2022 წლის ნოემბერში ბრედ პიტი ლოს-ანჯელესში მეგობარ გოგონასთან ერთად დააფიქსირეს. People magazine – ს ანონიმურმა წყაროებმა განუცხადეს, რომ პიტი და ინეს დე რამონი ერთმანეთს ხვდებოდნენ, თუმცა წყვილი ამას მალავდა. ბრედ პიტმა საყვარელი ქალი ვენეციის საერთაშორისო კინოფესტივალზე გამოაჩინა და წითელ ხალიჩაზე ერთობლივი დებიუტიც შედგა.
ვინ არის ინეს დე რამონი?
ინეს დე რამონი Anita Ko Jewelry-ის ხელმძღვანელი და დიზაინერია. 2013 წელს ჟენევის უნივერსიტეტი დაამთავრა და ბიზნესის ადმინისტრირების კუთხით ბაკალავრის ხარისხი მიიღო. გარდა ამისა, დაინტერესებულია კვების ტექნოლოგიებით და შესაბამისი სერტიფიკატებიც აქვს. იგი შვეიცარიაში, ერთ-ერთ დიდ საიუველირო კომპანიაში, De Grisogono-ში მუშაობდა. ასევე, ფლობს ფრანგულს გერმანულს, ინგლისურს და იტალიურს.
2022 წელს საკუთარი ბრენდის სარეკლამო კამპანიაშიც მონაწილეობდა, რომელსაც უამრავი ცნობილი მომხმარებელი ჰყავს – ჰეილი ბიბერი, კორტნი კარდაშიანი, დემი მური და სხვები.
დიზაინერი ურთიერთობაში იყო “ვამპირის დღიურების” მსახიობ პოლ უესლიზე. 2022 წლის სექტემბერში, 3 წლიანი ქორწინების შემდეგ, ერთმანეთს დაშორდნენ.
ბრედ პიტმა და ინეს დე რამონმა ერთმანეთი საერთო მეგობრის დახმარებით გაიცნეს. პიტმა საკუთარი დაბადების დღე ზედიზედ ორჯერ საყვარელ ქალთან ერთად აღნიშნა. მათ შორის ასაკობრივი სხვაობა 29 წელია.
პიტი აღნიშნავს, რომ ამ ურთიერთობამ მის ცხოვრებაში სტაბილურობა და სიმშვიდე შემოიტანა.
,,ცხოვრებას დრამატულად არ უყურებს და მხარს მიჭერს”
ისინი ახლახან, F1 ფილმის პრემიერაზე ერთად გამოჩნდნენ.
