ნასტასია ლეგრანი კვლავ მსოფლიო მოდის ყურადღების ცენტრშია. მას შემდეგ, რაც მოდელი თავისი გამორჩეული ქართულ-ფრანგული სილამაზით პარიზის მოდის კვირეულის ერთ-ერთი მთავარი გმირი გახდა, ამერიკული სამოდელო სააგენტოს – Woman Management-ის დირექტორმა Osana Ekue-მ ნასტასიას სოციალურ ქსელში პოსტი მიუძღვნა და ახალგაზრდა მოდელის ფოტოებთან ერთად გამოაქვეყნა:
ნასტასია ლეგრანი — ჩვენი ახალი ნახევრად ფრანგი, ნახევრად ქართველი ლამაზმანი!
ის ულამაზესია, შრომისმოყვარეა, შესანიშნავია და ეს ყველაფერია, რაც მიყვარს!
გარდა ამისა, მას აქვს ნიჭი, რომელსაც მოგვიანებით გაგიზიარებთ. ამ სეზონზე მან პარიზის მოდის კვირეულზე ყველა გააოგნა და გვსურს დიდ მადლობა გადავუხადოთ ყველას, ვინც ამაში მონაწილეობდა. ეს გზა გრძელი იქნება, მაგრამ უკვე დიდებულად დაიწყე, კაშკაშა ნასტასია.
ცნობისთვის, მას შემდეგ, რაც ნასტასიას დებიუტი პარიზის 2025 წლის F/W მოდის კვირეულზე შედგა, ტოპ 22 მოდელს შორის მოხვდა და პოდიუმზე გაიარა ისეთი ბრენდებისთვის, როგორებიცაა: Louis Vuitton, Chanel, Ann Demeulemeester, Chloé, და courrèges, Models.com -მა ის 2025 წლის გამორჩეულ ახალბედა სახეებს შორის დაასახელა. ახლბედა, გამჯორჩეული ვიზუალის მქონე მოდელმა უკვე არაერთი დიდი ბრენდის ყურადღებაც დაიმსახურა, რის გამოც მას დიდ კარიერას უწინასწარმეტყველებენ.
მატილდა გვარლიანის შემდეგ 20 წლის ნასტასიამაც დაამტკიცა, რომ სვანური შარმი და მომხიბვლელობა არასოდეს არ რჩება ყურადღების მიღმა-“სვანური სილამაზე მსოფლიო პოდიუმებს იპყრობს”-სწორედ ამ ფრაზით გამოეხმაურნენ ქართველი გულშემატკივრები ნასტასიას გამოჩენას პარიზის მოდის კვირეულზე.
ახალბედა მოდელი ბაბლუანების ოჯახის მესამე თაობის წარმომადგენელი, კინორეჟისორისა და მწერლის, ბევრისათვის საყვარელი რომანის „მზე, მთვარე და პურის ყანა“-ს ავტორის, თემურ ბაბლუანის შვილიშვილი და ჟურნალისტის, ოლგა ბაბლუანის ქალიშვილია. მან სულ რამდენიმე თვის წინ, სექტემბერში, დაიწყო სამოდელო კარიერა Women Management Paris-ში, დღეს კი ცნობილ სააგენტოსთან- Women Management Milan-თან თანამშრომლობს.
ნასტასია საფრანგეთში გაიზარდა, ის დღემდე იქ ცხოვრობს და სწავლობს , თუმცა ხშირად სტუმრობს საქართველოს დედასთან და დასთან ერთად. ეს შეიძლება ითქვას, რომ დედის დამსახურებაა, რადგან ოლგა ბაბლუანი არაერთ ინტერვიუში აღნიშნავს, რომ სურს მის შვილებს საქართველოსთან მჭიდრო კავშირი ჰქონდეთ.
გარდა სამოდელო კარიერისა, ნასტასია მსახიობობითაც არის დაინტერესებული. მან 2012 წელს მოკლემეტრაჟიან ფილმში „What Can I Wish You Before The Fight?“, სადაც ელისის როლი მოირგო.
