უცხოური გამოცემები და ბრიტანული ტაბლოიდები უკვე რამდენიმე დღეა რაც სამეფო ოჯახთან დაახლოებულ სანდრო წყაროებზე დაყრდნობით ავრცელებენ ინფორმაციას, რომ მეგან მარკლი და პრინცი ჰარი პრინცესა დაიანას ხსოვნისადმი მიძღვნილ ღონისძიებას, რომელიც კენსინგტონის სასახლეში გაიმართება არ დაესწრებიან.
შეგახსენებთ, რომ პრინცი უილიამი და ჰარი ერთმანეთს პირველ ივლისს დაიანას 60 წლის იუბილეზე შეხვდნენ, თუმცა ღონისძიება კოვიდ-19-თან დაკავშირებული რეგულაციების გამო მხოლოდ ოჯახის წევრებისა და ახლო მეგობრების წრეში ჩატარდა.
დაიანას ხსოვნის საპატივსაცემოდ ღონისძება 19 ოქტომბერს ჩატარდება და როგორც ამჟამად ცნობილია, მას მუსიკალური ინდუსტრიის ერთ-ერთი ყველაზე თვალსაჩინო წარმომადგენელი ელტონ ჯონი დაესწრება.
პრინცი ჰარისა და მეგან მარკლის შესახებ გავრცელებული ინფორმაციის პარალელურად საინტერესოა ის ფაქტიც, რომ ქეით მიდლტონი და პრინცი უილიამი შვილებთან ერთად კენსინგტონის სასახლის დატოვებას აპირებენ.
როგორც არსებული ინფორმაციით ირკვევა სამეფო ოჯახს საცხოვრებლად უინძორის სასახლეში გადასვლა სურს, რათა მის სამეფო უდიდებულესობა, 95 წლის დედოფალ ელიზაბეტთან უფრო ახლოს იყონ.
“ქეითი და უილიამი სერიოზულად განიხილავენ კენსინგტონის სასახლის დატოვებას და უინძორის სასახლეში გადასვლას. ეს ინფორმაცია თვეების განმავლობაში განიხილებოდა დედოფალ ელიზაბეტთან ერთად და როგორც ჩანს მონარქიც თანახმაა” – განაცხადა სამეფო ოჯახთან დაახლოვებულმა პირმა მედიასთან საუბრისას.
