სავსემთვარეობას ერთგვარი მისტიკური ხიბლი ახლავს, თუმცა ამჟამად განსაკუთრებული ასტრონომიული მოვლენა 11 ივნისს გველის. უკანასკნელი 18 წლის განმავლობაში ყველაზე დაბალი სავსემთვარეობა იქნება. ამ ღამეს მთვარე მარწყვის ფერს მიიღებს და ჩვენს ინტუიციაზე, ინსტინქტებზე და შინაგან მდგომარეობაზე გავლენას მოახდენს. სავსემთვარეობა მშვილდოსნის ნიშანში იქნება, რაც განსაკუთრებით ბიზნესისა და უძრავი ქონების საკითხებზე იმოქმედებს. ამავე დროს, მთვარის ძლიერმა ენერგიამ შეიძლება ძლიერი ემოციების მოზღვავება გამოიწვიოს. ეს იდეალური დროა ემოციური განწმენდისა და ძველი წყენისგან გათავისუფლებისთვის.
რა არის სავსემთვარეობა?
სავსემთვარეობა თვეში ერთხელ ხდება, როდესაც მთვარე დედამიწის ირგვლივ გარემოქცევისას ჩვენგან მზის საწინააღმდეგო მხარესაა მოქცეული და სრული ბადროს სახით მოჩანს. ამ დროს ღამის ცაზე მთვარე სრულად მრგვალი ჩანს. მთვარის ერთი სრული ციკლი დაახლოებით 30 დღეს გრძელდება – პირველ ნახევარში ის იზრდება და სავსემთვარეობის დროს პიკს აღწევს, შემდეგ კი თანდათან იკლებს.
სახელწოდება „მარწყვის მთვარე“ ჩრდილოეთ ამერიკის მკვიდრ ტომთა ტრადიციებიდან მომდინარეობს და ივნისში, ველური მარწყვის სეზონს უკავშირდება.
ასტროლოგები გვირჩევენ, რომ 11 ივნისს ბოლო ორი კვირის განმავლობაში დაწყებული საქმეები დავასრულოთ და 12 ივნისიდან აქტივობა შევამციროთ. ამ პერიოდში იუპიტერსა და სატურნს შორის ნეგატიური ველი იქმნება, რაც სტაბილურობას ხელს უშლის. სასურველია, რომ უახლოეს დღეებში გადავდოთ ბიზნესის გაფართოება და უძრავი ქონების შესყიდვა, განსაკუთრებით უცხოეთში.
რისი გაკეთება არ შეიძლება 11 ივნისს?
უახლოესი ორი კვირა განსაკუთრებით ხელსაყრელია იურიდიული და უმაღლესი განათლების მიღებასთან დაკავშირებული საკითხების მოგვარებისთვის. სავსე მთვარე მშვილდოსანში მოგვიწოდებს სხვა კულტურებისა და სხვა ადამიანების აზრების მიმართ უფრო ტოლერანტულები ვიყოთ, ინვესტიციებთან მიმართებით კი გონივრულად ვიმოქმედოთ.
ამ პერიოდში უმჯობესია ოპტიმიზმსა და საღ აზრს შორის წონასწორობა შეინარჩუნოთ და რაც მთავარია, აზარტულ თამაშებს ან სხვა სახის ავანტიურებში მონაწილეობას მოერიდოთ.
სავსემთვარეობის ხილვა 12 ივნისის დილის ჩათვლით არის შესაძლებელი. მის სანახავად სპეციალური ხელსაწყოები საჭირო არ არის – კარგი ამინდის შემთხვევაში საკმარისია ზეცას ახედოთ და „მარწყვის მთვარე“ თქვენს წინაშე მთელი მშვენებით წარსდგება.
ცნობისთვის, მორიგი „მარწყვის მთვარე“ მხოლოდ 2043 წელს გამეორდება, ამიტომ 11 ივნისს მისი ნახვის შანსი არ უნდა დაკარგოთ.
