სასტუმრო „ინტურისტი ყაზბეგის“ ისტორია ჯერ კიდევ გასული საუკუნის 60-იან წლებში იწყება. უდიდესი ისტორიის მქონე ადგილმა ამჟამად ახალი სიცოცხლე შეიძინა და საზოგადოებას ბუნებასთან სიახლოვეს, კომფორტულ, მშვიდ დასვენებას და ხარისხიან მომსახურებას ჰპირდება. სასტუმროს უპირატესობებზე ჟურნალ OK!-ის „ინტურისტი ყაზბეგის“ გენერალური მენეჯერი, ცირა ფიცხელაური ესაუბრა.
როგორია „ინტურისტი ყაზბეგის“ შექმნის ისტორია?
სასტუმრო ისტორიული მნიშვნელობისაა, რადგან დაახლოებით 60 წლის წინ ყაზბეგში „ინტურისტის“ ქსელის სახელით ოპერირებდა. 1990-იან წლებში კი ქვეყანაში არსებული პოლიტიკური ვითარების გამო მუშაობა შეწყვიტა. 2021 წლიდან სასტუმრომ ახალი სიცოცხლე შეიძინა, ისტორიული სახელითა და გარეგნობით. მიუხედავად იმისა, რომ სასტუმრო პანდემიის დროს გაიხსნა, ინტერესი საკმაოდ მაღალია.
გვესაუბრეთ სასტუმროს უპირატესობებზე.
ჩვენი მთავარი უპირატესობებია ბუნებასთან სიახლოვე, ადგილმდებარეობა, დიზაინი, ისტორია და ხარისხიანი მომსახურება. ეს ყველაფერი კი თავს განსაკუთრებულად გაგრძნობინებთ. ნებისმიერი სტუმარი, რომელიც ერთხელ მაინც ყოფილა ჩვენთან, აუცილებლად დაბრუნდება.
სასტუმროს აქვს ორი ბარი, რესტორანი, ტერასა და ბიბლიოთეკა. მიუხედავად სიმარტივისა, სასტუმროს ექსტერიერი ძალიან შთამბეჭდავია. ამ ყველაფერს ჩვენი დამსვენებლებიც ხშირად აღნიშნავენ, რომ დიზაინში თითოეულ დეტალზეც კი ნაფიქრია. ხის ფასადი უნაკლოდ ერწყმის ტყის ულამაზეს პეიზაჟებს. ბუნებრივი მასალები წარმოდგენილია მთელ სასტუმროში. ოთახებიდან იშლება არაჩვეულებრივი პანორამული ხედი ყაზბეგის მთებზე.
სასტუმროს სამზარეულო, სადაც შეძლებთ როგორც ახალი გემოების აღმოჩენას, ისე ტრადიციული კერძების დაგემოვნებას. ასევე, მომხმარებელს საშუალება ექნება სასტუმროს შეფმზარეულების მასტერკლასებსაც დაესწროს და უფრო ახლოს გაეცნოს ქართულ კულტურასა და ტრადიციებს. აღსანიშნავია, რომ აქ დაგხვდებათ სასმელების ფართო არჩევანი, მათ შორის ქართული ღვინის სახეობები და ქვევრის ღვინო.
გარდა ამისა, მათთვის, ვინც დასვენებას მუშაობასაც უთავსებს, ხელმისაწვდომია საკონფერენციო დარბაზები. ასევე, ეს არის იდეალური გარემო სხვადასხვა ღონისძიების ჩასატარებლად.
სამომავლო გეგმები…
„ინტურისტი ყაზბეგის“ მენეჯმენტი უახლოეს მომავალში ფიქრობს დამატებითი სერვისების შეთავაზებას დამსვენებლებისთვის: სპა და აუზი, სავარჯიშო დარბაზი, სხვადასხვა გასართობი სივრცე, როგორც მოზარდებისთვის ასევე ბავშვებისთვის; სივრცე საქმიანი შეხვედრებისთვის და ა.შ.
ჩვენი მიზანია, „ინტურისტი ყაზბეგი“ ასოცირდებოდეს ხარისხთან, კომფორტთან და სიახლესთან. ასევე, მომხმარებელს შევუქმნათ მყუდრო და სასიამოვნო გარემო.
ტექსტი: სოფიო მალანია
