობს.

საწარმო მუდმივად ორიენტირებულია განვითარებაზე, რაც გამოიხატება ახალი პროდუქტებისა და მომსახურებათა დანერგვაში, მათი უმაღლესი ხარისხის დაცვასა და კიდევ უფრო გაუმჯობესებაში. ამისათვის, საქართველოში პერიოდულად ჩამოდიან ჩვენი უცხოელი კოლეგები და პარტნიორები, ძირითადად, ინჟინერ-ტექნოლოგები, ისეთი ქვეყნებიდან, როგორიცაა საფრანგეთი, ისრაელი, ავსტრია, სადაც ეს დარგი უმაღლეს დონეზეა განვითარებული. ასევე, პერიოდულად, ხდება ახალი მანქანა-დანადგარების შეძენა-დამონტაჟება, საწარმოო ხაზის განახლება.

ახლაც, კომპანიაში მუშავდება ახალი პროექტი, რომლის ფარგლებში, სექტემბრის დასაწყისში „მადამ დეს“ არსებულ საწარმოო სიმძლავრეებს შეემატება ახალი ტექნოლოგიური-საწარმოო ხაზი გერმანიიდან, რომლის დამონტაჟებისა და ექსპლუატაციაში გაშვების შემდეგ, კომპანია დაიწყებს რამდენიმე სახის ახალი პროდუქტის დანერგვასა და წარმოებას როგორც საქართველოს სარეალიზაციო ქსელში გასაშვებად, ასევე ამიერკავკასიის ქვეყნებში საექსპორტოდ.

მიირთვით „მადამ დეს“ უგემრიელესი და უმაღლესი ხარისხის პროდუქტები და ისიამოვნეთ მთელი დღის განმავლობაში.