თანამედროვე სამყაროში სილამაზის ინდუსტრია ერთ-ერთი ყველაზე ძვირადღირებულია. დროის ცვლილებასთან ერთად კი იზრდება და იცვლება მოთხოვნები − დაწყებული პლასტიკური ოპერაციებით, დამთავრებული სხვადასხვა სახის პროცედურით, რომლებსაც ხშირად სილამაზის ის სტანდარტი განსაზღვრავს, რომელიც მოცემულ პერიოდშია მოდაში. რაც შეეხება სახის კანის მოვლას, იგი ყოველთვის საჭირო და აქტუალურია. ჯერ კიდევ საუკუნეების წინ მიმართავდნენ ქალბატონები მეტად უცნაურ გზებს, რათა შეენარჩუნებინათ ახალგაზრდობა და სილამაზე.
ჟურნალ OK!-ის მკითხველისთვის უცხო არ იქნება ესთეტიკის ცენტრ LA CLINIQUE-ის სახელი, რადგან კომპანია არსებობის 5 წლისთავზეც კი უამრავი ქალბატონისთვის სანდოობისა და ხარისხის გარანტად გვევლინება. ცენტრის წარმატებაზე მეტყველებს როგორც ერთგული და მუდმივად მზარდი მომხმარებელი, ისე პროფესიონალთა გუნდი. ამჟამადაც თავად ცენტრის დამფუძნებელს, ელენე კერძაიას ვთხოვეთ ესაუბრა ნოვატორული კონცეფციის − „სქინბარის“ შესახებ, რომელიც ახალ მისამართზე − აბაშიძის 44 ნომერში დახვდება მომხმარებელს.
ელენე, გვესაუბრეთ იმ სიახლის შესახებ, რომელსაც გვთავაზობთ.
უპირველესად მინდა აღვნიშნო, რომ სიახლე, მუდმივი ზრდა და განვითარება ყოველთვის მნიშვნელოვანი იყო ჩვენი ცენტრისთვის. არც ახლა ვღალატობთ ამ პრინციპს და ჩვენს მომხმარებელს ვთავაზობთ სრულიად უნიკალურ კონცეფციას − „სქინბარს“, რომელიც საქართველოს ბაზრისთვის ინოვაციას წარმოადგენს. აღნიშნული კონცეფცია მოიცავს სახისა და სხეულის მოვლის, გაჯანსაღებისა და გაახალგაზრდავების მომსახურებას მშვიდ და ინტერაქტიულ გარემოში, კოსმეტიკური ბარის პირობებში. ამასთან ერთად, კლასიკურ და ინიექციურ კოსმეტოლოგიას, რომელსაც საერთაშორისო სერტიფიცირებული ექიმი ჩაატარებს, მაკიაჟზე კი ყველასთვის ცნობილი მაკა შავერდაშვილი და ეკა ჩანჩიბაძე დაგხვდებიან (make up); ლაზერულ ეპილაციას ჩვენს მომხმარებლებს Soprano Ice Titanium-ის უახლესი აპარატით და პროფესიონალი ექიმებით ვთავაზობთ; ასევე − მასაჟი, სახისა და ტანის ინიექციური მოდელირება, მანიკიურ/პედიკიური. გარდა ამისა, რაც ძალიან მნიშვნელოვანია, „ლა კლინიკი“ აქტიურად თანამშრომლობს ფრანგულ პრემიუმბრენდთან Biologique Recherche, რომელიც წარმოდგენილია როგორც აპარატული, ისე არააპარატული პროცედურებით. ამ პროცედურებს გამოცდილი და კვალიფიციური სპეციალისტები ატარებენ.
მნიშვნელოვანია სპეციალისტს ენდობოდე. თქვენი აზრით, როგორ დაიმსახურეთ მომხმარებლის ასეთი ნდობა?
გეთანხმებით, მნიშვნელოვანია ნდობის მოპოვება, მაგრამ უფრო რთულია მისი შენარჩუნება, თუმცა ვცდილობთ გავუფრთხილდეთ ამ მონაპოვარს. უპირველესად, მომხმარებლის ნდობას განაპირობებს ხარისხი და პროფესიონალთა გუნდი. ასევე, მთავარია იყო კრიტიკული საკუთარი საქმიანობის მიმართ, მუდმივად ვითარდებოდე და სიახლის არ გეშინოდეს. ამ ყველაფერს კი მომხმარებელი აუცილებლად დაინახავს და დააფასებს.
5 წელია ბაზარზე წარმატებით ოპერირებთ. რა გძენთ მოტივაციას?
ამ ხუთმა წელიწადმა ბევრი რამ გვასწავლა. წარმატებას გაფრთხილება სჭირდება, სწორედ ამიტომ ჩვენი გუნდისთვის ძალიან მნიშვნელოვანია მომხმარებლის უკუკავშირი. ჩვენი საქმიანობა და სიახლეები, რომლებიც მათ ძალიან მოსწონთ, სწორედ ამითაა განპირობებული.
ვფიქრობ, ჩემი მთავარი მოტივაცია არის ის, რომ ვხედავ ჩვენი სერვისის მაღალ შედეგიანობას, კმაყოფილი და მადლიერი მომხმარებლების ნდობას ჩვენი ესთეტიკის მიმართ, რომელიც ყოველწლიურად იზრდება, რაც სურვილს მიჩენს, კიდევ უფრო მეტი სიახლე შევთავაზო მათ.
ფოტო: გიორგი მახარაშვილი
