2025 წლის 7 ოქტომბერს, სავსემთვარეობა ვერძის ნიშანში გველის. ის ექვსთვიან ციკლს დაასრულებს, რომელიც 29 მაისს ვერძში მომხდარი მზის დაბნელებით დაიწყო. ყველაფერი, რასაც მაშინ საფუძველი ჩაუყარეთ, ახლა უკიდურეს წერტილს მიაღწევს. ზოგიერთმა შეიძლება საკუთარი ძალისხმევის ნაყოფი მოიმკოს, სხვები კი მიხვდებიან, რომ დროა, მიმართულება შეცვალონ. შემოდგომის სავსემთვარეობას განსაკუთრებით ძლიერი გავლენა რადიკალურ ნიშნებზე – ვერძებზე, სასწორებზე, კრავებზე და თხის რქებზე ექნება – მათთვის ოქტომბერი გარდამტეხი გადაწყვეტილებების თვე გახდება.
ქვემოთ ნახეთ ზოდიაქოს თითოეული ნიშნისთვის შედგენილი ჰოროსკოპი, რათა სავსემთვარეობამ სარგებელი მოგიტანოთ.
ვერძი
ვერძი ამ ასტროლოგიური მოვლენის მთავარი ფიგურაა. ახლა თქვენი ძლიერება აქტიურ, მაგრამ ფრთხილ ურთიერთობაშია. როცა გგონიათ, რომ ადამიანები ვერ გიგებენ, იმის ნაცვლად, რომ „აფეთქდეთ“, სცადეთ თქვენი პოზიცია მშვიდად აუხსნათ – საჭირო ადამიანები აუცილებლად მოგისმენენ. მიეცით სავსემთვარეობას შანსი, რომ რეალურ და წარმოსახვით საფრთხეებს შორის განსხვავება დაგანახოთ. რაც უფრო ფრთხილი და მოზომილი იქნება თქვენი სიტყვები და გადაწყვეტილებები, მით უფრო გაძლიერდება თქვენი პოზიცია.
კურო
ცდილობთ საკუთარი პრობლემები დამალოთ ან ჩუმად მოითმინოთ იმის ნაცვლად, რომ მოაგვაროთ, მაგრამ სავსემთვარეობა თქვენს ქვეცნობიერ შიშებს და ფარულ ემოციებს სააშკარაოზე გამოიტანს. ვერძის ენერგია ერთდროულად ყველა პრობლემის გადაჭრის საშუალებას არ მოგცემთ. ინტუიცია დაგეხმარებათ გაიგოთ, რომელი დამცავი მექანიზმები გაკავებთ. გახსოვდეთ, რომ სიჩუმე ყოველთვის შერიგებასა და სიმშვიდეს არ ნიშნავს. გამოიყენეთ თქვენი ხმა ისე, რომ საკუთარ საჭიროებებს პატივი სცეთ და ამავდროულად, სხვებთან კავშირი შეინარჩუნოთ.
ტყუპები
სავსემთვარეობა გირჩევთ საკუთარი გრძნობები ნათლად და გულწრფელად გამოხატოთ, რომ საკუთარი პოზიცია მკაფიოდ განსაზღვროთ და ახლობლებთან ურთიერთგაგება გააძლიეროთ. რაც უფრო მიზანმიმართულად მოქმედებთ, მით უფრო ერთიანდება და მტკიცდება თქვენი გუნდი. შეიძლება აღმოაჩინოთ, რომ ნელ-ნელა ლიდერად ყალიბდებით.
კირჩხიბი
ამ სავსემთვარეობისას თქვენთვის ყველაზე მნიშვნელოვანი კარიერა და სამსახურეობრივი ავტორიტეტია. დროა დაფიქრდეთ, როგორ აღგიქვამთ საზოგადოება და გცემენ თუ სამსახურში პატივს. ეს ლუნაცია გიბიძგებთ, რომ ბოლოს და ბოლოს საკუთარი თავისა და შესაძლებლობების შესახებ ხმამაღლა განაცხადოთ. ნუ დაელოდებით, რომ სხვა გაღიარებთ. თავად მოითხოვეთ სამსახურში დაწინაურება, ხელფასის მომატება და ა.შ. თუ გავლენიან ადამიანებთან დაძაბულობა წარმოიშვა, აგრესიულ თავდაცვას ერიდეთ. საკუთარი ღირებულებების შესახებ პირდაპირ განაცხადეთ და საჭირო ადამიანი აუცილებლად გამოგეხმაურებათ.
ლომი
ეს სავსემთვარეობა მოგიწოდებთ შემზღუდავი რწმენებისა და ერთფეროვანი რუტინისგან გათავისუფლდეთ. შეიძლება იმასთან დაპირისპირება მოგიწიოთ, რასაც აქამდე თავს არიდებდით. ვერძის ენერგია სიმამაცეს მოითხოვს – ეცადეთ საკუთარ შიშს თვალებში ჩახედოთ. წარმატების გასაღები ახლა საკუთარ თავთან გულწრფელობაა. ისაუბრეთ იმაზე, რისიც ნამდვილად გწამთ, თუნდაც ეს სხვებისთვის კომფორტული არ იყოს. სავსემთვარეობა შეგახსენებთ, რომ თქვენს ხმას ყველა კარის გაღება შეუძლია, მაგრამ იმ შემთხვევაში, თუ ამ გაღებულ კარს გამოიყენებთ.
ქალწული
სავსე მთვარის პერიოდი თქვენთვის ემოციური იქნება. სავარაუდოდ, პარტნიორთან სერიოზული საუბარი, სამსახურში კი დისკუსია გელით. ახლა თქვენი გადარჩენა გამბედაობასა და სიმტკიცეშია. იმის ნაცვლად, რომ პასუხისმგებლობა აიცილოთ ან ბრალი სხვას დასდოთ, მკაფიოდ ჩამოაყალიბეთ საკუთარი პოზიცია და აზრი გამოთქვით. დაიმახსოვრეთ, ის შინაგანი ცეცხლი, რომელსაც ახლა გრძნობთ, განწმენდას ემსახურება და არა განადგურებას.
სასწორი
თქვენი რომანტიკული ურთიერთობები ყურადღების ცენტრშია. დროა საკუთარ გრძნობებზე და იმაზე, რაც გაწუხებთ გულწრფელად ილაპარაკოთ. ვერძის სავსემთვარეობის ენერგია დაგეხმარებათ საზღვრები მკაფიოდ განსაზღვროთ. შესაძლებელია გულწრფელმა საუბარმა თქვენი ურთიერთობა სრულიად ახალ დონეზე აიყვანოს.
მორიელი
სავსემთვარეობა განსაკუთრებულ ყურადღებას თქვენს ჯანმრთელობაზე, დღის განრიგზე და მუშაობაზე ამახვილებს. თუ გრძნობთ, რომ გადაიღალეთ, ზეწოლას ნუ დანებდებით და პირდაპირ განაცხადეთ, რომ თქვენი შესაძლებლობები უსაზღვრო არაა. ყურადღება მიაქციეთ ასევე ემოციურ რეაქციებს – ნუ დაკარგავთ თავდაჯერებას მხოლოდ იმიტომ, რომ ვიღაცამ თქვენი ძალისხმევა ვერ შეამჩნია.
მშვილდოსანი
თუ აქამდე რომანტიკულ თუ შემოქმედებით ურთიერთობებში თავს იკავებდით, სავსემთვარეობა შეგახსენებთ, რომ ვნება რისკის გარეშე ნამდვილი ვნება არ არის. თუ ვინმე მოგწონთ, თქვით, თუ თქვენი ნამუშევრით ამაყობთ, ეს სიამაყე სხვებსაც გაუზიარეთ. იუმორის მიღმა ნუ დაიმალებით, ძველი შიშები მოიშორეთ და ბედნიერებისკენ ნაბიჯი თამამად გადადგით. მალე თავად დაინახავთ რამდენად მიმზიდველი ხართ სინამდვილეში.
თხის რქა
ახლა თქვენთვის ყველაზე მნიშვნელოვანი ოჯახური ურთიერთობებია. შეიძლება წარსულიდან ის დღეები გაგახსენდეთ, როცა ოჯახი თქვენს ამბიციებს ზღუდავდა და გზას გიკეტავდათ ბედნიერებისკენ. ვერძის ენერგია გიბიძგებთ, რომ ძველი კავშირები გაწყვიტოთ და პირად სივრცეზე უფლება ხმამაღლა მოითხოვოთ. მოერიდეთ წყენის გულში ჩადებას – ეს მხოლოდ ძველი ქცევის ნიმუშებს იმეორებს, რისგანაც გათავისუფლება გსურთ. გამოიყენეთ ეს სავსემთვარეობა იმისთვის, რომ თქვენი შინაგანი წესები ხელახლა ჩამოაყალიბოთ. ჰარმონიული ოჯახის ატმოსფერო საკუთარი საჭიროებების მკაფიო გაცნობიერებით იწყება.
მერწყული
დაძაბული საუბრები გელოდებათ – ვიღაც შეიძლება უმიზეზოდ დაგიპირისპირდეთ და თავის დაცვა გაიძულოთ. გირჩევთ აქტიურობა შეამციროთ და თქვენს შინაგან ხმას უსმინოთ. გახსოვდეთ – ახლა თქვენს სიტყვებს უდიდესი ძალა აქვს.
თევზები
ამ სავსემთვარეობაზე თქვენი მთავარი საზრუნავი ფული, ფასეულობები და თვითშეფასებაა. შესაძლებელია, რომ სამსახურში აღიარება ან სასიამოვნო მატერიალური ბონუსი მიიღოთ. ვერძის ენერგია შეგახსენებთ, რომ თქვენი შინაგანი ძლიერება თვითშემეცნებით იწყება. გათავისუფლდით თავდაცვის იმპულსისგან და არჩევანი სიცხადისა და თავდაჯერების სასარგებლოდ გააკეთეთ. ეს სავსემთვარეობა თქვენი შანსია, რომ კეთილდღეობისკენ ნაბიჯი გადადგათ და სამყაროს საკუთარი პირობები უკარნახოთ.
