იმერეთში მოგზაურობისას ჟურნალი OK!-ის ყურადღება „შატო გელათმა“ მიიპყრო, რომელიც 2018 წელს გაიხსნა და ქუთაისთან ახლოს, ისტორიულ გელათში მდებარეობს. რესტორანი რამდენიმე ღია და დახურულ სივრცეს აერთიანებს, თითოეული მათგანი უნიკალურია, გამოირჩევა დახვეწილი ინტერიერითა და შექმნილი ატმოსფეროთი. თამამად შეგვიძლია ვთქვათ, რომ აქ ნებისმიერი გემოვნების სტუმარი თავს კომფორტულად გრძნობს.
„შატო გელათი“ მრავალფეროვანი სამზარეულოთი გამოირჩევა. აქ სხვადასხვა რეგიონის კერძის დაგემოვნებას შეძლებთ. რაც შეეხება სასმელებს, წელს, პირველად, „შატო გელათმა“ თავისსავე მარანში დაწურული ღვინო წარმოადგინა. რესტორანში ყოველ საღამოს მუსიკალური შოუპროგრამა იმართება და მოსულ სტუმარს საუკეთესო მომღერლები ხვდებიან. მრავალფეროვანი ჰანგებით გაჟღენთილ სიმწვანეში ჩაფლულ ეზოს სტუმარი არასდროს აკლია. შატოში აღნიშნული საქორწილო წვეულება, იუბილე თუ სხვა ღონისძიება თითოეული ადამიანის ცხოვრებაში დაუვიწყარ კვალს ტოვებს.
