ახალი სეზონი დაიწყო, რაც იმას ნიშნავს, რომ მაყურებლები ახალ გადაცემებს იხილავენ. ტელეკომპანია “რუსთავი ორი” სექტემბრის თვიდან ორი უახლესი გადაცემით და “ნიჭიერის” მეათე, საიუბილეო სეზონით დუბრუნდება, რომელთა პროდიუსერები არიან გიორგი ხაბურძანია და დემნა ჯაფარიძე.
ცოტა ხნის წინ ცნობილი გახდა, რომ მსახიობებმა ანა ჩირაძემ და გიორგი ბახუტაშვილმა პოპულარული სერიალი “ჩცდ” დატოვეს. ანა საკუთარ შოუს, ხოლო გიორგი “ნიჭიერს” წაიყვანს.
მეგაშოუ ნიჭიერს გიორგი მოდელთან, ნუკი კოშკელიშვილთან ერთად წაიყვანს. მეათე, საიუბილეო სეზონი ტელეკომპანია რუსთავი 2-ის ეთერში ჟიურის ახალი შემადგენლობით წარსდგება. კონკურსანტების ბედი წელს რუსკა მაყაშვილის, სტეფანეს, თიკა ფაცაციას, თაკო ფხაკაძის და ირაკლი იმნაიშვილის ხელში იქნება.
წამყვანების ფოტოები სოციალურ ქსელში თავად ნუკი კოშკელიშვილმა განათავსა. ფოტოგრაფ გიორგი ცაავას მიერ გადაღებულ ფოტოებში ნუკი და გიორგი “ნიჭიერის” სცენაზე და ჟიურის მაგიდასთან პოზირებენ.
16 სექტემბრიდან, ყოველ ხუთშაბათს 22:00ზე კი ანი ჩირაძის გადაცემას, “აnnა”-ს იხილავთ. შეგახსენებთ, რომ ეს პოპულარული ამერიკული გადაცემის, Ellen Show–ს ქართული ვერსიაა.
ტელეწამყვანის ამპლუას წელს მუსიკოსი სტეფანე მღებრიშვილიც მოირგებს, რომელიც ამერიკული გადაცემის, The Talk -ის ქართულ ვერსიას წაიყვანს. მისი თანაწამყვანები რუსკა მაყაშვილი, ნატა ასათიანი, ნელი აგირბა და მარიამ სანოგო იქნებიან. გადაცემას მაყურებელი ყოველ სამშაბათს “რუსთავი 2”-ის ეთერში 22:00-ზე იხილავს.
View this post on Instagram
სტატიაში გამოყენებულია ფოტოგრაფ გიორგი ცაავას ფოტოები.
