OK!-ის სტუმარი ხელოვანი ნატო დათიაშვილია, რომელსაც ჩვენი მკითხველი უკვე კარგად იცნობს OK! ბათუმის ფურცლებიდან. GAA – გლობალური ხელოვნების აკადემიის დამფუძნებელი თავისი შემოქმედებით და საქმიანობით მომავალ თაობებს საფუძველს უყრის მათი ინტერესები რეალობად აქციონ. მიაჩნია, რომ იყო აკადემიის დამფუძნებელი, დირექტორი და ამავდროულად მასწავლებელი, უდიდეს პასუხისმგებლობაა. ზუსტად უნდა იცოდე რას ელიან შენგან, შეისწავლო, ამოიცნო და მისცე ზუსტად ის, რის გამოც მოვიდა შენამდე.
უპირველესად გაგვაცანით აკადემია. რამდენი ხანია რაც დაფუძნდა და რა იყო მისი მიზანი?
როგორც მოგეხსენებათ ხელოვანი ქმნის გარემოებებისა და მუზის კარნახით. გასული სასწავლო წელი კი მნიშვნელოვნად გარდამტეხი აღმოჩნდა ჩემს ცხოვრებაში, რადგან რატომღაც ყველა სეგმენტისაგან ერთბაშად იქნა გაჟღერებული და ნაკარნახევი, რამაც დამაფიქრა, რომ დადგა დრო, შევქმნა საკუთარი სკოლა, სადაც მსურველს გავუზიარებ ჩემს გამოცდილებას, თეორიულ თუ პრაქტიკულ ცოდნას. GAA – გლობალური ხელოვნების აკადემია მიმდინარე სასწავლო წლის სექტემბრიდან იღებს სტარტს. მანამდე იყო არტ სტუდიო “ენდი” – ND Art, სადაც მე თვითონ ვქმნი ხელნაკეთ ნივთებს, დეკორაციებს, აქსესუარებს, ნახატებს, ასევე ვასწავლიდი მსურველებს სახვითი ხელოვნების სხვადასხვა მიმართულებებს.
გვიამბეთ გამოფენის შესახებ, რომელიც სულ ახლახან გაიმართა.
I სემესტრის ბოლოს, საახალწლოდ, მოეწყო აკადემიის მოსწავლეების გრანდიოზული გამოფენა და დაჯილდოვება, ღონისძიების მასპინძელი იყო სასტუმრო ,,ბესტ ვესტერნ პრემიერი”. წარმატებული მონაწილეები დაჯილდოვდნენ სერთიფიკატებით და აკადემიის მოსწავლეებს ორგანიზაციის დირექტორის თამარ მაზიაშვილის მიერ გადაეცათ – დაბადების დღის 10%-იანი ფასდაკლების ბარათები.
ვინ იყვნენ მონაწილეები და რა წარადგინეს გამოფენაზე?
გამოფენაში მონაწილეობა მიიღო GAA – გლობალური ხელოვნების აკადემიის 14-მა მოსწავლემ, 5 წლის ანასტასიას წარმოდგენილი ჰქონდა ორი ფერწერული ნამუშევარი – ჟანრი ,,პეიზაჟი”, ასევე მონაწილეებმა წარადგინეს, სხვადასხვა ჟანრის ფერწეეული ნანუშევრები: ,,პორტრეტი”, “პეიზაჟი”, ,,ნატურმორტი”, ,,აბსტრაქცია”. თითოეულმა ნამუშევარმა დიდი მოწონება დაიმსახურა.
აქვე გკითხავთ. თქვენ თავად ხართ GAA – გლობალური ხელოვნების აკადემიის დამფუძნებელი. რამდენად დიდი პასუხისმგებლობაა და რა გამოწვევებთან ასოცირდება?
ვიყო აკადემიის დამფუძნებელი და დირექტორი, ამავდროულად მასწავლებელი, უდიდეს პასუხისმგებლობას მანიჭებს. ზუსტად უნდა იცოდე რას ელიან შენგან, შეისწავლო, ამოიცნო და მისცე ზუსტად ის, რის გამოც მოვიდა შენამდე, თუმცა არის გამოწვებიც რა თქმა უნდა. სამწუხაროდ ჯერ კიდევ საზოგადოების დიდი ნაწილისათვის წარმოუდგენელია, რამდენად მნიშვნელოვანია ეზიაროს ხელოვნებას, რაოდენ დიდი მნიშვნელობა აქვს ემოციურ ინტელექტს, სამწუხაროდ, ჯერ კიდევ ,,მეორეხარისხოვნად” მოხსენიებული ხელოვნება, უკვე უნიკალურ საგანთა და პროფესიათა ნუსხაშია რადგან, ფაქტია გვერდს ვერ ავუვლით ხელოვნურ ინტელექტს.
სულ მალე უმეტეს პროფესიას რობოტები ჩაანაცვლებს, მაგრამ ემოციური ინტელექტი შეუცვლელია, ეს შენია, შენშია და ადამიანის, ადამიანური გრძნობების და ემოციების გადამრჩენია, რათა თავად არ ვიქცეთ რობოტებად. როგორც დასაბამიდან, პირველყიფილი ადამიანი ხელოვნებამ – ხატვამ და ხელნაკეთმა იარაღმა გადაარჩინა, უდიდესი როლი აქვს ხელოვნებას დღეს, ხელოვნება – გადაგვარჩენს!
რაც შეეხება აკადემიას, ჩვენ ვიზრდებით, ვხდებით უფრო მრავალფეროვანი, პროგრამები იმატებს და სივრცის საჭიროებაც იქმნება, სადაც სრულფადოვნად მოხდება სხვადსახვა პროგრამის ჯგუფთან მუშაობა.
როგორია თქვენი სამომავლო გეგმები?
მსურს გავაფართოვო GAA აკადემია და შევქმნა საგანმანათლებლო – სამეწარმეო ცენტრი, გლობალური ქსელი სადაც, შევასწავლი სახვითი ხელოვნების სხვადასხვა დარგებს, ვოკალს – ეროვნული სიმღერების მიმართულებით. მდგრადი განვითარების მიზნებთან შესაბამისად ვასწავლი ნარჩენების მართვას – გარემოსდაცვითი ცნობიერების ამაღლების მიზნით, რათა შევამციროთ გლობალური გამოწვევები და რისკები.
