დიდი ბრიტანეთის პრემიერ-მინისტრი, 56 წლის ბორის ჯონსონი საიდუმლოდ დაქორწინდა! როგორც ირკვევა, მისი რჩეული 33 წლის პოლიტიკური აქტივისტი კერი სეიმონდსია, რომელთანაც მან ხელი ვესმინსტერის სააბატოში მოაწერა, ხოლო მოწვეულ სტუმრებს შორის მხოლოდ და მხოლოდ 30 ახლობელი ადამიანი აღმოჩნდა.
სოციალურ ქსელებში წერენ, რომ საიდუმლოს შენახვის მიზნით, ცერემონიის მიმდინარეობისას სააბატო დაიხურა.
აღსანიშნავია, რომ ეს ქორწინება ბორისისთვის უკვე მესამეა, ხოლო კერისთვის პირველი, თუმცა მათ უკვე ჰყავთ საერთო შვილი, რომელიც ქვეყნიერებას 2020 წელს მოევლინა. გარდა ამისა, ბორისი კიდევ ოთხი შვილის მამაა.
