ქალები საკუთარ გარეგნობაზე ვზრუნავთ, რადგან გვინდა უკეთესად გამოვიყურებოდეთ. პერმანენტული მაკიაჟი და თავის მოვლის სხვადასხვა პროცედურა სასურველი შედეგის მიღწევაში გვეხმარება. ეს ყველაფერი კი ჩვენი თავდაჯერებულობისთვის გვჭირდება. ჟურნალი OK! გაგაცნობთ ესთეტიკურ ცენტრს Sk’ink with Tamo Buchukuri, რომელიც ხუთ წელზე მეტია წარმატებით ოპერირებს ბაზარზე და არაერთ სიახლეს სთავაზობს მომხმარებელს. უფრო ვრცლად ესთეტიკური ცენტრის შესახებ მის დამფუძნებელსა და პერმანენტული მაკიაჟის სპეციალისტს, თამო ბუჩუკურს ვესაუბრეთ.
რა იყო ესთეტიკური ცენტრის შექმნის მიზანი?
Sk’ink with Tamo Buchukuri-ს ესთეტიკური ცენტრის შექმნის იდეა გაჩნდა ჯერ კიდევ რამდენიმე წლის წინ. ჩემი მიზანი იყო, ქალბატონებისთვის შემექმნა ისეთი გარემო, სადაც თავს კომფორტულად იგრძნობდნენ და მიიღებდნენ უმაღლესი ხარისხის მომსახურებას.
მიზნად დავისახე, თითოეული ქალბატონისთვის, ვინც პერმანენტული მაკიაჟისთვის ჩვენს ესთეტიკურ ცენტრს აირჩევდა, ის შედეგი შემეთავაზებინა, რაც მათ ბედნიერებას და მეტ თავდაჯერებულობას მიანიჭებდა.
თავდაპირველად მომხმარებლებს მხოლოდ პერმამენტული მაკიაჟის პროცედურებს ვთავაზობდით. მერე კი, როცა უამრავი პაციენტის მხრიდან დავიმსახურეთ ნდობა, გადავწყვიტეთ გავფართოებულიყავით, განვაახლეთ ბრენდინგი და შევიცვალეთ ადგილმდებარეობა.
რას სთავაზობს საზოგადოებას?
უპირველესად, მინდა აღვნიშნო, რომ აქ მომსახურებას მაღალკვალიფიციური პროფესიონალები გაგიწევენ. ჩვენი ესთეტიკური ცენტრი მომხმარებლებს ძირითადად კანის და სახის მოვლის პროცედურებს სთავაზობს, როგორც პერმანენტულ მაკიაჟს, ასევე ინიექციურ კოსმეტოლოგიას და პროფესიონალურ სახის მასაჟებს, რომელიც ჩვენი სახის კუნთოვანი სისტემისთვის ძალიან მნიშვნელოვანია.
საკმაოდ დიდი კონკურენციაა ბაზარზე სილამაზის სფეროში, თქვენი აზრით, რა გამოგარჩევთ?
გეთანხმებით, რაც დრო გადის, ქალები ცდილობენ უფრო მეტი დრო დაუთმონ საკუთარ ჯანმრთელობას თუ ვიზუალურ მხარეს. მოთხოვნიდან გამომდინარე, ბაზარზე ბევრი ესთეტიკური ცენტრი ფუნქციონირებს და კონკურენციაც, რა თქმა უნდა, დიდია. ეს ყველაფერი კი უფრო დიდ მოტივაციას გვაძლევს, რომ რაც შეიძლება მეტი კმაყოფილი მომხმარებელი გვყავდეს.
სასურველი შედეგის მისაღებად კი აუცილებელია ჰიგიენური ნორმების სრული დაცვა, უმაღლესი, სერტიფიცირებული ხარისხის პიგმენტები, საცხები, ინსტრუმენტები და ა.შ.
ვფიქრობ, ასევე მნიშვნელოვანია, რომ თითოეული პროცედურის ჩატარებამდე მომხმარებელმა სპეციალისტთან გაიაროს სრულფასოვანი კონსულტაცია, რათა მისგან მაქსიმალურად ამომწურავი ინფორმაცია მიიღოს.
მნიშვნელოვანია ენდობოდე სპეციალისტს… თქვენი აზრით, რა განაპირობებს ამ ნდობას?
გუნდის დაკომპლექტებისას ჩემი, როგორც დამფუძნებლის მთავარი ამოცანა იყო, თითოეული სპეციალისტი საკუთარ საქმეზე უზომოდ შეყვარებული ყოფილიყო. თამამად შემიძლია ვთქვა, რომ ჩვენი გუნდის წევრები ყოველთვის მაღალი პროფესიონალიზმით ეკიდებიან საქმეს და ვფიქრობ, ნდობასაც სწორედ ამიტომ ვიმსახურებთ.
ჩვენთვის ცნობილია, რომ თქვენს ესთეტიკურ ცენტრში ტარდება ტრენინგებიც…
პერმანენტული მაკიაჟის, როგორც სპეციალობის შესწავლა დღეს ძალიან აქტუალურია. ჩვენ გვყავს ჯგუფები, რომლებსაც სრულფასოვნად შევასწავლით პერმანენტული მაკიაჟის საბაზისო კურსს. სიამოვნებით გადავცემ ჩემს ცოდნას, ვუზიარებ მათ გამოცდილებას და ვცდილობ, კურსის დასრულების შემდეგ მათ პრაქტიკულადაც დავეხმარო, დაიმკვიდრონ თავი ამ სფეროში.
როგორ ფიქრობთ, რა განაპირობებს წარმატებას?
არა მხოლოდ ჩვენს პროფესიაში, არამედ ნებისმიერ სფეროში აუცილებელია გიყვარდეს და გსიამოვნებდეს ის საქმიანობა, რასაც აკეთებ. წარმატებისთვის კი უნდა იყო მოტივირებული და შრომისმოყვარე.
როგორია თქვენი სამომავლო გეგმები?
კმაყოფილი მომხმარებელი ძალიან დიდი მოტივაციაა ჩემთვის, სამომავლოდ მათ ბევრ სიახლეს ვპირდები. უახლოეს მომავალში Sk’ink with Tamo Buchukuri-ს ესთეტიკურ ცენტრში მომხმარებელს სახის მოვლის პროცედურებთან ერთად ტანის მოვლის სხვადასხვა პროცედურასაც შევთავაზებთ.
საკონტაქტო ინფო:
მისამართი: ა.კალანდაძის #4 (ყოფილი ბულაჩაურის ქუჩა)
დაგვიკავშირდით: 
+995 558 31 31 88
ტექსტი: სოფიო მალანია
ფოტო: ალექსეი სეროვი
