ფრანგული ბრენდი „ლუარი“ შეიქმნა, რათა თითოეულ მომხმარებელს მიანიჭოს ბედნიერება და ხელმისაწვდომი გახადოს უმაღლესი ხარისხის როგორც პარფიუმერია, ისე კოსმეტიკური, და თავისა და კანის მოვლის საშუალებები. პროდუქცია იქმნება სიყვარულით და მორგებულია სხვადასხვა ტიპის გემოვნებას, რაც ერთიორად ზრდის მისი მომხმარებლების რიცხვსა და მოთხოვნადობას. „ლუარი“ მუდმივად ზრუნავს თავის მომხმარებლებზე და ძალიან ბევრ წინასაახალწლო სიახლესაც სთავაზობს. დეტალური ინფორმაციისთვის OK! გაესაუბრა „ლუარი საქართველოს“ დირექტორ ნინო რუბაშვილს.
გვიამბეთ „ლუარის“ ქართულ ბაზარზე გამოჩენის ისტორია.
„ლუარი“ ქართულ ბაზარზე პანდემიის პერიოდში შემოვიდა. მიუხედავად ამისა, ძალიან მოკლე დროში მოიპოვა საზოგადოების მხრიდან სიყვარული და გახდა საკმაოდ მოთხოვნადი ბრენდი. საქართველოში მის სწრაფ განვითარებაზე მეტყველებს ისიც, რომ სულ მალე გავხსენით შოურუმი თბილისში, კერძოდ, ასლანიდის 14-ში, „თბილისი მოლში“, და ფილიალი ბათუმის სასტუმროში „ეიფორია“.
გვიამბეთ „ლუარის“ პროდუქციის შესახებ.
„ლუარი“ მომხმარებელს სთავაზობს ქალისა და მამაკაცის თავის მოვლის საშუალებებს, კერძოდ − თხევად და მყარ საპნებს, ხელისა და ფეხის კრემებს, სუნამოებს, თმის მოვლის საშუალებებს, ტანის ლოსიონებს, სკრაბებსა და სახის მოვლის საშუალებებს.
მთავარი ნიშა, რომელიც „ლუარს“ გამოარჩევს…
უპირველეს ყოვლისა, უნდა აღინიშნოს − „ლუარი“ ზრუნავს ცხოველებზე, რაც გამოიხატება იმაში, რომ ჩვენი პროდუქცია არ იტესტება მათზე. რაც შეეხება უშუალოდ პროდუქციას, მის განსაკუთრებულობაზე საუბრისას უნდა აღინიშნოს ისიც, რომ „ლუარის“ მრავალფეროვანი კოსმეტიკა გამოიყენება კანის სხვადასხვა პრობლემის მოგვარების მხრივაც, რაც განპირობებულია მისსავე განსაკუთრებული შემცველობით.
გვიამბეთ „ლუარის“ ახალი პროექტის „გააჩუქე ბედნიერება“ შესახებ.
კომპანია „ლუარმა“ წამოიწყო კამპანია − „გააჩუქე ბედნიერება“, რომლის ფარგლებში უამრავი ადამიანის გაბედნიერება იგეგმება. გათამაშებაში ჩართვა შეუძლია „ლუარის“ ნებისმიერ მომხმარებელს, გამარჯვებულის არჩევა კი სპონტანური შერჩევითობის პრინციპით ხდება − რომელიღაც დღეს ნებისმიერ ერთ მომხმარებელს უმართლებს. გამარჯვებულს „ლუარი“ თავის მოვლის პროცედურების სახით ნებისმიერ სურვილს უსრულებს. აღსანიშნავია ისიც, რომ ჩვენს ინიციატივას ბევრი ცნობადი სახე − ინფლუენსერები, მომღერლები, მსახიობები და ტელეწამყვანები შემოუერთდნენ, რომლებიც გამარჯვებულ ადამიანებს ინდივიდუალურ სიურპრიზებს უმზადებენ. გარდა ამისა, გამარჯვებულებს საჩუქრებს სხვადასხვა კომპანიაც გადასცემს.
წინასაახალწლოდ „ლუარმა“ კიდევ ერთი სიახლე მოუმზადა თავის მომხმარებელს: ვინაიდან ბრენდის სახელწოდება საფრანგეთის ერთ-ერთ გამორჩეულ ადგილს უკავშირდება, შობას გამოვლინდება გამარჯვებული, რომელიც მოიგებს 2-კაციან საგზურს ლუარის ხეობაში სამოგზაუროდ. აღარაფერს ვამბობ წინასაახალწლო გრანდიოზულ ფასდაკლებაზე, რომელსაც ცოტა ხანში დავაანონსებთ. ეს ყველაფერი კი კეთდება იმისთვის, რომ წინასაახალწლოდ რაც შეიძლება მეტი ადამიანის გაბედნიერება შევძლოთ და შევუქმნათ მათ საზეიმო განწყობა.
