ადამიანები ყოველდღიურად სხვადასხვა გამოწვევის წინაშე ვდგებით. ცხოვრების აჩქარებული ტემპი და თავისუფალი დროის სიმცირე კი ამ ყველაფერს უფრო მეტად ართულებს. მაშინ, როდესაც სხვადასხვა პრობლემა გვექმნება, რაც ჩვენი ავტომობილის მოვლასა და შეკეთებასთანაა დაკავშირებული, ძნელად გამოვნახავთ თავისუფალ დროს და ხშირად „ხვალისთვის“ გადავდებთ აღნიშნული პრობლემის მოგვარებას, მით უმეტეს, როცა ვიცით, რომ ავტომობილისთვის შესაფერისი ნაწილების ძებნა ქალაქის სხვადასხვა მაღაზიაში მოგვიწევს.
გარდა ამისა, მნიშვნელოვანია იმის გაგება, რამდენად ენდობიან ადამიანები ავტოსერვისებს. სწორედ აღნიშნულ თემაზე კვლევა „ჯიპიაი ჰოლდინგმა“ ჩაატარა. კვლევის მიხედვით დადგინდა, როგორია ნდობა ავტომობილის სერვისცენტრების მიმართ.
არაბრენდულ სერვისცენტრებს ენდობა – 24%
ბრენდულ სერვისცენტრებს ენდობა – 34%
თანაბრად ენდობა ორივეს – 42%
ასევე, ბაზრის შესწავლის შედეგად გამოვლინდა მძღოლების განსაკუთრებული საჭიროებები. კვლევები აჩვენებს, რომ ყველაზე მაღალ ინტენსიური ავტომომსახურების სერვისია :
სითხეების შეცვლა – 85%
ცვეთადი ნაწილების შეცვლა – 67%
ავტომობილის დიაგნოსტიკა – 64%
ავტომობილის შეკეთება – 48%
ქიმწმენდა – 34%
ამ ყველაფრის გათვალისწინებით, კომპანია „ჯიპიაი ჰოლდინგმა“, ვენის სადაზღვევო ჯგუფთან ერთად, ახალი, უნიკალური პლატფორმა voovly.ge შექმნა, რომელიც მომხმარებელს საშუალებას აძლევს დისტანციურად მიიღოს ავტომობილის მოვლასა და შეკეთებასთან დაკავშირებული ყველა სერვისი.
voovly.ge-ს მომხმარებლებს აქვთ არჩევანის თავისუფლება, სასურველი მომსახურება მიიღონ როგორც ოფიციალური ავტომწარმოებლების, ასევე მულტიბრენდულ თუ არაბრენდირებულ სერვისცენტრებში. ავტოსერვისების თანამედროვე ეკოსისტემა მომხმარებლისთვის ხელმისაწვდომს ხდის მაღალპროფესიონალურ, სანდო და ექსპერტულ მომსახურებას.
ავტოექსპერტის გამოძახებასა და ნებისმიერი სერვისის მიღებას კი მარტივად, რამდენიმე დაწკაპუნებით – ვებგვერდიდან – www.voovly.ge ან მობილური აპლიკაციით voovly-ით შეძლებთ. ასევე, მარტივად დარეგისტრირდებით მხოლოდ ავტომფლობელისა და ავტომობილის მონაცემების შეყვანით, რის შემდეგაც დაგხვდებათ სერვისების ჩამონათვალი, სადაც სასურველი მომსახურების არჩევაა შესაძლებელი. თუ არ იცით, რა სჭირს ავტომობილს, ამასაც მარტივად მიუთითებთ და დიაგნოსტიკას ადგილზე, ავტოექსპერტს მიანდობთ.
რა იყო „ვუვლის“ შექმნის მიზანი?
არჩილ ბერიძე, „ვუვლის“ გენერალური დირექტორი: უპირველესად, სიღრმისეულად შევისწავლეთ ავტომფლობელების პრობლემები. კვლევით გამოვლენილი ძირითადი გამოწვევა არის უნდობლობა ხელოსნების მიმართ და ბაზარზე შესაბამისი ექსპერტების ნაკლებობა. ჩვენი მიზანი კი ამ რეალობის შეცვლა იყო. „ვუვლის“ სახით გაჩნდა ბრენდი, რომელსაც ანდობ საკუთარ ავტომობილს, ეს არის მოკლე პასუხი გრძელ პრობლემებზე.
ჩვენი მთავარი ამოცანაა, „ვუვლის“ გავლით მომხმარებელმა მიიღოს მაღალი ხარისხის, სანდო და გამჭვირვალე სერვისი, ხოლო შეკეთების პროცესს ჩვენ გავუწევთ მეთვალყურეობას. ეს გამორიცხავს შეცდომებს. თუ ჩვენ გადმოგვაბარებთ მანქანის მოვლას, არა მხოლოდ დროს, არამედ ხარჯებსაც დაგიზოგავთ.
რას სთავაზობს „ვუვლი“ საზოგადოებას?
მომსახურების ფართო სპექტრს, როგორც გეგმიურს, ისე გადაუდებელს. დავიწყოთ სწორედ გადაუდებელი ავტოსერვისებით. შემთხვევის ადგილზე ავტოექსპერტი გამოძახებიდან რამდენიმე წუთში მოდის. დიაგნოსტიკის შემდეგ დამატებით ჯგუფს – სერვის ვენს იძახებს. გზებზე, 24-საათიან რეჟიმში, შესაძლებელია ისეთი მომსახურების მიღება, როგორიც არის: საწვავის ადგილზე მიწოდება, საბურავის დაბერვა/შეცვლა, ავტომობილის დაქოქვა ელექტრომაერთებელი კაბელით, კომპიუტერული დიაგნოსტიკა, ჩაკეტილი კარის გაღება და ევაკუატორი.
თუ პრობლემის მოგვარება ადგილზე შეუძლებელი გახდა, ავტოექსპერტი, ავტომფლობელის სურვილის შესაბამისად, მანქანას სერვისცენტრში გადაიყვანს. შეკეთების პროცესსა და ზედამხედველობას პირადად გაუწევს ორგანიზაციას და ავტომობილის მფლობელს ინფორმაციას უწყვეტ რეჟიმში მიაწვდის.
ავტოექსპერტის გამოძახება და გზებზე გადაუდებელი სერვისები უფასოა „ვუვლის“ გამომწერებისთვის.
აღსანიშნავია, რომ ერთწლიანი გამოწერის შემთხვევაში ავტომფლობელი არჩევანს ორ პაკეტს შორის აკეთებს:
- ეკონომი (თვეში 15 ლარი),
- სტანდარტი (თვეში 25 ლარი).
გამომწერები „ვუვლის“ გეგმიური სერვისებითაც ისარგებლებენ: ზეთის, ხუნდების, ცვეთადი ნაწილების შეცვლა. ავტომფლობელს დროის ხარჯვა აღარც ტექნიკური დათვალიერებისთვის მოუწევს, ამასაც ავტოექსპერტი მიხედავს. ეს ყველაფერი კი მხოლოდ ერთი დაწკაპუნებით არის შესაძლებელი.
თამამად შეიძლება ითქვას, რომ გრძელ პრობლემებს ახლა უკვე მოკლე პასუხი აქვს და ეს არის voovly.ge, ყველაფერი, რაც შენს მანქანას სჭირდება.
აღსანიშნავია, რომ „ვუვლის“ მომსახურებით სარგებლობა შეუძლია არა მხოლოდ „ჯიპიაის“ ავტოდაზღვევით მოსარგებლე მომხმარებლებს, არამედ ყველა ავტომფლობელს, ეს იქნება ახალბედა მძღოლი თუ საქმიანი ადამიანი. რაც შეეხება „ჯიპიაის“ ავტოდაზღვევით მოსარგებლე მომხმარებლებს, ისინი სარგებლობენ „ვუვლის“ სპეციალური შეთავაზებით და გარდა იმ რისკებისა, რაც თან სდევს გზებზე გადაადგილებას და დაზღვეულია „ჯიპიაი“ ჰოლდინგის მიერ, ახლა უკვე ავტომობილის მოვლა-შენახვასთან დაკავშირებული სირთულეებიც შეუძლიათ „ვუვლის“ დახმარებით თავიდან აირიდონ.
ტექსტი: სოფიო მალანია
ფოტო: ალექსეი სეროვი
