HBO-ს ამერიკული სატელევიზიო პროექტი, Candace Bushnell-ის 1977 წლის წიგნის ადაპტაცია,
არაერთი “ემის” ჯილდოსა და “ოქროს გლობუსის” მფლობელი სერიალი Sex And The City
ტელეეკრანებს ახალი სეზონით (And Just Like That) დაუბრუნდა. ამჯერად კი მუშაობა სერიალის მეორე სეზონზე მიდის.
გასული დეკადების ერთ-ერთი
ყველაზე პოპულარული სერიალის მთავარი პერსონაჟი ქერი ბრედშოუ, რომლის როლსაც
ამერიკელი მსახიობი სარა ჯესიკა პარკერი ასრულებდა, დღემდე განიხილება საზოგადოებაში,
როგორც 90-იანი წლების საკულტო ჩაცმულობებისა და ყველაზე გამორჩეული სტილის მქონე
ქალბატონად.
როგორც თავად სარა აღნიშნავს, ქერი ბრედშოუს პერსონაჟის სამოსი, ნივთები და აქსესუარები
მისთვის მნიშნელოვანი ღირებულების მატარებელი იყო და მათ მთელი ამ დროის განმავლობაში
ინახავდა.
„ქერი ბრედშოუს პერსონაჟის ყველა ორიგინალი ნივთი ჩემს საცავში იყო შენახული, არ ჰქონდა
მნიშვნელობა იქნებოდა ეს ავეჯი, სამოსი, თუ აქსეასუარები. თითოეული ნივთი დაყოფილი იყო
კონკრეტული სეზონის, ეპიზოდისა და სცენის მიხედვით.”
სერიალის საკულტო სტილის მქონე პერსონაჟის ოთახის ნახვა არაერთი მაყურებლისთვის
მრავალი წლის განმავლობაში აუხდენელ ოცნებად რჩებოდა, ამიტომაც, ახალი სეზონის
პრემიერამდე რამდენიმე კვირით ადრე Warner Bros. Pictures-მა Airbnb-თან თანამშრომლობით
გადაწყვიტეს გულშემატკივრებისთვის სიურპრიზი გაეკეთებინათ და ქერი ბრედშოუსს ბინა
ნებისმიერ მსურველზე გაექირავებინათ. იქიდან გამომდინარე, რომ Sex And The City-ის
პრემიერიდა ზუსტად 23 წელი გავიდა, ბინის ფასიც სიმბოლურად სულ რაღაც 23 დოლარს
შეადგენდა.
როგორც სარა ჯესიკა პარკერი აღნიშნავს სერიალში მაყურებელი ბევრ სიახლეს იხილავს. მისი
განცხადებით, აქამდე Sex And The City კონცენტრირებული იყო ოთხ თეთრკანიან ქალბატონზე,
რის გამოც სერიალს ინკლუზიურობა და მრავალფეროვნება ყოველთვის აკლდა. სცენარისტების,
პროდიუსერების და თავად მსახიობების გადაწყვეტილებით And Just Like That-ში გამოჩნდებიან
ისევე როგორც განსხვავებული რასის, ასევე არატრადიციული სექსუალური ორიენტაციის
პერსონაჟები.
“სერიაში ვიხილავთ ახალი პერსონაჟებს, რომლებიც ვფიქრობ, რომ მაყურებლებს ძალიან
მოეწონებათ. გადაღებების დასრულების შემდეგ ხშირად გვხვდებოდნენ გულშემატკივრები,
რომლებსაც ჩვენთან გასაუბრება, ან ფოტოების გადაღება სურდათ. მიუხედავად იმისა, რომ
სერიალი 40 წელს გადაცილებულ ქალბატონებზე და მათ ცხოვრებაზეა ორიენტირებული, ეს იმას
არ ნიშნავს, რომ თინეიჯერები არ არიან მისი გამოსვლით დაინტერესებულები. მიხარია, რომ
სერიალი ყველანაირი ასაკის აუდიტორიას იზიდავს… ერთხელ გადასაღებ მოედანზე ახალგაზრდა
გოგონა მშობლებთან ერთად შევნიშნე, როდესაც მისი ხმა გავიგე “ერთი სული მაქვს ახალი
სერიები როდის გამოვა”. ვფიქრობ, ახალგაზრდა ქალები რეალურად უკავშირებენ ამ სერიალს
საკუთარ ცხოვრებას, რაშიც მთავარია როგორც მეგობრობა, ასევე სამსახური, ურთიერთობები,
სიყვარულისკენ სწრაფვა და შეგრძნება, რომელსაც ხშირად ბედნიერებამდე მივყავართ.”
Sex And The City ყოველთვის იყო კონცენტრირებული მეგობრობაზე. პერსონაჟები ყოველთვის
ამტკიცებდნენ იმას, რომ ისინი გამუდმებით იყვნენ ერთმანეთის გვერდით, რაც არ უნდა
მომხდარიყო მათ ცხოვრებაში. მას შემდეგ, რაც სერიალის ახალი სეზონის And Just Like That-ის
გადაღებები დაანონსდა, საზოგადოების უმეტესო ნაწილი მას დადებითად შეხვდა, თუმცა
სოციალურ ქსელში გამოჩნდა ადამიანების ნაწილი, რომლებმაც სარა ჯესიკა პარკერის
განწყობაზე მეტნაკლებად უარყოფითი ზეგავლება მოახდინა.
“სოციალურ მედიაში ვიღაცები წერდნენ: “რატომ დაბრუნდნენ ისინი?”, “რა აზრი აქვს მათ
დაბრუნებას?”, “ნუთუ მათი ცხოვრება წლების გასვლის შემდეგ ისევ საინტერესოა?” ეს კი გულს
მტკენდა. მიუხედავად იმისა, რომ არსებობენ ადამინები, რომლებსაც 40 წელს გადაცილებული
ქალბატონების ცხოვრების განვითარება კვლავ აინტერესებთ, მათთან ერთად არიან ასევე
ისეთებიც, რომლებისთვისაც ქალები მხოლოდ საკრიტიკო ობიექტებს წარმოადგენენ.“
“სოციალური მედია ნეგატიური კომენტარების ცენტრია, განსაკუთრებით სოციალური ქსელები.
ხშირად ვკითხულობ კომენტარებს, სადაც ადამიანები ჭაღარა თმის ან უბრალოდ ნაოჭების გამო
ცუდად მოგვიხსენიებენ, თითქოს მათ არ უნდათ ვიყოთ ისეთები, როგორებიც სინამვდილეში
ვართ. თითქოს არ უნდათ შევეგუოთ ასაკის მატების ბუნებრივ პროცესს. მაგრამ ამის შეცვლა
შეუძლებელია, რადგან ჩვენ ავირჩიეთ ბუნებრივობა.”
მსახიობის აზრით, საზოგადოება ორმაგად უფრო კრიტიკულია ქალების, ვიდრე მამაკაცების
მიმართ. ამერიკელი ლამაზმანი აღნიშნავს, რომ სოციალურ მედიას დადებითი მხარეებიც აქვს,
თუმცა ბოლო წლების განმავლობაში ინტერნეტზე დამოკიდებულებამ ადამიანები უფრომეტად
აგრესიული გახადა.
“სოციალური ქსელები ახალ გამოწვევებს ქმნიან. ისინი წარმოადგენენ ახალ ენას, კომუნიკაციის
უახლეს საშუალებას. ხშირად ვფიქრობ, როგორ ვუპასუხო პირად შეტყობინებებს ან სხვადასხვა
კომენტარებს. ინტერნეტი საშუალებას გვაძლევს ვეკონტაქტოთ ადამიანებს, რომლებსაც
რეალურ ცხოვრებაში არასდროს შევხვედრილვართ. საკუთარი გვერდის საშუალებით შეგვიძლია
გავაზიაროთ სიახლეები, ჩვენი მწუხარება, სიხარული და დავუახლოვდეთ აუდიტორიას…
მიუხედავად იმისა, რომ სოციალური ქსელები ძალიან ბევრ შესაძლებლობას გვთავაზობენ, ისინი
პარალელურად უამრავ წინაღობას წარმოადგენენ.”
“იმდენი ნეგატიური კომენტარი იწერება სოციალურ მედიაში ქალბატონებზე, რაც კაცებზე
არასდროს დაიწერებოდა. თითქოს ადამიანებს არ უნდათ კარგად ვიგრძნოთ თავი, თითქოს მათ
სურთ ვინერვიულოთ ასაკის მატებისა და ნაოჭების გაჩენის გამო. ჩვენ ავირჩიეთ დაბერების
ბუნებრივი პროცესი და არ ვცდილობთ ვიყოთ იდეალურები. მე ვიცი, როგორც გამოვიყურები,
მაგრამ სხვა არჩევანი არ მაქვს. მითხარით რა გავაკეთო, შევწყვიტო დაბერება? თუ საერთოდ
გავქრე?”
სარას ძალიან უყვარს წიგნების კითხვა, მსახიობი აღნიშნავს, რომ გადატვირთული დღის შემდეგ
ხშირად ინტერნეტში არსებული უარყოფითი კომენტარების თვალიერებას, წიგნების კითვა
ურჩევნია. აქტივობა, რომელიც მისთვის განტვირთვის ერთ-ერთი საუკეთესო და სასიამოვნო
საშუალებაა.
“ხშირად მეკითხებიან რომელია ჩემი საყვარელი ავტორი, წიგნი, ან ჟანრი, მაგრამ ფავორიტი
წიგნის არჩევა ძალიან მიჭირს, რადგან თითოეული განსხვავებული მნიშვნელობის მატარებელია.
ემოციებს ხშირად ვუზიარებ ჩემს გამომწერებს და საკუთარ გვერდს საზოგადოების ცნობიერების
ასამაღლებლად ხშირად ვიყენებ. წიგნები, რომლებიც გასული წლების განმავლობაში წავიკითხე
და ჩემზე დიდი ზეგავლენა მოახდინა იყო Madeleine St John-ის Women In Black და Vigdis Hjorth-ის
Will and Testament.“
