“ალ-იტიჰადის” პრეზიდენტმა ანმარ ალ-ჰაილიმ განაცხადა, რომ ლიონელ მესის გუნდში ხილვა სურს და ამისთვის კლუბი მზადაა მესის ყველა ფინანსური მოთხოვნა დააკმაყოფილოს.
შემოდგომაზე არგენტინელმა ვარსკვლავმა „ინტერ მაიამისთან“ ხელშეკრულება 2028 წლის ბოლომდე გაახანგრძლივა, ამიტომ მისი სადმე გადასვლა ნაკლებად სავარაუდოა. მიუხედავად ამისა, თუ მოთამაშე ძალების სხვაგან მოსინჯვას გადაწყვეტს, საუდის არაბეთში მას სიხარულით მიიღებენ.
„თუ მესი ალ-იტიჰადში გადმოსვლაზე დათანხმდება, შეუძლია კონტრაქტში ნებისმიერი რაოდენობის ხელფასი, ნებისმიერი ვადით, თუნდაც ცხოვრების ბოლომდე ჩაწეროს. როცა პსჟ-ს ფეხბურთელი იყო წელიწადში €1.4 მილიარდი შევთავაზე, თუმცა უარი მითხრა.
ფული ჩემთვის საერთოდ არაფერს ნიშნავს. უბრალოდ მინდა, რომ მესი ჩემს კლუბში ვიხილო, რადგან ეს ნიშნავს, რომ ისტორიაში საუკეთესო ფეხბურთელი მეყოლება”, – ამბობს ანმარ ალ ჰაილი.
გასულ წელს არაბული კლუბები მეორედ გეგმავდნენ მესისთან კონტრაქტის გაფორმებას მას შემდეგ, რაც ორი წლის წინ ვარსკვლავმა მათ უარი უთხრა. იმ დროს, ოჯახური გარემოებებისა და აშშ-ში სტაბილური ცხოვრების გამო, მესიმ ფეხბურთის ისტორიაში უპრეცედენტო შეთავაზება უარყო და „ინტერ მაიამი“ აირჩია.
ლიონელ მესი კვლავაც ფენომენალურ შედეგებს აჩვენებს, მიუხედავად იმისა, რომ უკვე 38 წლისაა. მისი სტატისტიკა „ინტერ მაიამიში“ ნათლად ხსნის, რატომ არიან საუდური კლუბები მზად, რომ „სამუდამო ხელფასი“ გადაუხადონ.
- შედეგიანობა „ინტერ მაიამიში“ (MLS)
მესი კვლავ ლიგის ყველაზე ეფექტურ მოთამაშედ რჩება. საშუალოდ ყოველ მატჩში მას ერთზე მეტი საგოლე მოქმედება (გოლი ან ასისტი) აქვს:
- გატანილი გოლები: 2025 წლის სეზონში მან 25-ზე მეტი გოლი გაიტანა, რაც მისი ასაკისთვის წარმოუდგენელი შედეგია.
- საგოლე გადაცემები: კვლავ ლიდერობს ასისტების რაოდენობით.
- „მესის ეფექტი“: სტატისტიკა აჩვენებს, რომ მისი მოედანზე ყოფნისას „ინტერ მაიამი“ თამაშების 70%-ზე მეტს იგებს, ხოლო მის გარეშე ეს მაჩვენებელი დაახლოებით 30%-მდე ეცემა.
სტატისტიკა მხოლოდ გოლები არ არის. საუდის არაბეთისთვის მესი არის:
- გარანტირებული აუდიტორია: მისი ყოველი თამაში მსოფლიო მასშტაბით მილიონობით ნახვას აგროვებს.
- კომერციული მოგება: მაისურების გაყიდვები და ტრანსლაციების უფლებები.
- პრესტიჟი: მესის ყოლა ნიშნავს, რომ ლიგა მსოფლიოს ყურადღების ცენტრში იქნება, მიუხედავად ფეხბურთელის ასაკისა.
ასევე დაგაინტერესებთ
