ირაკლი ბიბილეიშვილი − Smash-ის თანადამფუძნებელი
რამდენი ხანია, რაც Smash ბაზარზე გამოჩნდა?
Smash საქართველოს ბაზარზე 2009 წლის ბოლოს გამოჩნდა, რაც გულისხმობს, რომ ჩვენი ქსელი უკვე 10 წელიწადზე მეტია, ადგილობრივ მომხმარებელს ე.წ. „დასმეშილი“ მეთოდით დამზადებულ ბურგერებს სთავაზობს და სწორედ აქედან წამოვიდა სახელწოდება Smash.
რას სთავაზობთ მომხმარებლებს?
როგორც წესი, სწრაფი კვება არაჯანსაღ და უსარგებლო საკვებთან ასოცირდება. ჩვენი მიზანი იყო ამ სტერეოტიპის დამსხვრევა და საქართველოში ისეთი სწრაფი კვების ობიექტის შექმნა, რომელშიც მომხმარებელი დააგემოვნებდა ხარისხიანი პროდუქტებისგან დამზადებულ ბურგერებს. მარტივად რომ ვთქვათ, გვინდოდა გემრიელი ბურგერების დამზადება − ზედმეტი გაპრანჭვის, თეფშებისა და ხელთათმანების გარეშე.
რით გამოირჩევა Smash? რა უპირატესობით სარგებლობთ?
გამორჩევადობა არაფერ შუაშია. უბრალოდ, ვაკეთებთ გემრიელ და ხარისხიან ბურგერებს − ისეთებს, როგორიც თვითონ მოგვწონს და ვიზიდავთ მსგავსი გემოვნების მქონე ადამიანებს.
რა გამოარჩევს თქვენს გემოებს?
ჩვენი ბურგერების გემოებს ინგრედიენტები გამოარჩევს. კარგი და ხარისხიანი ინგრედიენტი მრავალფეროვანი გემოს მთავარი წინაპირობაა.
სამომავლო გეგმები.
სულ ცოტა ხნის წინ გავიხსენით ბათუმში, რაც დიდი ხანი შედიოდა ჩვენს გეგმებში. ვაპირებთ თბილისში კიდევ ერთი ფილიალის დამატებას და აქტიურად ვმუშაობთ spin off-პროექტებზე.
