ჩვენი მკითხველი კარგად იცნობს ევროპული ინვესტიციებით შექმნილ დასავლური სტანდარტის სადაზღვევო კომპანია „პრაიმს“. დღეს კი გაგაცნობთ აღნიშნული კომპანიის ბათუმის სერვისცენტრს, რომელიც უკვე წლებია წარმატებით ოპერირებს რეგიონში და მომხმარებელს სთავაზობს როგორც სამედიცინო, ისე არასამედიცინო სადაზღვევო პროდუქტების მთლიან სპექტრს. თუ რა გამოარჩევს „პრაიმ“ ბათუმს რეგიონში და როგორია მისი სამომავლო გეგმები, ბათუმის სერვისცენტრის ხელმძღვანელი, ინგა ოსიძე გვესაუბრება.
რა ადგილი უჭირავს თქვენს ცხოვრებაში პროფესიულ საქმიანობას?
სადაზღვევო სფეროში მუშაობის 13-წლიანი გამოცდილება მაქვს. ჩემი პირველი კარიერული ნაბიჯებიც სწორედ ამ სფეროს უკავშირდება. თავდაპირველად ვმუშაობდი აგენტის პოზიციაზე, შემდეგ ეტაპობრივად ხდებოდა ჩემი (როგორც კადრის) გაზრდა და დაწინაურება. ჯერ გადავედი გაყიდვების მენეჯერის პოზიციაზე, შემდეგ უფროსი გაყიდვების მენეჯერის და ბოლოს – ბათუმის სერვისცენტრის ხელმძღვანელად.
დღის უდიდეს ნაწილს სამსახურში ვატარებ, ის ჩემთვის მეორე ოჯახია. შესაბამისად, ჩემს საქმიანობას ჩემს ცხოვრებაში მნიშვნელოვანი ადგილი უჭირავს. ეს სფერო ძალიან მრავალფეროვანია, რაც მას კიდევ უფრო საინტერესოს ხდის. ყოველდღიურად გიწევს ბევრ ადამიანთან შეხვედრა, მათგანაც ბევრს ვსწავლობ, ასევე, ბევრს ვმუშაობ საკუთარ თავზე, ვცდილობ ჩემი და ჩემი გუნდის პროფესიული უნარების გაუმჯობესებას, რაც, საბოლოო ჯამში, აისახება ჩვენი დაზღვეულების კმაყოფილებაზე. შეიძლება ითქვას, რომ ჩემი სამსახური არ მაძლევს მოწყენისა და მოდუნების საშუალებას, დაზღვევასა და რუტინას საერთო არაფერი აქვთ.
გაგვაცანით „პრაიმ“ ბათუმის სერვისცენტრი.
„პრაიმის“ ბათუმის ფილიალი საკმაოდ დიდი ხანია ფუნქციონირებს. ფილიალში დასაქმებულია 12 ადამიანი და ათამდე გარე გაყიდვების აგენტი. ვმუშაობთ პრაქტიკულად ყველა პროდუქტზე, ეს იქნება ავტომობილის, ტვირთების, ქონების, სამოგზაურო, კონტეინერების, ჯანმრთელობის თუ პასუხისმგებლობების დაზღვევა.
აღსანიშნავია, რომ თითოეული თანამშრომელი გადამზადებულია. ხშირად ვატარებთ ტრენინგებს სიახლეების გასაცნობად.
მოგეხსენებათ, რომ ბაზარზე საკმაოდ მაღალია კონკურენცია და თითქმის ყველა სადაზღვევო კომპანიას აქვს წარმომადგენლობა ბათუმში. ეს, რა თქმა უნდა, ერთგვარი გამოწვევაა, თუმცა ჩვენი გუნდი, ყოველდღიური თავდაუზოგავი შრომის შედეგად, ახერხებს ბაზარზე წარმატებით პოზიციონირებას.
მინდა აღვნიშნო, რომ საკმაოდ ხშირად ვთავაზობთ მომხმარებლებს სხვადასხვა სახის აქციებს, იქნება ეს საჩუქრები თუ ფასდაკლებები. ფასებისა და სერვისის მხრივ კონკურენციას ვუწევთ წამყვან სადაზღვევო კომპანიებს. პრაიმში დაზღვეულები სარგებლობენ უამრავი ბენეფიტით, მინიმალური გამონაკლისებით, მოქნილი სერვისითა და სწრაფი ანაზღაურებით.
როგორია თქვენი სამომავლო გეგმები?
სამომავლოდ ვგეგმავთ გაფართოებას, ახალი კადრების აყვანასა და გადამზადებას. ასევე თითქმის დასრულდა მუშაობა პორტალზე, რომელიც დაზღვეულებს შესაძლებლობას მისცემს, თავად მართონ პოლისი, აირჩიონ სასურველი პროდუქტი, პირობები, პერიოდი და ა. შ. პორტალი დაზოგავს დაზღვეულის დროს. ასევე, იგეგმება ახალი პროდუქტების შექმნა, რაც საბოლოო ჯამში პორტფელის დივერსიფიცირებისა და სხვადასხვა მიმართულებით დაზღვევის ცნობიერების ამაღლების შესაძლებლობას მოგვცემს.
ტექსტი: სოფიო მალანია
ფოტო: გიორგი კალანდაძე
