კინოსამყაროს ყველაზე მნიშვნელოვანი დაჯილდოება რამდენიმე დღის წინ გაიმართა, თუმცა მის შესახებ ლაპარაკი ჯერ კიდევ არ წყდება. “ოსკარების” რიგით 95-ე დაჯილდოებას არაერთი ცნობილი ადამიანი დაესწრო. ღონისძიებას ტრადიციულად Academy of Motion Picture Arts and Sciences-მა (AMPAS) უმასპინძლა, რომელიც Dolby-ის თეატრში, ლოს ანჯელესში ჩატარდა. “ოსკარების” საღამოს პროდიუსერები რიკი კირშნერი და გლენ ვეისი იყვნენ, წამყვანი კი ჯიმი კიმელი გახლდათ. საღამოს ერთ-ერთი ემოციური მოვლენა გახლდათ საუკეთესო მამაკაცი მსახიობის კატეგორიის ჯილდოს წარდგენა, როდესაც პრიზის მფლობელი ბრენდან ფრეიზერი გახლდათ, მათ 12 წლიანი სამსახიობო პაუზის შემდეგ მონაწილეობა ფილმ The Whale-ში მიიღო, რამაც მას მისთვის თითქმის წარმოუდგენელი წარმატება მოუტანა.
”ოსკარების” დაჯილდოებაზე მაყურებელმა ბევრი სტუმარი იხილა, მათ შორის იყვნენ ნიკოლ კიდმანი და მისი მეუღლე კიტ ურბანი. როგორც სოციალურ მედიაში აღნიშნავენ, სწორედ მათი გამოჩენის გამო არ მივიდა დაჯილდოებაზე ნიკოლის ყოფილი მეუღლე ტომ კრუზი, რადგან ყოფილ ცოლთან შეხვედრა არ უნდა. როგორც ჩანს, ტომმა კიდმანთან შეხვედრას “ოსკარების” დაჯილდოების სახლიდან ყურება ამჯობინა. ტომ კრუზი და ნიკოლ კიდმანი 12 წლიანი ქორწინების შემდეგ ერთმანეთს ოფიციალურად 2002 წელს დაშორდნენ.
ამჯერად ნიკოლი კიტ ურბანთან იმყოფება ქორწინებაში და ჟურნალისტებთან აღნიშნავს, რომ იმდენად ბედნიერია, რომ ყოფილ მეუღლეზე საუბარი უკვე ეუხერხულება.
ფოტოზეა ნიკოლ კიდმანი ტომ კრუზთან ოფიციალურად განქორწინების შემდეგ.
