სკოლებში, გაკვეთილის მიმდინარეობისას, მობილური ტელეფონის გამოყენება მოსწავლეებთან ერთად პედაგოგებსაც აეკრძალებათ.
ამის შესახებ განათლების სამინისტროში “ინტერპრესნიუსს” განუცხადეს.
მათივე ცნობით, ცვლილება ზოგადი განათლების შესახებ “ოცნების” მიერ დაანონსებული რეფორმის ფარგლებში განხორციელდება, რომელიც ძალაში 2026-2027 წლიდან შევა. სამინისტროში აცხადებენ, რომ საგაკვეთილო პროცესისას მობილური ტელეფონების გამოყენების შეზღუდვით, პედაგოგებმა მოსწავლეებს პირადი მაგალითი უნდა მისცენ.
“ის, რომ პედაგოგი მობილურ ტელეფონს გაკვეთილის მიმდინარეობისას შესაბამის შემნახველ ყუთში მოსწავლეების ტელეფონებთან ერთად მოათავსებს, ეს იქნება მაგალითი მათთვის. ამას მასწავლებლებისთვის არ აქვს აკრძალვის ხასიათი. ეს არის უბრალოდ პირადი მაგალითის მიცემა მოსწავლეებისთვის. თუმცა როგორი იქნება ზუსტად რეგულაცია, ამ წუთას წესი შედგენილი არ არის, ვმუშაობთ. მაგრამ შინაარსი არის ის, რომ მასწავლებელი მაგალითი გახდეს ბავშვისთვის“ – განმარტავენ სამინისტროში.
ასევე დაგაინტერესებთ
