პაულო კოელიო – „ალქიმიკოსი“
ბრაზილიელი მწერლის, პაულო კოელიოს „ალქიმიკოსი“ თანამედროვე კლასიკად არის აღიარებული და რამდენიმე წელია, მსოფლიო ბესტსელერების სიის სათავეშია. ეს არის იგავი ადამიანზე, რომელიც თავის გზას მიჰყვება. მოგზაურობის დაუოკებელი სურვილით შეპყრობილი, ის ჯერ მწყემსი გახდება, შემდეგ ზღაპრული განძის მოსაპოვებლად ეგვიპტეში გაემგზავრება, შეხვდება ალქიმიკოსს და ბუნების საიდუმლოებებს შეიცნობს.
ქეთრინ რაიან ჰოვარდი – „ზურგჩანთამოკიდებული: უღიმღამო მოგზაურობა ცენტრალური ამერიკის გადაღმა“
ქეთრინ რაიან ჰოვარდი ერთი წლით მუშაობდა დისნეიში და სანამ ირლანდიაში, საკუთარ სახლში დაბრუნდებოდა, გადაწყვიტა თავის მეგობარ შეილას სამთვიან მოგზაურობაში გაჰყოლოდა ცენტრალური ამერიკის გადაღმა. მოგზაურობის სხვა სტილთან შედარებით, წიგნში მოთხრობილი კერძო თავგადასავალი სრულიად მოულოდნელია. ეს არის ძალიან სახალისო და გასართობი ამბავი, რომელიც ხდება ვულკანების მიმდებარე ტერიტორიაზე, მიკროავტობუსებსა და მაკდონალდსშიც კი.
ჯეფ დაიერი – „იოგა ადამიანებისთვის, რომელთაც ამით თავის შეწუხება არ სურთ“
„იოგა ადამიანებისთვის, რომელთაც ამით თავის შეწუხება არ სურთ“, ჯეფ დაიერის ერთ-ერთი გამორჩეული წიგნია, რომელშიც აღწერილია ავტორის მოგზაურობა ამსტერდამში, კამბოჯაში, რომში, ინდონეზიაში, ლიბიაში… მის მიერ აღწერილი და წიგნში გადმოტანილი ემოციები მასთან ერთად გამოგზაურებთ.
