აპირებთ წვეულების, ქორწილის, ბიზნესმიღების, კორპორაციული საღამოს, დაბადების დღის, ნიშნობის ან თუნდაც სქესის გაგების ცერემონიის დაგეგმვას? მაშინ სწორ ადგილად მოხვდით, რადგან ჟურნალი OK! „დელარტ ქეითერინგის“ შესახებ გიამბობთ − კომპანიის, რომელიც სრულად უზრუნველყოფს თქვენს მოთხოვნებს და თქვენთვის მნიშვნელოვან დღეს დაუვიწყარ მოგონებებს გაჩუქებთ. მანამდე კი გთავაზობთ ინტერვიუს კომპანიის საზოგადოებასთან ურთიერთობის მენეჯერ ანანო თოფურიძესთან, რომელიც უფრო ვრცლად და დეტალურად გვიამბობს „დელარტ ქეითერინგის“ მომსახურებებისა და შეთავაზებების შესახებ.
გაგვაცანით კომპანია „დელარტ ქეითერინგი“. რამდენი ხანია, რაც ქართულ ბაზარზე ოპერირებს?
„დელარტ ქეითერინგი“ 2013 წლიდან დაარსდა და წარმატებულად ოპერირებს საქართველოს ბაზარზე. საკმაოდ ვრცელი და დატვირთული პერიოდი გაიარა კომპანიამ დღევანდელ დღემდე და ამჟამად უკვე ქეითერინგის სრულ მომსახურებას სთავაზობს მომხმარებლებს. აღსანიშნავია, რომ ერთი წლის წინ კომპანიამ რებრენდინგი განახორციელა – შეიცვალა სახელწოდება და ახლა უკვე „დელარტ ქეითერინგის“ სახელით იცნობს საზოგადოება.
რა სახის მომსახურებებს სთავაზობთ საზოგადოებას?
კომპანია „დელარტ ქეითერინგი“ მომხმარებლებს სთავაზობს ქეითერინგის სრულ მომსახურებას, რაც მოიცავს ნებისმიერი წვეულების, ქორწილის, ბიზნესმიღების, კორპორაციული საღამოს, დაბადების დღის, ნიშნობის, სქესის გაგების ცერემონიის სრულად უზრუნველყოფას, საკუთარი დეკორაციით, ფურშეტით, გაფორმებით და ა.შ. რაც მთავარია კომპანიას ეს მიმართულება ხელოვნების ნიმუშად აქვს ქცეული, საიდანაც მომდინარეობს „დელარტ ქეითერინგის“ სახელწოდებაც.
როგორია ღონისძიებების დაგეგმვის პროცესი?
ღონისძიებების დაგეგმვა საკმაოდ შრომატევადი პროცესია: ვუსმენთ მომხმარებლებს, თუ რა და როგორ სურთ, რა არის მათთვის პრიორიტეტი. გვხვდება მომხმარებელი, რომელსაც სურს მხოლოდ ქართული სუფრა, ან პირიქით − მხოლოდ ევროპული. ასევე, არიან მომხმარებლები, რომლებიც ქართული და ევროპული სუფრის სინთეზს ირჩევენ − ყველაფერი დამოკიდებულია მათ გემოვნებაზე, ჩვენ კი დეტალურად მივყვებით მათ თითოეულ სურვილს და ვცდილობთ შევთავაზოთ ზუსტად ის, რასაც ითხოვენ.
გვესაუბრეთ გუნდზე.
გუნდი, რასაკვირველია არის კვალიფიცირებული და სერტიფიცირებული თავის სფეროში. თითოეული მათგანი საკმაოდ გამოცდილია, მაგრამ ამასთან ერთად, ჩვენი მიზანია დავასაქმოთ რაც შეიძლება ბევრი გამოუცდელი ადამიანი, განვავითაროთ ამ კუთხით და მივცეთ საშუალება, გახდნენ პროფესიონალები გასტროინდუსტრიაში.
გუნდი შედგება 55 ადამიანისგან და საჭიროებისამებრ ვთანამშრომლობთ აუთსორსით კონკრეტული წვეულებებისთვის. გარდა ამისა, გვაქვს როგორც ლანჩით მომსახურება, ასევე ყავაზე შესვენების მომსახურება კომპანიებისთვის, რაც იმას ნიშნავს, რომ ტრენინგცენტრებში ხშირად გვიწვევენ, რათა ვუმასპინძლოთ მათ მსმენელებს.
რა მიგაჩნიათ კომპანიის ნიშად და უპირატესობად?
აღსანიშნავია, რომ ჩვენთან ყველანაირი პროდუქტი ჰასპის სტანდარტით მზადდება. ასევე, კომპანიის ძალიან დიდი უპირატესობა არის ის, რომ ღონისძიებაზე ყველანაირი პროდუქტი მიდის ყველა სტანდარტის დაცვით და ამასთანავე, მიყვებიან მზარეულები, რომლებიც ადგილზე ამზადებენ ძალიან ბევრ კერძს. ეს კი იმას ნიშნავს, რომ ხარისხი ჩვენთვის უპირველესია, ხოლო პროდუქტი, რომელსაც ჩვენს მომხმარებლებს ვთავაზობთ, არის ყოველთვის ახალი, ჯანსაღი და უსაფრთხო.
გარდა ამისა, კომპანიის ძალიან დიდი უპირატესობაა ისიც, რომ ჩვენ შეგვიძლია ნებისმიერი ღონისძიების მასპინძლობა, ადამიანების შეუზღუდავი რაოდენობით. ასევე, თავისი სერვირებით, მომსახურე პერსონალით და ლოკაციის შერჩევით საქართველოს ნებისმიერ ტერიტორიაზე.
ბოლოს, სამომავლო გეგმები გაგვიზიარეთ.
გეგმები კომპანიას ძალიან ბევრი აქვს, თუმცა ამ ეტაპზე საიდუმლოდ დავტოვებ. გეტყვით იმას, რომ ვმუშაობთ კონკრეტულ პროექტებზე და განხორციელების პროცესში ვართ. ახალი სეზონიდან კონკრეტულ სიახლეებსაც შევთავაზებთ ჩვენს მომხმარებლებს.
FB: De L’artCatering•დელარტქეითერინგი
Insta: delartcatering
Mail: [email protected]
Tel: 577 15 57 00
