ხელოვნური ინტელექტის სფეროში მომუშავე ექსპერტები ამტკიცებენ, რომ ხელოვნური ზოგადი ინტელექტის (AGI) შექმნა გარდაუვალია. თანამედროვე მკვლევრები მის გამოჩენას დაახლოებით 2040 წლისთვის ელოდებიან.
მიუხედავად იმისა, რომ ვიწრო სპეციალიზაციის ხელოვნური ინტელექტი კონკრეტულ დავალებებს ადამიანებზე კარგად ასრულებს, უნივერსალურად ჭკვიანი მანქანა ჯერჯერობით არ არსებობს. ზოგ მკვლევარს მიაჩნია, რომ დიდი ენობრივი მოდელები მრავალმხრივი ინტელექტის ჩანასახს უკვე ავლენენ, თუმცა ჯერ კიდევ შორს არიან იმისგან, რომ ეკონომიკური ფასეულობა დამოუკიდებლად შექმნან.
2023 წელს ორგანიზაცია AI Impacts-მა 2778 მკვლევარს შორის გამოკითხვა ჩაატარა. გამოკითხვის შედეგებზე დაყრდნობით, ვარაუდობენ, რომ მაღალგანვითარებული ხელოვნური ზოგადი ინტელექტი 2040 წლამდე გამოჩნდება. რაც შეეხება ინდივიდუალურ პროგნოზებს, ილონ მასკის აზრით, AGI, რომელიც ადამიანზე ჭკვიანი იქნება, უკვე 2026 წლისთვის განვითარდება. იგივე აზრისაა კომპანია Anthropic-ის გენერალური დირექტორი დარიო ამოდეიც, ხოლო კომპანია Nvidia-ს ხელმძღვანელმა ჯენსენ ჰუანგმა 2024 წლის მარტში განაცხადა, რომ ხუთ წელიწადში ხელოვნური ინტელექტი ადამიანურ შესაძლებლობებს ნებისმიერი მიმართულებით გაუტოლდება ან გადააჭარბებს.
