2019 წლის პირველი იანვრიდან საქართველოში მუდმივად მცხოვრები ყველა დასაქმებული ავტომატურად, დაგროვებით საპენსიო სისტემაში ჩაერთო. მიუხედავად იმის, რომ 8 წელი გავიდა, სქემასთან დაკავშირებით ადამიანებს დღემდე ბევრი კითხვა აქვთ. ერთ-ერთი ყველაზე ხშირად დასმული კითხვაა -შეიძლება თუ არა დაგროვებითი პენსიის წინასწარ გადატანა? ვეცდებით ამ კითხვას სრულად და ამომწურავად ვუპასუხოთ.
დღეს არსებული კანონმდებლობით, დაგროვებითი პენსიის წინასწარ ან ერთჯერადად გატანა მხოლოდ განსაზღვრულ შემთხვევებში შეიძლება:
თუ პირი საქართველოს მოქალაქეობას კარგავს ან საცხოვრებლად სხვა ქვეყანაში გადადის, მას უფლება აქვს, დაგროვებითი პენსიის ერთჯერადად სრულად გატანა მოითხოვოს. ამ შემთხვევაში, სახელმწიფოს მიერ დარიცხული თანხის ნაწილი (2%) უქმდება და დანაზოგი 20%-ით იბეგრება.
მძიმე ავადმყოფობის ან შრომისუნარიანობის სრულად დაკარგვის შემთხვევაში მოქალაქეს შეუძლია თანხის ერთჯერადი ან ეტაპობრივი გატანა მოითხოვოს. მაგალითად, მეორე ჯგუფის ინვალიდს შეუძლია საპენსიო სააგენტოში განაცხადის საფუძველზე დანაზოგის მთლიანად ან ნაწილობრივი გატანა მოითხოვოს. საჭირო იქნება ინვალიდობის დამადასტურებელი დოკუმენტის წარდგენა. თუ ადამიანი შშმ პირი 50 წლის ასაკში გახდა, დაგროვებითი პენსიით სარგებლობას 50 წლიდან შეძლებს.
თუ პირი საპენსიო ასაკის მიღწევამდე ან საპენსიო ასაკში გარდაიცვალა თანხა მემკვიდრეს გადაეცემა. მემკვიდრეს შეუძლია თანხა ერთიანად გამოიტანოს ან თავის საპენსიო დანაზოგს დაამატოს.
ასევე დაგაინტერესებთ
#OK! როგორ იზრდებიან და ვითარდებიან სამი ადამიანის დნმ-ით ჩასახული ბავშვები?
