თბილისში ახალი სასტუმრო Hilton Garden Inn Tbilisi Riverview იხსნება, რომელიც პირველ სტუმრებს მომავალ თვეს უმასპინძლებს.
თანამედროვე ტიპის 160-ნომრიანი სასტუმრო თბილისის ისტორიულ უბანში მდებარეობს, საიდანაც ქალაქის მთავარ ღირსშესანიშნაობებზე ულამაზესი პანორამული ხედები იშლება.
სასტუმროდან 3 კილომეტრის მანძილზეა ნარიყალას ციხესიმაგრე, გოგირდის აბანოები, სამების საკათედრო ტაძარი; დედაქალაქის მნიშვნელოვანი ტურისტული ადგილები, მათ შორის ლეღვთახევის ჩანჩქერი და ეროვნული ბოტანიკური ბაღი.
Hilton Garden Inn Tbilisi Riverview თანამედროვე დიზაინითა და მაღალი დონის მომსახურებით გამოირჩევა.
სასტუმროში იმუშავებს რესტორანი Together & Co., სადაც სტუმრებს საუზმით, სადილითა და ვახშმით გაუმასპინძლდებიან, ბარში კი გემრიელ კოქტეილებს შესთავაზებენ, რომლებიც სპეციალურად „ჰილტონის“ სასტუმროებისთვის არის შექმნილი. მათ შორისაა უახლესი კოქტეილი Simia Sour, რომელიც „ჰილტონის“ მიქსოლოგებმა დაამზადეს.
იცოდით, რომ სწორედ ამ ქსელში, კარიბის კუნძულებზე, ჯერ კიდევ 1950 წელს შეიქმნა პირველი პინა კოლადა? მას შემდეგ Hilton-ი განაგრძობს სტუმრებისთვის გამოცდილების გაზიარებას, ინოვაციური მიგნებებით განებივრებას როგორც საკვებით, ასევე გემრიელი კოქტეილებით.
Together & Co. არა მხოლოდ კვების ობიექტი, არამედ თბილი, მყუდრო, Hilton Garden Inn-ის სტილში შექმნილი სივრცეა, სადაც ადამიანები მეტ დროს გაატარებენ ერთად. ეს იქნება იდეალური ადგილი განტვირთვისა და დასვენებისთვის, შეხვედრისა და ურთიერთობისთვის, იდეებისა და ამბების ერთმანეთისთვის გასაზიარებლად, გემრიელი საკვებისა და სასმელების თანხლებით.
რესტორნის მენიუში სტუმრები ყოველთვის აღმოაჩენენ როგორც საერთაშორისო, ასევე ქართულ ტრადიციულ გემოებს, არომატებსა და ინგრედიენტებს ახალი განსხვავებული ელემენტებით. ასევე დიდი ყურადღება დაეთმობა როგორც მომზადების მეთოდს, ასევე კერძებისა და თუ სხვადასხვა სასმლის პრეზენტირების ფორმას.
Together & Co.-ს გუნდს გამოარჩევს კულინარიისა და სტუმარმასპინძლობის ნამდვილი სიყვარული. მათთან შეხვედრის შემდეგ თითოეული სტუმარი თავს გამორჩეულად იგრძნობს. აქ მთავარია მაღალი ხარისხის მომსახურება, უგემრიელესი ავთენტური გამოცდილება და სასიამოვნო გარემო სოციალიზაციისთვის.
გარდა კულინარიული გამოცდილებისა, სასტუმროს ტერიტორიაზე სტუმრების განკარგულებაშია ფიტნეს-ცენტრი, 24-საათიანი სასტუმროს მაღაზია, რომელიც ვიზიტიორებს უმაღლესი ხარისხის ჯანსაღ, გემრიელ და ახალ პროდუქტებს შესთავაზებს. სასტუმროში უზრუნველყოფილია უფასო Wi-Fi და სამრეცხაო.
„სასტუმრო სტუმრებს კომფორტულ და მყუდრო ნომრებს სთავაზობს, მიუხედავად იმისა, საქმიანი მოგზაურობაა ეს მათთვის თუ, უბრალოდ, დასვენება, – ამბობს Hilton Garden Inn Tbilisi Riverview-ის გენერალური მენეჯერი კაროლი ლაკატოსი, – ჩვენი გუნდის წევრები მოუთმენლად ელიან სტუმრებთან შეხვედრას უახლოეს მომავალში, „Hilton“-ის განთქმული მზრუნველი სერვისით“.
საქმიანი შეხვედრებისა და ღონისძიებებისთვის გამოყოფილია სამი საკონფერენციო დარბაზი, რომლებიც ყველანაირი საჭირო ტექნიკით არის აღჭურვილი და 100-მდე სტუმარს მოემსახურება.
Hilton Garden Inn Tbilisi Riverview კეთილგანწყობილია შინაური ცხოველების მიმართ და მზადაა მიიღოს სტუმრები მათ საყვარელ თანამგზავრებთან ერთად.
და, რაც ყველაზე მთავარია, Hilton Garden Inn Tbilisi Riverview-ს გამოარჩევს განსაკუთრებული სტუმართმოყვარე გარემო, რომელსაც თითოეული სტუმარი იგრძნობს, ამაზე კი სასტუმროს პროფესიონალი გუნდი იზრუნებს, რადგან „It Matters Where You Stay!“
Hilton Garden Inn Tbilisi Riverview -ის მისამართია: თბილისი, იალბუზის ქ. N17.
