სქროლვის დროს მიღებული არასაჭირო ინფორმაციის გადამუშავება რთულია, რადგან ახალი მასალა გაუცნობიერებლად ემატება მეხსიერებაში. გადატვირთული გონება ხარისხიანად ვერ ფუნქციონირებს, რაც ხელს გვიშლის დრო იმ ინფორმაციის მიღებას დავუთმოთ, რაც ნამდვილად გვჭირდება.
კვების დროს ,,სქროლვა“
სქროლვის დროს ვკარგავთ კვების პროცესის შეგრძნებას, ნაწილობრივ ვეღარ ვგრძნობთ არომატს, გემოს და კმაყოფილების განცდას. როგორც ფოტოში ხედავთ, ბურგერს ყველაზე გემრიელი ნაწილი ამოცლილი აქვს. კვება იმდენად მექანიკური ხდება, რომ კერძის შემადგენელი ნაწილების დაფიქსირებას ვეღარ ვასწრებთ და ხშირად, როდესაც ცარეილ თეფშს შევხედავთ განცდა გვაქვს, რომ არც გვიჭამია. შედეგად შესაძლოა გადაჭარბებული რაოდენობის საკვები მივირთვათ.
ფიზიკური აქტივობის ნაცვლად ,,სქროლვა“
სხეულს უმოქმედობას ეჩვევა, რაც დროთა განმავლობაში იწვევს დაღლილობას, ენერგიის ნაკლებობას და მოუქნელობას. ფიზიკური აქტივობის მობილურით ჩანაცვლება ნიშნავს ენერგიის გადამისამართებას იქ, საიდანაც ის აღარ ბრუნდება.
გონების გადავსება
ალბათ კითხვა გაგიჩნდებათ – რა შუაშია ეს ფოტო “სქროლვასთან”?
ყველა გვქონია ისეთი კარადა, რაზეც ცარიელ ან არასაჭირო გატენილ ყუთებს ვდებთ. მაშინ, როცა რაღაც ძალიან მნიშვნელოვანის მოთავსება გვინდა, აღმოჩნდება რომ მასზე აღარაფერი ეტევა. ასევეა გონებაც, ივსება უმნიშვნელოთი და მნიშვნელოვანი გარეთ რჩება.
და ბოლოს, კიდევ ერთი მაგალითი, რომელთან პარალელის გავლებითაც შეგვიძლია წარმოვიდგინოთ სქროლვისგან მიღებული ინფორმაციით გადავსებული გონება.
როცა ვსქროლავთ, ხშირად ვსქრინავთ არაფრისმომცემი ინფორმაციის შემცველ ფოტოებს, რომლებიც შეიძლება მეორეჯერ არც გავხსნათ. ასეთი უშინაარსო სქრინებით იტვირთება ტელეფონი და ეკრანზე ჩნდება წარწერა – “ადგილი ამოიწურა, გთხოვთ წაშალეთ არასაჭირო ფაილები”.
ასე ხდება გონებაშიც, ამიტომ დატოვე ადგილი მნიშვნელოვანისთვის!
