ოქტომბერი მთელ მსოფლიოში ძუძუს კიბოს შესახებ ცნობიერების ამაღლების თვეა. ვარდისფერი გვახსენებს, რომ საკუთარი ჯანმრთელობა ყველაზე დიდი ღირებულებაა და თითოეულმა ჩვენგანმა უნდა იპოვოს დრო პრევენციისთვის. OK! Doctors წარმოგიდგენთ წარმატებული კლინიკების ქსელს „Memorial Hospital Group“-ს და მის ქართულ წარმომადგენლობას, ვისთვისაც თანაბრად მნიშვნელოვანია როგორც მკურნალობა, ასევე ადრეული დიაგნოსტიკა და პრევენცია.
Memorial Hospotal Group 2000 წლიდან წარმატებით ოპერირებს თურქულ ბაზარზე. ის აღიარებულია მაღალი ხარისხის საერთაშორისო სტანდარტებით. Memorial არის თურქეთის პირველი და მსოფლიოში რიგით 21-ე საავადმყოფო, რომელმაც მიიღო JCI აკრედიტაციის ხარისხის სერტიფიკატი (ერთობლივი საერთაშორისო კომისია). კლინიკას ჰყავს ოფიციალური წარმომადგენლობა საქართველოში, რომელიც მდებარეობს თბილისში ი. ჭავჭავაძის გამზ. N28.
დღეს გაგაცნობთ Memorial-ის ქართულ წარმომადგენლობას: ქეთევან მალაყმაძე, კლინიკების ქსელ Memorial ბიზნესის განვითარების მენეჯერი და საქართველოს გუნდის ხელმძღვანელი და თეონა ბოლოკაძე, კლინიკების ქსელ Memorial-ის ოფიციალური წარმომადგენლობითი ოფისის კოორდინატორი საქართველოში.
რატომ არის ვარდისფერი ოქტომბერი მნიშვნელოვანი ქალებისთვის?
თეონა ბოლოკაძე, Memorial-ის ოფიციალური წარმომადგენლობითი ოფისის კოორდინატორი: ძუძუს კიბო ქალთა ონკოლოგიურ დაავადებათა შორის პირველ ადგილზეა. მსოფლიოში, ოქტომბრის თვე ძუძუს კიბოს შესახებ ცნობიერების ამაღლების საერთაშორისო თვედ მიიჩნევა. „ვარდისფერი ოქტომბრის“ მიზანია გაზარდოს ცნობიერება ძუძუს კიბოს რისკების შესახებ, რომ კიბო განაჩენი არ არის და თითოეულმა ქალმა უნდა დაუთმოს საკუთარ თავს დრო და ჩაიტაროს სკრინინგი.
რას სთავაზობს Memorial-ი ქართველ პაციენტებს „ვარდისფერი ოქტომბრის“ ფარგლებში?
„Memorial Hospital Group“-ი პაციენტებს სთავაზობს სპეციალურ პროგრამებსა და სკრინინგს ძუძუს კიბოს ადრეული აღმოჩენისთვის: მამოგრაფია, ულტრაბგერითი კვლევა, ონკოგენეტიკური ტესტირება და ძუძუს კიბოს დიაგნოზის დადასტურების შემთხვევაში მკურნალობის თანამედროვე მეთოდებს.
თბილისში, ი. ჭავჭავაძის გამზ. 28 -ში მდებარე ოფისი ყოველდღიურად ეხმარება პაციენტებს კლინიკის წამყვან პროფესორებისგან მეორე სამედიცინო მოსაზრების მიღებაში, კონსულტაციებისა და მკურნალობის პროცესის ორგანიზებაში.
რა უპირატესობა აქვს Memorial-ის ქსელს სხვა კლინიკებთან შედარებით?
ქეთევან მალაყმაძე, Memorial-ის ბიზნესის განვითარების მენეჯერი და საქართველოს გუნდის ხელმძღვანელი: მემორიალი ერთ-ერთი ყველაზე ცნობილი სამედიცინო ქსელია თურქეთში, სადაც პაციენტები მთელი მსოფლიოდან ჩამოდიან. ჩვენი საერთაშორისო რეპუტაცია ეფუძნება მაღალკვალიფიციურ სპეციალისტებს, თანამედროვე ტექნოლოგიებსა და მკურნალობის ინოვაციურ მეთოდებს. ოფიციალური წარმომადგენლობა კი უზრუნველყოფს გამჭვირვალობასა და უშუალო კავშირს კლინიკასთან. ამას ემატება ჩვენი ადგილობრივი გამოცდილება, რომელიც საშუალებას გვაძლევს, ზუსტად გავიგოთ და დავაკმაყოფილოთ პაციენტების საჭიროებები. გარდა ამისა, ჩვენი წარმომადგენლობის მეშვეობით პაციენტებს ვთავაზობთ მკურნალობის ხელმისაწვდომ ღირებულებას, რაც კონკურენტუნარიან პირობებს ქმნის.
რას ურჩევდით ქალებს ვარდისფერი ოქტომბრის პერიოდში?
უპირველეს ყოვლისა, ქალებმა უნდა გავიაზროთ, რომ ჯანმრთელობაზე ზრუნვა პრიორიტეტია. ამის პირველი და ყველაზე მარტივი ნაბიჯი კი თვითგამოკვლევაა – თვეში ერთხელ, სულ რამდენიმე წუთის დათმობით, შესაძლებელია საკუთარი სხეულის შემოწმება. ეს არის პროფილაქტიკური ღონისძიება, რომელიც თითოეულ ქალს შეუძლია სახლის პირობებში ჩაიტაროს და დროულად შეამჩნიოს საეჭვო ცვლილებები.
შემდეგი უმნიშვნელოვანესი ნაბიჯი კი უკვე პროფილაქტიკური ვიზიტია სპეციალისტთან. განსაკუთრებით 40 წლის შემდეგ, აუცილებელია ყოველწლიური მამოგრაფია, რადგან ამ ასაკში ძუძუს კიბოს რისკები იზრდება. Memorial-ის კლინიკის ექიმები მზად არიან პაციენტებს დაეხმარონ საჭირო გამოკვლევების სწორად განსაზღვრაში, მიაწოდონ დეტალური ინფორმაცია და მისცენ რეკომენდაციები, რაც ხელს შეუწყობს დაავადების ადრეულ ეტაპზე გამოვლენას. ადრეული დიაგნოზი კი სწრაფად გამოჯანმრთელების საწინდარია.
რა გზავნილი გაქვთ ქალებისთვის?
თეონა ბოლოკაძე: ვარდისფერი ოქტომბერი გვახსენებს, რომ საკუთარ ჯანმრთელობაზე ზრუნვა საკუთარი თავისა და ოჯახის სიყვარულია. მცირე ნაბიჯებით – თვითგამოკვლევით, რეგულარური შემოწმებითა და ინფორმირებულობით შეგვიძლია შევინარჩუნოთ ჯანმრთელობა და სიცოცხლე.
ტექსტი: სოფო მალანია
ფოტო: ნინო გორდაძე
