გერმანული ბრენდი „ვილეროი და ბოხი“ უმაღლესი ხარისხის პროდუქციას აწარმოებს. ეს ბრენდი ქართველმა მომხმარებელმა უკვე ძალიან შეიყვარა; ამჯერად, OK!-ს მკითხველს „სასარგებლო ჭურჭელზე“ „ვილეროი და ბოხის“ მარკეტინგის მენეჯერი სოფო ავსაჯანიშვილი უამბობს.
„ვილეროი და ბოხი“ არის გერმანული ბრენდი, რომელიც აწარმოებს უმაღლესი ხარისხის პროდუქციას. ჩვენს მაღაზიებში მომხმარებლებს ვთავაზობთ ყოველდღიური გამოყენების ნივთებს, შესაბამისად პასუხისმგებლობაც ძალიან დიდია, პროდუქცია იყოს უსაფრთხო, კომფორტული და ჯანსაღი. პროდუქტი შექმნის პროცესში გადის არაერთ საფეხურს, რათა გამოყენებისგან გამოწვეული რისკ-ფაქტორები მინიმუმამდე დაიყვანოს. სწორედ ამ მიზნით, ხარისხის მართვისა და პროდუქტის განვითარების დეპარტამენტების ერთობლივი ძალისხმევით იქმნება და იტესტება საპილოტე პროდუქტი. ყველაფრის ხარისხი კონტროლდება არა მარტო წარმოებაში ჩაშვებამდე, არამედ რეალიზაციიდან 12-დან 24 თვემდე, იმისათვის, რომ გრძელვადიან პერიოდში კომპანია დარწმუნდეს პროდუქციის უსაფრთხოებასა და ხარისხში.
ვინაიდან ბრენდისთვის უმნიშვნელოვანესი ფაქტორია გარემოზე ზრუნვა, „ვილეროი და ბოხი“ ძალიან დიდ ყურადღებას უთმობს უშუალოდ წარმოების პროცესსა და ქარხნების მუშაობის სისტემას. ბრენდის სანდოობაზე მეტყველებს ისიც, რომ მინიჭებული აქვს ISO 14001 და ISO 50001 სერტიფიკატები, რაც მოიცავს გარემოსდაცვითი მენეჯმენტისა და ენერგოეფექტური მართვის სტანდარტებს. მისი მიზანია, უფრო მეტად შეამციროს წარმოებასთან დაკავშირებული ენერგიის, წყლის, ნედლეულის მოხმარება და CO2-ის გამოშვების შემცირება.
ბრენდისთვის მნიშვნელოვანია სამედიცინო დასკვნები და კვლევები. შესაბამისად, მას შემდეგ, რაც ბოლო კვლევის შედეგები გამოქვეყნდა, რომლის მიხედვითაც ბროლის ნაკეთობებში ტყვიის შემცველობა ჯანმრთელობისთვის საზიანოა და რეაქციაში შედის სასმელ და საკვებ ნივთიერებებთან, „ვილეროი და ბოხი“ აღარ აწარმოებს ტყვიის შემცველობით მინას. იგი ჩანაცვლდა სხვა ოქსიდებით, როგორიცაა ბარიუმი, თუთია და კალიუმი, რის შედეგადაც მივიღეთ ზუსტად ისეთივე ბზინვარება და გამჭვირვალობა, როგორიც აქვს ბროლის ჭურჭელს და ამასთანავე, ჯანმრთელობისთვის უვნებელია.
საბავშვო ჭურჭელს რაც შეეხება, „ვილეროი და ბოხი“ განსაკუთრებულ ყურადღებას აქცევს მათთვის განკუთვნილ პროდუქციას და მშობლებს სთავაზობს ჯანმრთელობისათვის უსაფრთხო ჭურჭელს, რომელიც რეაქციაში არ შედის სასმელ თუ საკვებ ნივთიერებებთან და მორგებულია ბავშვის პირის აპარატზე.
ვინაიდან ბრენდი ყოველთვის მიჰყვება უახლეს ტენდენციებს, იგი ახლაც სთავაზობს მომხმარებელს სასიამოვნო სიახლეს − To Go & To Stay რომელიც გახლავთ მრავალფუნქციური პროდუქცია, დროის დაზოგვის შესაძლებლობით. ეს გულისხმობს იმას, რომ სამგზავრო კონტეინერში შეგვიძლია საკვები მოვამზადოთ, შევინახოთ ან/და თან წავიღოთ. კონტეინერში შენახული საკვები არ შედის რეაქციაში ჭურჭელთან და უსაფრთხოა ჯანმრთელობისთვის. ამასთან, აღსანიშნავია ისიც, რომ იგი დამზადებულია რეციკლირებადი მასალისგან.
დაბოლოს… აუცილებლად უნდა აღინიშნოს ის ფაქტი, რომ ჩვენს მაღაზიაში წარმოდგენილ გერმანულ ბრენდ WMF-ის ქვაბები წარმოებულია უმაღლესი ხარისხის სილარგანის მასალისგან, რომელიც არ შედის რეაქციაში საკვებთან. შესაბამისად, საკვები ინარჩუნებს სასარგებლო თვისებებს, როგორც მომზადებისას, ასევე შენახვისას, და უსაფრთხოა ჯანმრთელობისთვის.
