მიუხედავად იმისა, რომ მოდის ინდუსტრიის ერთ-ერთმა ყველაზე გავლენიანმა პიროვნებამ და საყოველთაოდ აღიარებულმა იტალიელმა დიზაინერმა დონატელა ვერსაჩემ განვლილი წლების მანძილზე მაყურებელს არაერთი დაუვიწყარი კოლექცია წარუდგინა, ადამიანების უმეტესობა მისი და Fendi-ის კრეატიული დირექტორის კიმ ჯონსის კოლაბორაციას მაინც ყველაზე ნაკლებად ელოდა.
Versace X Fendi-ის 2022 წლის გაზაფხული/ზაფხულის კოლექციის ჩვენებაზე არაერთი ცნობილი ტოპ მოდელი და სუპერმოდელი გამოვიდა, რომელთა შორის იყვნენ ნაომი კემპბელი, ქეით მოსი, ჯიჯი ჰადიდი, ვიტორია ჩერეტი, ადუთ აკეჩი, იმან ჰამამი, ემილი რატაკოვსკი და სხვები.
