ქართული OK! წარმოგიდგენთ ავეჯის ყველაზე დიდ მოლს „თბილისი პავილიონს“, რომელიც აღმაშენებლის ხეივნის N68-ში მდებარეობს. პავილიონი ერთ სივრცეში აერთიანებს ავეჯს, დეკორს, აქსესუარს და სახლისათვის საჭირო ყველა ნივთს, რომელიც აუცილებელია ინტერიერისა და ექსტერიერის გასალამაზებლად. გარდა ამისა „თბილისი პავილიონის“ მულტიფუნქციური სივრცე საუკეთესო საშუალებაა როგორც გამოფენის მოსაწყობად, ისე სხვადასხვა ღონისძიების აღსანიშნავად. აღნიშნული სივრცის უპირატესობებზე „თბილისი პავილიონის“ თავმჯდომარე, ლალი ყურაშვილი და პავილიონის დირექტორი, გიორგი ბედოშვილი გვესაუბრნენ.
როგორია „თბილისი პავილიონის“ შექმნის ისტორია?
გიორგი ბედოშვილი: „თბილისი პავილიონი“ 2019 წელს გაიხსნა და მალევე დაიწყო პანდემიაც, რაც დიდი გამოწვევა იყო ჩვენთვის, რამაც სწრაფ განვითარებასაც შეუშალა ხელი, თუმცა ამან არ შეგვაშინა და დღევანდელ დღემდე მოვედით.
ჩვენი მიზანი იყო შეგვექმნა მოლი, სადაც მომხმარებელი კომფორტულად შეძლებდა სასურველი ავეჯის, დეკორისა და სხვადასხვა აქსესუარის ერთ სივრცეში შეძენას. დღეს კი ჩვენთან დაგხვდებათ სახლისა თუ სხვა ნებისმიერი სივრცის მოსაწყობად საჭირო ავეჯი.
„თბილისი პავილიონის“ უპირატესობები…
ლალი ყურაშვილი: 27 000 კვადრატულ მეტრ ფართზე განთავსებული 4-სართულიანი შენობა გამორჩეულია კომფორტული წყობითა და დიზაინით, სადაც ცნობილი საერთაშორისო და ადგილობრივი ავეჯის ბრენდების მაღაზიაა განთავსებული. აქ მომხმარებელს დახვდება ავეჯისა თუ დეკორის მრავალფეროვანი არჩევანი.
რა თქმა უნდა, გამოგვარჩევს ხარისხიანი პროდუქცია. ჩვენთან საზოგადოებასა და ჩვენს ერთგულ მომხმარებლებს შეუძლიათ უმაღლესი ხარისხით დამზადებული პროდუქციის შეძენა.
ჩვენ გვჯერა, რომ ავეჯის შეძენა უნდა იყოს სასიამოვნო გამოცდილება, სწორედ ამაზე ზრუნავს ჩვენი გუნდი. სასიამოვნოდ გატარების პარალელურად კი შეგიძლიათ საკუთარი სახლისთვის თუ ახლობელი ადამიანებისთვის გამორჩეული ავეჯის ან საინტერესო აქსესუარის შეძენა. ადგილზე კი სუპერთანამედროვე, უფასო საპარკინგე სივრცე დაგხვდებათ.
გარდა ამისა, „თბილისი პავილიონის“ სივრცეები იდეალური ადგილია გამოფენის, სხვადასხვა ღონისძიების თუ ფოტო/ვიდეო გადაღების ჩასატარებლად. ხშირად გვსტუმრობენ ფოტოგრაფები და რეჟისორები, რომლებიც აღნიშნულ სივრცეებს გადაღებისთვის იყენებენ.
სამომავლო გეგმები
გიორგი: გვსურს გაგვიცნოს რაც შეიძლება მეტმა ადამიანმა და ჩვენი მომხმარებელი გახდეს. ასევე, გვსურს ხელი შევუწყოთ და უფრო განვავითაროთ, ავეჯის მოლში წარმოდგენილი პრემიუმ და საშუალო კლასის ბრენდები. ჩვენ მზად ვართ სხვა ბრენდებთან თანამშრომლობისთვისაც და მომხმარებელს მუდმივად განახლებულ კოლექციებს ვპირდებით.
ტექსტი: სოფიო მალანია
ფოტო: ალექსეი სეროვი
