მარიან სალცმანი, “ფილიპ მორის ინთერნეიშენალის” უფროსი ვიცე-პრეზიდენტი.
თავდაპირველად, როდესაც “ფილიპ მორის ინთერნეიშენალისგან” სამუშაო შეთავაზება მივიღე, კომპანიის საქმიანობის შესახებ ინფორმაცია მომაწოდეს და ძალიან გამიკვირდა, როდესაც გავიგე, რომ თამბაქოს გიგანტი მიზნად ისახავდა, შეექმნა სიგარეტისგან თავისუფალი მომავალი.
სწორედ ამ ამბიციის განხორციელებისათვის, ჩვენ მიზნად დავისახეთ, 2025 წლისთვის ხელი შევუწყოთ მინიმუმ 40 მილიონი ზრდასრული მწეველის თამბაქოს ალტერნატიული პროდუქტების მოხმარებაზე გადასვლას.
თამბაქოს გასახურებელი მოწყობილობა ტრადიციული თამბაქოს მომხმარებელთათვის, მოწევის გაგრძელებასთან შედარებით, უკეთეს არჩევანს წარმოადგენს. “ფილიპ მორის ინთერნეიშენალმა” ბოლო ათ წელიწადში რამდენიმე მილიარდი დოლარის ოდენობის ინვესტიცია განახორციელა თამბაქოს უკვამლო მოწყობილობის შესაქმნელად და მისი შესაძლო სარგებლის შესახებ კვლევების ჩასატარებლად. საბოლოოდ, კომპანიამ, ასობით მეცნიერისა და ინჟინერის დახმარების შედეგად შეძლო, შეექმნა მეცნიერულად დადასტურებული თამბაქოს უკვამლო მოწყობილობა, რომელიც სიგარეტთან შედარებით ამცირებს ორგანიზმზე მავნე და პოტენციურად მავნე ნივთიერებების ზემოქმედებას.
მიუხედავად მთავრობებისა და ჯანდაცვის ორგანიზაციების მრავალწლიანი ძალისხმევისა, შეემცირებინათ ტრადიციული სიგარეტის მოხმარება, დღეს მსოფლიოში 1 მილიარდი მწეველია და მათი დიდი ნაწილი ვერ ან არ ანებებს თავს მოწევას. სწორედ ამიტომ, ისინი საჭიროებენ სანდო, სამეცნიერო მტკიცებულებებზე დაფუძნებულ ინფორმაციას, რაც შესაძლებლობას მისცემს მათ, მიიღონ ინფორმირებული და გონივრული გადაწყვეტილება.
შემიძლია თამამად ვთქვა, რომ დღეს ჩვენ ძალიან დიდ პროგრესს მივაღწიეთ: 2020 წლის პირველი ნახევრის მონაცემებით, მსოფლიოში 15 მილიონი ზრდასრული მწეველი მოიხმარდა თამბაქოს გასახურებელ მოწყობილობას, მათგან 70%-ზე მეტმა კი სრულად შეწყვიტა სიგარეტის მოხმარება.
თუმცა, ამ მნიშვნელოვან გამოწვევასთან გამკლავება მხოლოდ ჩვენი ძალისხმევის შედეგად შეუძლებელია. ჩვენ ძალიან დიდ რესურს მივმართავთ უკვამლო მომავლის შექმნისათვის საჭირო ქმედებების განსახორციელებლად, თუმცა, წარმატების მისაღწევად საჭიროა მნიშვნელოვანი სტეიკჰოლდერების, ჯანდაცვის ორგანიზაციებისა და სამთავრობო უწყებების ჩართულობა – მათი მხრიდან გონივრული და რისკზე დაფუძნებული რეგულაციების იმპლემენტაცია, რაც დაეხმარება ზრდასრულ მწეველ ინდივიდებს, გადავიდნენ ნიკოტინის შემცველი თამბაქოს ალტერნატიული მოწყობილობების მოხმარებაზე.
სხვადასხვა ქვეყნის საკანონმდებლო ორგანიზაციებისა და ჯანდაცვის ექსპერტების მხარდაჭერის შედეგად, ჩვენ იმედი გვაქვს, რომ 10-15 წელიწადში შევძლებთ, შევქმნათ თამბაქოს კვამლისგან თავისუფალი მომავალი.
ჩვენ კარგად გვესმის, რომ საზოგადოებაში ჯერ კიდევ არსებობს უნდობლობა თამბაქოს ინდუსტრიის მიმართ. ჩემი ცხოვრების განმავლობაში, თამბაქოს მოხმარების ფატალური შედეგები ჩემს თავზე გამოვცადე მაშინ, როდესაც მამაჩემი მოწევით განვითარებული ფილტვის კიბოს შედეგად გარდაიცვალა. ამ გამოცდილების შემდეგ გადავწყვიტე, მთელი ჩემი ძალისხმევა საკუთარი ჯანმრთელობის გაუმჯობესებისკენ მიმემართა და წვლილი შემეტანა ცხოვრების ხარისხის გაუმჯობესების პროცესში – ყველა იმ საშუალებით, რომელიც ჩემს ხელთ იქნებოდა.
უდავოა, რომ მწეველთათვის საუკეთესო არჩევანს თამბაქოსა და ნიკოტინის შემცველი პროდუქტების მოხმარებისთვის თავის დანებება წარმოადგენს. თუმცა, მილიონობით ზრდასრული ადამიანი მაინც აგრძელებს მოწევას. სწორედ ამიტომ, ჩვენ, როგორც კომპანია, ვცდილობთ, ხელი შევუწყოთ ზრდასრულ მწეველებს, რომლებიც სხვაგვარად გააგრძელებდნენ მოწევას, გადავიდნენ თამბაქოს ალტერნატიული მოწყობილობების მოხმარებაზე და თავი დაანებონ ტრადიციულ მოწევას. მართალია, თამბაქოს უკვამლო მოწყობილობები არ არის სრულიად უსაფრთხო, თუმცა მოწევის გაგრძელებასთან შედარებით უკეთეს არჩევანს წარმოადგენს და ეს მეცნიერულად არის დამტკივცებული.
თუმცა, ტრადიციული სიგარეტიდან თამბაქოს ალტერნატიულ მოწყობილობებზე “მიგრაციის” პროცესს მოძველებული რეგულაციები და სწორ, სანდო ინფორმაციაზე ხელმისაწვდომობის ნაკლებობა აფერხებს. თამბაქოს კონტროლის შესახებ არსებული რეგულაციების უდიდესი ნაწილი შეიქმნა მაშინ, როდესაც ბაზარზე ჯერ კიდევ არ არსებობდა ინოვაციური, შემცირებული რისკის მქონე თამბაქოს მოწყობილობები. სწორედ ამიტომ, კანონმდებლობა არ ითვალისწინებს ალტერნატიული მოწყობილობების შესაძლო სარგებელს და არ აღიარებს განსხვავება ტრადიციულ და თამბაქოს ინოვაციურ მოწყობილობებს შორის. შედეგად, ასეთი მიდგომა არ აძლევს მომხმარებელს შესაძლებლობას, წვდომა ჰქონდეს თამვაქოს შემცირებული რისკის მქონე პროდუქტებზე.
რაც შეეხება თამბაქოს ინდუსტრიისადმი უნდობლობასა და არასწორი ინფორმაციის გავრცელებას, ჩვენ ამ პრობლემას მეცნიერულ ფაქტებსა და საფუძვლებზე დაფუძნებული ინფორმაციის მეშვეობით უნდა ვებრძოლოთ.
მიგვაჩნია, რომ უკეთესი მომავლის შესაქმნელად, დიალოგი აუცილებელ პირობას წარმოადგენს. სწორედ ამიტომ, ჩვენ მზაობას გამოვთქვამთ ღია დიალოგისთვის როგორც სამთავრობო უწყებებთან, ასევე ჯანდაცვის ორგანიზაციებთან.
ჩვენი მთავარი მოწოდება კი შემდეგნაირად ჟღერს:
თუ თქვენ არ ეწევით, არ დაიწყოთ მოწევა.
თქვენ თუ ეწევით, მაშინ თქვენთვის საუკეთესო გამოსავალს მოწევისთვის თავის დანებება წარმოადგენს.
ხოლო, იმ შემთხვევაში, თუ თქვენ ვერ ან არ ანებებთ თავს თამბაქოსა და ნიკოტინის შემცველი პროდუქტების მოხმარებას, მაშინ აუცილებლად გადადით თამბაქოს ალტერნატიული მოწყობილობების მოხმარებაზე.
დღეს ჩვენ გვაქვს შესაძლებლობა, შევქმნათ უკეთესი მომავალი, მიუხედავად, კოვიდ პანდემიის შედეგად შექმნილი ახალი რეალობისა, ჩვენ მაინც პოზიტიური ცვლილებების მოლოდინი გვაქვს – უფრო მეტი თანამშრომლობისა და კომუნიკაციის.
მჯერა, რომ იმ ადამიანებს, რომლებიც კომუნიკაციების სფეროში მუშაობენ, აქვთ შესაძლებლობა, დაყოფილი მსოფლიო გააერთიანონ, სიკეთე, თანაგრძნობა და ემპათია აქციონ მთავარ საყრდენად და ხელი შეუწყონ ცრურწმენაზე დაფუძნებულ რიტორიკასთან მეცნიერულ ფაქტებზე დაფუძნებული ინფორმაციით ბრძოლას. ჩვენ ერთად შევძლებთ, ახალი “რეალობა” იმაზე უკეთესი გავხადოთ, ვიდრე ის კოვიდის პანდემიამდე იყო.
ვფიქრობ, რომ ჩვენი ძალისხმევით და სწორი კომუნიკაციით შესაძლებელი იქნება, თამბაქოს კვამლისგან თავისუფალი მომავლის შექმნა, რაც ხელს შეუწყობს საყოველთაო კეთილდღეობის მიღწევას. ასეთი რევოლუციური ცვლილების განხორციელება კი მხოლოდ ინოვაციური ტექნოლოგიებისა და მეცნიერების ასიმილაციის შედეგად არის შესაძლებელი. ეს არის ჯანდაცვის სისტემის შანსი, დაიცვას მილიონობით ადამიანის სიცოცხლე და მონაწილეობა მიიღოს უკეთესი მომავლის შექმნის პროცესში.
