ჩემი აზრით, ტექნოლოგიების განვითარებას აუცილებლად ახასიათებს ტენდენცია, რადგან ამ სფეროს პროგრესი მჭიდროდ უკავშირდება ადამიანის სურვილებსა და ოცნებებს. გარდა ამისა, ტექნოლოგიების განვითარებას გამოკვეთილად აქვს აჩქარების ტენდენცია.
დავაკვირდეთ ტექნოლოგიების აჩქარებას. 2 მილიონ წელზე მეტი ხნის განმავლობაში ადამიანი ამზადებდა ქვის ინსტრუმენტებს, 2000 წელი ამზადებდა რკინის კუსტარულ ინსტრუმენტებს, პირველი ცენტრალური პროცესორი მხოლოდ 1971 წელს შექმნა, დღეს კი კოსმოსური მისიები კერძო კომპანიების ხელში გადავიდა.
ჩემი აზრით, ეს პროცესი ძალიან შთამაგონებელია, რადგან ადამიანის ყველაზე თამამი და ფუტურისტული წარმოსახვები უკვე რეალურ ცხოვრებაში ტექნოლოგიების სახით გვევლინება. მაგალითად, ჯერ კიდევ 20 წლის წინ ვირტუალურ რეალობას მხოლოდ ფანტასტიკური ჟანრის ფილმებში თუ იხილავდით. დღეს კი VR რეალურ სამყაროში შემოვიდა.
ჩემი აზრით, ეს გვძენს თავდაჯერებულობას, ყველაზე წარმოუდგენელ პროექტებზე დავიწყოთ მუშაობა და ისინი რეალობად გარდავქმნათ.
ახლა კი განვიხილოთ ვებტექნოლოგიების სამომავლო პერსპექტივა:
დღეს მსოფლიოში აქტიურად ინერგება შემდეგი ტრენდები ვებტექნოლოგიებში: VR, AR, Blockchain, NFT, Web3. არავინ იცის, ზუსტად რომელი ტექნოლოგია გაამართლებს და დაიმკვიდრებს თავს, თუმცა ვებტექნოლოგიები მიისწრაფვიან თვითმმართველობითი მოდელისკენ, სადაც მომხმარებელი ამავდროულად პლატფორმის მოდერატორია.
