ისინი მსოფლიოში ცნობილი ქალები არიან, რომლებიც გადატვირთული გრაფიკის მიუხედავად, წიგნების კითხვას მაინც ახერხებენ. ვნახოთ რომელი ავტორები მოსწონთ ჰოლივუდის ვარსკვლავებს.
ანჯელინა ჯოლი
ანჯელინა ჯოლი გარდა იმისა, რომ წარმატებული მსახიობია, გაეროს კეთილი ნების ყოფილი ელჩი, რეჟისორი, პროდიუსერი და სცენარისტია, რომელსაც წიგნების კითხვა ძალიან უყვარს.
ჯოლის ერთ-ერთი ყველაზე საყვარელი წიგნია ბრემ სტოკერის „დრაკულა“, საყვარელი ავტორია ტენესი უილიამსი, რომლის ციტატა – „A prayer for the wild at heart, kept in cages“- მარცხენა ხელზე აწერია.
მსახიობის გამორჩეული წიგნების სიაშია სიუზან კეისენის ავტობიოგრაფიული რომანი „გოგო, რომელსაც ცხოვრება შეაწყვეტინეს“. ეს არის გოგონას ამბავი, რომელიც თვითმკვლელობის მცდელობის შემდეგ ფსიქიატრიულ კლინიკაში ხვდება და ცდილობს საკუთარი დემონები დაამარცხოს. ამ წიგნის მიხედვით შექმნილ ფილმში მონაწილეობისთვის ანჯელინამ 2000 წელს „ოსკარი“ მიიღო.
წიგნების კითხვის გარდა, მსახიობს წერაც მშვენივრად გამოსდის. მან შექმნა სცენარი მელოდრამისთვის – „სისხლისა და თაფლის მიწაზე“ (2011), საოჯახო დრამა – „ლაჟვარდოვანი ნაპირი“ (2015) და სამხედრო დრამა – „ჯერ მამაჩემი მოკლეს“ (2017).
ზოი კრავიცი
მუსიკოს ლენი კრავიცისა და მსახიობ ლიზა ბონეს ქალიშვილი რამდენიმე ფილმში შესრულებული როლით გახდა ცნობილი. მათ შორისაა: „დივერგენტი“ და „დიდი პატარა ტყუილი“.
ზოის საყვარელი წიგნების ჯერომ სელინჯერის „თამაში ჭვავის ყანაში“ და „ფრენი და ზუი“. მსახიობს მოსწონს ლიტერატურა, რომელიც თანამედროვე სამყაროში ქალის როლზე ამახვილებს ყურადღებას.
„წიგნებს მანამდე არ ვკითხულობდი, სანამ ამ როლზე არ ამიყვანეს. ამის შემდეგ, კითხვა ძალიან ახლობელი გახდა ჩემთვის.“ – ამბობს The Independent-თან ინტერვიუში, სერიალ High Fidelity-ზე საუბრისას.
